قاۋىپتى يدەيالار بولاشاعىمىزدىڭ ەسىگىن قاعىپ تۇر.

كەشە «بوبەك» ۇلتتىق ورتالىعىندا ءدىني ەكسترەميزم، سەپاراتيزم جانە لاڭكەستىككە قارسى كۇرەس ماسەلەلەرى بويىنشا ارنايى كەزدەسۋ ءوتتى. ءدىني ەكسترەميزم، سەپاراتيزم جانە تەرروريزم يدەيالارىنىڭ الدىن الۋ، وقۋشىلار مەن ۇستازدار اراسىندا پروفيلاكتيكالىق، اقپاراتتىق-ناسيحاتتىق جۇمىستاردى جۇرگىزۋ ماقساتىندا ۇيىمداستىرىلعان كەزدەسۋگە «بوبەك» ۇلتتىق ورتالىعىنا قاراستى ءبىلىم بەرۋ مەكەمەلەرىنىڭ، جوعارى سىنىپ وقۋشىلارى مەن كوللەدج ستۋدەنتتەرى، ءدىني ماسەلەلەرمەن جۇمىس جۇرگىزەتىن مەملەكەتتىك قۇزىرلى ورگاندار، قوعامدىق ۇيىمداردىڭ وكىلدەرى قاتىستى.

جيىندا جاس ۇرپاقتىڭ دىنگە دەگەن كوزقاراسى، تانىمى، قابىلداۋى تۋرالى ءسوز بولىپ، ەلىمىزگە استىرتىن، بوتەن ەلدەن كەلىپ جاتقان ءارى سوڭى لاڭكەستىككە اياق باستىراتىن جولداردان اباي بولۋ جايىندا ءسوز قوزعالدى. سول سەكىلدى، ادامدى ىزگىلەندىرەتىن يسلام ءدىنىنىڭ قازىرگى تاڭدا بولىپ جاتقان كوپتەگەن لاڭكەستىك وقيعالارعا قاتىسى جوق ەكەنى، ءتىپتى ءدىننىڭ لاڭكەستىككە قاراما-قايشى ۇعىم ەكەنى ايتىلدى.

جومارت ايتقازى, «بوبەك» ۇلتتىق ورتالىعى قوعاممەن بايلانىس ءبولىمىنىڭ باستىعى، ۇيىمداستىرۋشى:

قاۋىپتى يدەيالار بولاشاعىمىزدىڭ ەسىگىن قاعىپ تۇر.

كەشە «بوبەك» ۇلتتىق ورتالىعىندا ءدىني ەكسترەميزم، سەپاراتيزم جانە لاڭكەستىككە قارسى كۇرەس ماسەلەلەرى بويىنشا ارنايى كەزدەسۋ ءوتتى. ءدىني ەكسترەميزم، سەپاراتيزم جانە تەرروريزم يدەيالارىنىڭ الدىن الۋ، وقