بۇگىنگى جالپىۇلتتىق ازا تۇتۋ كۇنىندە الەۋمەتتىك جەلىگە شىمكەنتتىك دارىگەرلەر وتكىزگەن «فلەشموبتىڭ» بەينە جازباسى تارادى. دالىرەك ايتساق، كوشى بويلاپ، قاز-قاتار ءتىزىلىپ تۇرعان دارىگەرلەردىڭ بەينە جازباسى. الەۋمەتتىك جەلىگە تاراعان اقپاراتقا سۇيەنسەك، ايماقتاعى باسشى-قوسشىنىڭ بۇل ويلاپ تاپقانى – پاندەميا قۇرباندارىنا قۇرمەت كورسەتۋدىڭ ءبىر ءتۇرى ەكەن-مىس.

ال جەلى قولدانۋشىلارىنىڭ دەنى مۇنى – مازاق دەپ قابىلداعان. قازىرگىدەي ىندەت ءورشىپ، قاۋىپ كۇشەيىپ، دارىگەرلەردىڭ ءار سەكۋند ۋاقىتى – ءبىر جۇتىم اۋا، ءبىر عۇمىرعا تاتىپ تۇرعان تار كەزەڭدە – بۇكىل ۇجىمدى كوشەگە شىعارىپ، فلەشموب وتكىزۋ – ءولىنى دە، ءتىرىنى دە مازاق ەتۋ دەيدى.

مىنە قاراڭىز:

«ۆوت ەتو پوزور. كاك موجنو ۋستاۆشيح، يزموتاننىح مەسياتسامي بوربى س ۆيرۋسوم ۆراچەي ۆىگنات نا ۋليتسۋ ۆ دەن تراۋرا ي راسستاۆيت كاك پيونەروۆ، ۆسترەچايۋششيح برەجنەۆا؟! كاكومۋ يديوتۋ پريشلا ۆ گولوۆۋ تاكايا يزۋۆەرسكايا يدەيا؟!»، - دەپ جازدى ارمان شوراەۆ.

«مىناعان تاپسىرما بەرگەن كىم بولسا دا كەتۋ كەرەك. ءولىنى، ءتىرىنى دە مازاق ەتكەن ەسسىزدەر! ءبىزدىڭ مەنتاليتەتىمىزدە جوق نارسە عوي، قاراقتارىم-اۋ... نە بولىپ كەتت ءوزى؟»، - دەپ جازدى ساۋلە مەشىتبايقىزى.

«شاش ال دەسە، باس الادى... دارىگەرلەرمەن (شىمكەنت) دالادا «فلەش- موب» جاساعاندى دوعارۋ كەرەك. وتە وكىنىشتى جاعداي. دالادا كۇن قاپىرىق، دارىگەر دالادا تۇر. سوندا، اۋىرىپ جاتقان پاتسيەنتكە كىم قاراپ وتىر؟ قازىر، دارىگەرلەردىڭ وزدەرىنە پسيحولوگيالىق، رۋحان، ادامي كومەك كەرەك. دارىگەر بارشا قوعام بولىپ ايالايتىن تۇلعا! وبلىس اكىمدەرى ادام تراگەدياسىنان تەاتر جاساعانشا، ادام ءومىرىن ساقتايتىن ناقتى شەشىم جاساسىن...»، - دەپ جازدى ەرلان سايروۆ.

«دارىگەرلەردى سىرتقا شىعارۋعا كىم بۇيرىق بەردى؟ ادامدار اۋاعا زار بولىپ، دارىگەرلەر جەتىسپەي جاتقاندا بۇلارى نەسى؟ تۇركىستان وبلىسىنا قاراستى اۋرۋحانا! ساكەن قالقامانوۆ مىناۋ نە ماسقارا؟ ءولىپ جاتقان ادام سىزدەرگە از بولىپ وتىر ما؟»، - دەپ جازدى ايگۇل ورىنبەك.

«چتو زا فارس ۋسترويلي؟!! كتو سەگودنيا ۋسترويل ەتو پوزوريششە!!!! فلەش-موب ۆ شىمكەنتە ۆ پاميات و پوگيبشيح وت كوۆيدا!!! جيۆايا ستەنا يز تەح، كتو سەگودنيا-زاۆترا موجەت وكازاتسيا ۆ چەرنوم سپيسكە جەرتۆ كوروناۆيرۋسا! كوگدا جە ەتو پرەكراتيتسيا؟!!! كوگدا ناچنۋت ۋۆاجات ۆراچەي؟!!! كوگدا ناچنۋت ۋۆاجات ليۋدەي؟!!! كوگدا مى سامي سەبيا ناچنەم ۋۆاجات؟!!! UPD. تۋت سو ۆسەح رەگيونوۆ پريسىلايۋت سكرينى سووبششەني س رەكومەنداتسيامي مەديكامي ۆىيتي نا ۋليتسى ي پوسكوربيت. ودنو يز نيح پريكرەپيلا ك ۆيدەو»، - دەپ جازدى زاۋرە ميرزاحودجاەۆا.

