دۋشانبە. 30 قاراشا. قازتاگ. - جۇلدىز ءابدىلدا. ينتەرنەت شەنەۋنىكتەرگە حالىقتىڭ پىكىرىن ءبىلۋ ءۇشىن كەرەك، دەپ ەسەپتەيدى ليتۆا جۋرناليستەر وداعىنىڭ توراعاسى داينيۋس رادزياۆيچيۋس.

«مەن ءوزىم ون ەكى جىل مەملەكەتتىك قىزمەتتە ىستەدىم. شەنەۋنىكتەردىڭ جاعدايىن جاقسى بىلەمىن جانە تۇسىنەمىن. ولار ۇدايى كوپتىڭ كوڭىلىنەن شىعاتىن بىردەڭە ىستەۋگە تالپىنادى. بىراق، ەلمەن ساناسۋدى ەستەرىنەن شىعارىپ الادى. كەيدە مەنىڭ شەنەۋنىكتەرگە جانىم اشيدى. ولار كوپشىلىك باراتىن دۇكەندەرگە بارا المايدى، حالىقپەن ەركىن ارالاسا المايدى، ولارعا ەشكىمنىڭ شىندىقتى ايتپايتىنى تاعى بار. وسى تۇرعىدان العاندا، شەنەۋنىكتەر ءۇشىن ينتەرنەت وتە ءتيىمدى. ياعني، ولار جاسىرىن كىرىپ، وزدەرىنىڭ پىكىرىن ەركىن بىلدىرە الادى، ءتىپتى پىكىر تالاستىرا الادى»، - دەدى ول دۋشانبەدە «پليۋراليزم جانە ينتەرنەتتى باسقارۋ» كونفەرەنتسياسىندا.

سونىمەن بىرگە، د.رادزياۆيچيۋس ءوز سايتتارى ارقىلى پىكىر ءبىلدىرۋدى پليۋراليزم دەپ اتاۋعا بولمايتىنىن ايتتى.

«ەكى تاراپ اڭگىمەگە تەڭدەي ارالاسقاندا عانا پليۋراليزم بولادى. ەگەر بىرەۋى سويلەۋشى، ال ەكىنشىسى تىڭداۋشى بولسا، وندا بۇل پليۋراليزم ەمەس، باسقارۋ. بيلىك پەن وپپوزيتسيا وزدەرىنە تيەسىلى سايتتاردا پىكىر ءبىلدىرىپ جاتسا، بۇل دا پليۋراليزم ەمەس. ويتكەنى، مۇنداي جاعدايدا ولار ءبىر-بىرىمەن پىكىر تالاستىرۋشى ەمەس، ءوزارا پىكىر ءبىلدىرۋشى عانا بولىپ قالادى»، - دەدى ول.

دۋشانبە. 30 قاراشا. قازتاگ. - جۇلدىز ءابدىلدا. ينتەرنەت شەنەۋنىكتەرگە حالىقتىڭ پىكىرىن ءبىلۋ ءۇشىن كەرەك، دەپ ەسەپتەيدى ليتۆا جۋرناليستەر وداعىنىڭ توراعاسى داينيۋس رادزياۆيچيۋس.

«مەن ءوزىم ون ەكى جىل مەملەكەتتىك قىزمەتتە ىستەدىم. شەنەۋنىكتەردىڭ جاعدايىن جاقسى بىلەمىن جانە تۇسىنەمىن. ولار ۇدايى كوپتىڭ كوڭىلىنەن شىعاتىن بىردەڭە ىستەۋگە تالپىنادى. بىراق، ەلمەن ساناسۋدى ەستەرىنەن شىعارىپ الادى. كەيدە مەنىڭ شەنەۋنىكتەرگە جانىم اشيدى. ولار كوپشىلىك باراتىن دۇكەندەرگە بارا المايدى، حالىقپەن ەركىن ارالاسا المايدى، ولارعا ەشكىمنىڭ شىندىقتى ايتپايتىنى تاعى بار. وسى تۇرعىدان العاندا، شەنەۋنىكتەر ءۇشىن ينتەرنەت وتە ءتيىمدى. ياعني، ولار جاسىرىن كىرىپ، وزدەرىنىڭ پىكىرىن ەركىن بىلدىرە الادى، ءتىپتى پىكىر تالاستىرا الادى»، - دەدى ول دۋشانبەدە «پليۋراليزم جانە ينتەرنەتتى باسقارۋ» كونفەرەنتسياسىندا.

سونىمەن بىرگە، د.رادزياۆيچيۋس ءوز سايتتارى ارقىلى پىكىر ءبىلدىرۋدى پليۋراليزم دەپ اتاۋعا بولمايتىنىن ايتتى.

«ەكى تاراپ اڭگىمەگە تەڭدەي ارالاسقاندا عانا پليۋراليزم بولادى. ەگەر بىرەۋى سويلەۋشى، ال ەكىنشىسى تىڭداۋشى بولسا، وندا بۇل پليۋراليزم ەمەس، باسقارۋ. بيلىك پەن وپپوزيتسيا وزدەرىنە تيەسىلى سايتتاردا پىكىر ءبىلدىرىپ جاتسا، بۇل دا پليۋراليزم ەمەس. ويتكەنى، مۇنداي جاعدايدا ولار ءبىر-بىرىمەن پىكىر تالاستىرۋشى ەمەس، ءوزارا پىكىر ءبىلدىرۋشى عانا بولىپ قالادى»، - دەدى ول.

«پليۋراليزم جانە ينتەرنەتتى باسقارۋ» كونفەرەنتسياسى دۋشانبەدە 29-30 قاراشا كۇندەرى ءوتىپ جاتىر. وعان قازاقستان، تاجىكستان، قىرعىزستان، تۇركمەنستان ەلدەرىنىڭ باق وكىلدەرى، انگليا، گەرمانيا جانە ليتۆا ساراپشىلارى قاتىسىپ جاتىر. شارانى ەقىۇ باق بوستاندىعى ماسەلەلەرى جونىندەگى وكىلدىگى ۇيىمداستىرعان.