5 شىلدەدە قر پرەزيدەنتى ق.ك. توقاەۆتىڭ تاپسىرماسى بويىنشا ىشكى ىستەر مينيسترلىگى جەرگىلىكتى رەيدتىك ءىس-شارالاردى وتكىزدى. بۇل تۋرالى Polisia.kz. سايتى مالىمدەدى.

تەكسەرۋلەردىڭ ماقساتى – كارانتين ۋاقىتىندا قاجەتتى ءدارى-دارمەكتەردىڭ جەتىسپەۋشىلىگىن پايدالانىپ، جوعارى سۇرانىسقا يە بولعان رەسپيراتورلىق ۆيرۋستىق اۋرۋلاردان ەمدەۋگە ارنالعان ءدارى-دارمەكتەردى جوعارى باعامەن ساتقان ءدارىحانا قىزمەتكەرلەرى مەن ازاماتتاردى انىقتاۋ.

رەيد بارىسىندا ءدارى-دارمەكتەردى جاپپاي ساتىپ الۋدى ۇيىمداستىرعان ادامدار انىقتالدى. ولار ءدارى-دارمەكتىڭ جاساندى تاپشىلىعىن تۋدىرىپ، كەيىن دارىلەردى ناقتى قۇنىنان بىرنەشە ەسە ارتىق باعامەن قايتا ساتقان.

ءدارى-دارمەكتەردى قايتا ساتۋدىڭ كوپتەگەن فاكتىلەرى ەلىمىزدىڭ بارلىق وڭىرىندە انىقتالدى. كاسىپكەرلەر ءدارى-دارمەكتەردى “سورەدەن” ساتىپ الىپ، فيسكالدىق چەكتەردى شىعارماي ساتقان. سالدارىنان ادامدار دارىلەردى قىمبات باعاعا الۋعا ءماجبۇر بولعان.

ماسەلەن، نۇر-سۇلتان قالاسىندا پوليتسەيلەر قورعانىس قۇرالدارىن زاڭسىز ساتۋدىڭ جولىن كەستى. جەرگىلىكتى تۇرعىننان مەديتسينالىق ماسكالار، كومبينەزوندار، تەرمومەترلەر، مەديتسينالىق كوزىلدىرىكتەر مەن انتيسەپتيكالىق قۇرالدار تاركىلەندى.

سونىمەن قاتار، ايەل ادام ينتەرنەت-رەسۋرستارداعى حابارلاندىرۋ ارقىلى “پاراتسەتامول”، “ينگاۆيرين”، “تسەفترياكسون”، “ازيتروميتسين” سياقتى اسا قاجەتتى ءدارى-دارمەكتەردى زاڭسىز ساتقان. “نۇر-سۇلتان” قالاسىنداعى وسو-نىڭ ءبىرىنىڭ تۇراعىندا ەر ادام ۇستالدى، ونىڭ اۆتوكولىگىنەن اتالعان دارىلىك پرەپاراتتارى بار ەكى قوراپ تابىلدى.

شىمكەنت قالاسىندا “لەۆوماك” مەديتسينالىق پرەپاراتىن 12 000 تەڭگەگە ساتقان جەرگىلىكتى تۇرعىن پوليتسياعا جەتكىزىلدى. ول ءدارى باعاسىن ءوز باعاسىنان التى ەسە قىمباتقا ساتقان.

ءدارىحانادا پروۆيزور بولىپ جۇمىس ىستەيتىن شىمكەنت قالاسىنىڭ تاعى ءبىر تۇرعىنى “دەكسامەتازون-ادجيو” پرەپاراتىنىڭ امپۋلالارىن 5 000 تەڭگەدەن ساتقان، ال ونىڭ نەگىزگى باعاسى – 600 تەڭگە.

تۇركىستان وبلىسىندا ەر ادام “اسكوربين قىشقىلىن” 5 000 تەڭگەدەن ساتقان، ونىڭ نەگىزگى باعاسى – 250 تەڭگە.

وسىعان ۇقساس فاكتىلەر الماتى قالاسىندا، اقمولا، اقتوبە، اتىراۋ، شىعىس قازاقستان، جامبىل، باتىس قازاقستان وبلىستارىندا انىقتالدى.

رەيدتىڭ ءبىرىنشى كۇنى پوليتسياعا بارلىعى 21 ادام جەتكىزىلدى، ولاردان 3500-دەن استام دارىلىك زاتتار تاركىلەندى، ونىڭ ىشىندە

“اتسەتيلساليتسيل قىشقىلى” – 2100 ورام،

“پاراتسەتامول” – 589 ورام،

“تسەفترياكسون” – 230 امپۋلا،

سونداي-اق 17 800 مەديتسينالىق ماسكا، ءبىر رەت قولدانىلاتىن 60 قولعاپ، 105 قورعانىس حالاتى (كومبينەزوندار), 80 قورعانىس كوزىلدىرىگى، 79 تەرمومەتر جانە 100-دەن استام انتيسەپتيكالىق قۇرالدار (300 ليتر).

بارلىق انىقتالعان فاكتىلەر بويىنشا قولدانىستاعى زاڭناماعا سايكەس قۇقىقتىق باعا بەرىلەتىن بولادى.

ىشكى ىستەر مينيسترلىگى ءدارى-دارمەكتەردى زاڭسىز ساتۋعا تاپ بولعان تۇرعىنداردى، سونداي-اق مۇنداي فاكتىلەر انىقتالعان جاعدايدا جاقىن جەردەگى اۋماقتىق پوليتسيا بولىمشەلەرىنە نەمەسە “102” جانە “112” تەلەفوندارى ارقىلى حابارلاۋعا شاقىرادى.

رەيد جالعاسىپ جاتىر.

Abai.kz