سونىمەن، بۇل اكتسيا قايدا ۇيىمداستىرىلعان؟ جەلى قولدانۋشىلارىنىڭ ءبىرى – شەمكەنتتە دەسە، ەكىنشىسى – تۇركىستاندا دەيدى.

تۇركىستان وبلىسى اكىمىنىڭ ورىنباسارى ساكەن قالقامانوۆ «شىمكەنتتەگى» دارىگەرلەر تۇسكەن ۆيدەوعا قاتىستى پىكىر ءبىلدىرىپتى. «تengrinews.kz» سايتى جازدى. ونىڭ ايتۋىنشا: «تۇركىستانداعى باس تۋدىڭ ماڭىندا ءبىر مينۋت ۇنسىزدىك جاريالاندى - وندا پوليتسەيلەر، قالالىق ەمحانانىڭ قىزمەتكەرلەرى، وبلىس اكىمى مەن اپپارات قىزمەتكەرلى قايتىس بولعانداردى ازا تۇتتى.

ال شىمكەنتتەگى تۋبەركۋلەز ديسپانسەرىنىڭ باس دارىگەرى قاجەت ەمەس باستامانى قولعا الىپ، اۋرۋحانانىڭ بۇكىل ۇجىمىن سىرتقى شىعارىپ اكتسيا وتكىزدى. دارىگەرلەردى وسىنداي قيىن ساتتە مازالاۋ، بىلايشا ايتقاندا، قىلمىستىق وزبىرلىق»، - دەدى قالقامانوۆ. قالقامانوۆ مىرزانىڭ بۇل پىكىرى Facebook جەلىسىندە دە تاراپ ءجۇر ەكەن. الايدا، ساكەن قالقامانوۆتىڭ جەلىدەگى جەكە پاراقشاسىن شولىپ شىعىپ، جوعارىداعى جازبانى تابا المادىق...

ەسەسىنە شىمكەنت قالالىق دەنسۋلىق ساقتاۋ باسقارماسىنىڭ رەسمي جاۋابى Facebook جەلىسىندە تۇر.

«الەۋمەتتىك جەلىدە ۆيدەوسى تاراپ جۇرگەن اق حالاتتىلاردىڭ قاتىسۋىمەن وتكەن ءىس-شارا شىمكەنت قالاسىنىڭ دەنساۋلىق ساقتاۋ باسقارماسى تاراپىنان ۇيىمداستىرىلماعانىن رەسمي تۇردە مالىمدەيمىز. بەينە-روليكتەگى تۋبەركۋلەز ديسپانسەرى تۇركىستان وبلىستىق قوعامدىق دەنساۋلىق ساقتاۋ باسقارماسىنا قاراستى مەكەمە بولىپ تابىلادى»، - دەپتى باسقارما.

ءتۇيىن. فلەشموب! جەلىدەگى بەينە جازباداعى بۇل اكتسيا – قالاي دەسەڭىز دە، فلەشموب! انىعىندا، باسقا-باسقا، وسىنداي ساتتە دارىگەرلەردى كوشە بويىنا قاز-قاتار ءتىزىپ قويىپ، اكتسيا وتكىزۋ - قالقامانوۆ مىرزانىڭ ءوزى ايتپاقشى - قىلمىستىق وزبىرلىق! ازا تۇتۋدى اكتسيا دەپ ۇققان «اقىلدىلار» قوعام الدىندا جاۋاپ بەرۋى كەرەك!

جاۋاپ بەرۋ دەمەكشى، «تengrinews.kz» سايتى اكتسيانى ۇيىمداستىرۋشى، «ۇلتتىق مەديتسينا» رەسپۋبليكالىق قوعامدىق بىرلەستىگىنىڭ پرەزيدەنتى ايجان سادىقوۆا دەيتىن ادامنىڭ پىكىرىن جاريالاپتى.

بۇيدەيدى:

«اكتسيانى ۇيىمداستىرۋعا ەشقانداي شەنەۋنىك قاتىسپاعان. بارلىق دارىگەرلەر ءوز ەركىتەرىمەن كوشەگە شىققان. قايتىس بولعان دارىگەرلەردى ەسكە الۋ ءۇشىن...

مەنىڭشە، قانشا ۋاقىتتان بەرى ىندەتپەن كۇرەسىپ جۇرگەن دارىگەرلەردىڭ ەرلىگى ءۇشىن قۇرمەت كورسەتۋ – بۇل حالىقتىق يدەيا. مىنە، بەسىنشى اي. كوبىسى وزدەرىنىڭ ءۇي-جايىن، بالا-شاعاسىن كورگەن جوق. جۇمىستا قونىپ ءجۇر.

سوندىقتان، ءبىز بارلىق دارىگەرلەرگە 11:55 پەن 12: 00 ارالىعىندا، 5 مينۋتقا سىرتقا شىعىپ، اۋرۋحانالاردىڭ الدىنا شىعىپ، ەسكە الۋدى ۇسىندىق. مەنىڭ ويىمشا، حالىقتىڭ كوبىسى دارىگەرلەرگە قۇرمەتپەن جانە تۇسىنىستىكپەن قارايدى دەپ ويلايمىن»، - دەپتى.

