ۇيىم باسشىسى تەدروس ادحانوم گەبرەيەسۋس “تىم كوپ مەملەكەت بۇرىس باعىتتا كەتتى” دەدى. ونىڭ سوزىنشە، كوروناۆيرۋسپەن كۇرەستىڭ تەكسەرىلگەن تاسىلدەرى نە مۇلدە قولدانىلماعان نە لايىقتى تۇردە ىسكە اسپاعان ەلدەردە ىندەت ءورشىپ بارادى.

“ۆيرۋس – قوعامنىڭ ءالى دە ءنومىرى ءبىرىنشى جاۋى. بىراق كوپ ۇكىمەتتىڭ جانە حالىقتىڭ ارەكەتى وسى قاۋىپتىڭ ەسكەرىلمەي وتىرعانىن كورسەتەدى. ۆيرۋستىڭ جالعىز ماقساتى – ينفەكتسيا جۇقتىراتىن ادام تابۋ” دەدى گەبرەيەسۋس.

ددسۇ باسشىسىنىڭ سوزىنشە، ەل باسشىلارىنىڭ قايشىلىققا تولى مالىمدەمەلەرى كوروناۆيرۋسقا قارسى كۇرەستە ەڭ ماڭىزدى سانالاتىن سەنىمنىڭ جوعالۋىنا اكەلدى.

“ۇكىمەت حالىقپەن دۇرىس بايلانىس ورناتپاسا، حالىق ۆيرۋستان قورعانۋدىڭ نەگىزگى شارتتارىن ۇستانباسا، ءبىر عانا جول بار. پاندەمياعا قاتىستى جاعداي قيىنداعان ۇستىنە قيىنداي بەرەدى” دەدى ول.

ۆيرۋستان قورعانۋدىڭ نەگىزگى شارتتارى – قاشىقتىقتى ۇستانۋ، قولدى ءجيى جۋ، شىنتاققا تۇشكىرۋ جانە ماسكا تاعۋ دەدى گەبرەيەسۋس.

ىندەت الەمنىڭ باسقا وڭىرلەرىنە قاراعاندا سولتۇستىك جانە وڭتۇستىك امەريكادا قاتتى ءورشىپ جاتىر. كوروناۆيرۋس ينفەكتسياسىن جۇقتىرعاندار 3,3 ميلليون ادامنان اسقان اقش-تا سوڭعى كۇندەرى دەنساۋلىق ساقتاۋ ماماندارى مەن پرەزيدەنت دونالد ترامپ اراسى شيەلەنىسىپ بارادى. دجونس حوپكينس ۋنيۆەرسيتەتىنىڭ مالىمەتى بويىنشا، اقش-تا 135 مىڭنان اسا ادام COVID-19 دەرتىنەن قايتىس بولعان.

Abai.kz