قازاقستاندا 13 ماۋسىمنان 12 شىلدەگە دەيىن پارلامەنت سەناتىنىڭ دەپۋتاتتىعىنا 94 كانديدات ۇسىنىلدى. بۇل تۋرالى ورتالىق سايلاۋ كوميسسياسىنىڭ توراعاسى بەرىك يماشەۆ مالىمدەدى. 

سالىستىرۋ ءۇشىن ايتا كەتەيىك، 2017 جىلى سەنات سايلاۋىنا 89, 2014 جىلى 88, 2011 جىلى 96 كانديدات ۇسىنىلعان. ناتيجەسىندە ءبىر سەناتوردىڭ مانداتىنا ورتا ەسەپپەن بەستەن استام ۇمىتكەر تۇسەدى.

وسى جىلى ەڭ كوپ ۇسىنىلعان كانديداتتار:

- الماتى وبلىسىنان - 9 ادام;

- نۇر-سۇلتان قالاسىنان - 8;

- الماتى قالاسىنان - 7;

ەڭ از ۇمىتكەر شىعىس قازاقستان، قوستاناي وبلىستارى مەن شىمكەنتتە (ارقايسىندا ءتورت ۇمىتكەردەن)

ءوزىن-ءوزى ۇسىنۋ قۇقىعىن 82 كانديدات (87%) پايدالاندى. بۇل 2017 جىلى - 92,1%، 2014 جىلى - 82,9%، 2011 جىلى - 82,7% بولعان. ال، ءماسليحاتتار 12 كانديدات ۇسىندى (2017 جىلى - 7 نەمەسە 7,9%).

بەرىك يماشەۆ سايلاۋ ناۋقانى كەزىندەگى ايەلدەردىڭ ساياسي بەلسەندىلىگىن اتاپ ءوتتى: ۇسىنىلعان كانديداتتار اراسىندا - 19 ايەل بار. (2017 ج. - 13, 2014 ج. - 5, 2011 ج. - 6). كانديداتتاردىڭ ورتاشا جاسى - 51 جاس. ەڭ جاس ۇمىتكەر - 30 جاستا، ەڭ ۇلكەنى - 69 جاستا.

كانديداتتاردىڭ ماماندىقتارى:

- ينجەنەرلەر - 29;

- ەكونوميستەر - 20;

- وقىتۋشىلار - 12;

- ادۆوكاتتار - 10;

- اۋىل شارۋاشىلىعى قىزمەتكەرلەرى - 10;

- دارىگەرلەر - 7;

- جۋرناليستەر - 3;

- ساياساتتانۋشى - 1.

ۇسىنىلعان كانديداتتار اراسىندا:

- كوممەرتسيالىق قۇرىلىمداردىڭ 38 قىزمەتكەرى;

- مەملەكەتتىك ۇيىمداردىڭ، كاسىپورىندار مەن مەكەمەلەردىڭ 23 قىزمەتكەرى;

-  18 مەملەكەتتىك قىزمەتكەر;

- 9 قوعامدىق ۇيىمداردىڭ وكىلى;

- 2 جۇمىسسىز

- 4 سەناتور بار.

سەنات دەپۋتاتتىعىنا كانديداتتاردى تىركەۋ پروتسەسى 23 شىلدەگە دەيىن جالعاسادى. قازىرگى ۋاقىتتا كانديداتتار ۇسىنعان قۇجاتتاردىڭ دۇرىستىعىن تەكسەرۋ جۇمىستارى جالعاسۋدا.

13 شىلدەدەگى جاعداي بويىنشا وبلىستاردىڭ، رەسپۋبليكالىق ماڭىزى بار قالانىڭ جانە استانانىڭ سايلاۋ كوميسسيالارى سەنات دەپۋتاتتىعىنا 62 كانديداتتى تىركەدى.

Abai.kz