سادىقوۆا حانىمنىڭ ايتۋىنشا، مۇنداي تەرىس پىكىر تەك شىمكەنتتەگى جاعدايعا عانا قاتىستى بولعان. ال قازاقستاننىڭ باسقا قالالارىنداعى اكتسياعا قاتىستى مۇنداي نەگاتيۆتى پىكىر بولماعان-مىس...

سادىقوۆانىڭ جاۋابى جاريالانار-جاريالانباستان، شىمكەنت قالاسىندا ورنالاسقان، تۇركىستان وبلىسىنىڭ قاراماعىنا كىرەتىن وبلىستىق تۋبەركۋلەزگە قارسى ديسپانسەردىڭ باس دارىگەرى بولات ساعىمبەكوۆتىڭ دا جاۋابى شىعىپتى:

«قۇرمەتتى قازاقستاندىقتار! ەل پرەزيدەنتى جاريالاعان جالپىۇلتتىق ازا تۇتۋ كۇنىندە الەۋمەتتىك جەلىدە ءبىزدىڭ ارىپتەستەرىمىزدىڭ كوروناۆيرۋس پاندەمياسىنا بايلانىستى مەزگىلسىز قايتىس بولعان وتانداستارىمىزدى ەسكە الۋ ءۇشىن كوشەدە وتكىزگەن مينۋتتىق ۇنسىزدىك اكتسياسى تارادى.

الايدا بۇل شارانى سىناپ جاتقان ازاماتتار بار.

وسىعان بايلانىستى، شىمكەنت قالاسىندا ورنالاسقان تۇركىستان وبلىستىق تۋبەركۋلەزگە قارسى ديسپانسەرى ۇجىمىنىڭ اتىنان رەسمي تۇردە مالىمدەيمىن: 

اتالعان ءىس-شارا ۇلتتىق مەديتسينا اسسوتسياتسياسى ءتورايىمى سادىقوۆا ايجان بەگايدارقىزىنىڭ ەپيدەميامەن كۇرەستە قايتىس بولعان ءوز ارىپتەستەرىمىزدى ەسكە الۋ تۋرالى ۇندەۋىن قولداۋ ماقساتىنداعى ءبىزدىڭ ورتاق شەشىمىمىز.

ءبىزدىڭ ارىستەستەرىمىزدىڭ ەسىمى ءبىزدىڭ جۇرەگىمىزدە ماڭگى ساقتالادى. سوندىقتان، ءدال وسى جالپىۇلتتىق ازا تۇتۋ كۇنىندە ولاردى ەسكە الۋ ءبىزدىڭ ادامي جانە ازاماتتىق بورىشىمىز دەپ ەسەپتەيمىن. ءبىز ولاردىڭ ارقايسىسى مۇنداي قۇرمەتكە لايىق دەپ ەسەپتەيمىز.

ءوز كەزەگىمدە، اتالعان ءىس-شارانى ۇيىمداستىرۋعا جەرگىلىكتى اكىمدىكتىڭ دە، ورتالىق بيلىك ورگاندارىنىڭ دا ەشقانداي قاتىسى جوق ەكەنىن حابارلايمىن»، - دەپتى.

پرەزيدەنت پارمەن بەرىپ، ءدال وسى كۇنى، 13 شىلدەنى جالپىۇلتتىق ازا تۇتۋ كۇنى دەپ بەلگىلەدى. بۇگىن ەلىمىزدىڭ بارلىق قالالارىندا مەملەكەتتىك تۋلار ءتۇسىرىلىپ، تەلەارنالاردان ويىن-ساۋىق باعدارلامالار توقتاتىلدى. مەشىتتەردە پاندەميا قۇرباندارىنا قۇران باعىشتالىپ، باسقا دا ءدىني ورىنداردا ءدىني جورالعىلار اتقالىلۋدا. بۇل ازا تۇتۋ كۇنى اتقارىلعان، اتقالىلۋى ءتيىس امالداردىڭ ءبىر لەگى. ال كوشە بويلاپ، اكتسيا وتكىزۋگە قاتىستى، وندا دا باسقا-باسقا ەمەس، دارىگەرلەردى قاز-قاتار ءتىزىپ قويۋعا قاتىستى جەلىدەگى جۇزدەگەن، ءتىپتى مىڭداعان جۇرتتىڭ پىكىرى: «ازا تۇتامىز با، اكتسيا وتكىزەمىز بە؟»... 

فاكتى! الگى اكتسيا شىمكەنت قالاسىندا بولعان. ونى وتكىزگەن تۇركىستاندىق دارىگەرلەر. ال اكتسيانى ۇيىمداستىرۋشى - ۇلتتىق مەديتسينا اسسوتسياتسياسى ءھام اسسوتسياتسيا ءتورايىمى سادىقوۆا ايجان بەگايدارقىزى. 

سونىمەن، جەلى قولدانۋشىلارى بۇل اكتسياسى - «مۇلدە ورىنسىز» دەيدى. ال اكتسيانى ۇيىمداستىرۋشىلار مەن قاتىسۋشىلار - «دۇرىس» دەيدى. ءسىز نە دەيسىز؟

Abai.kz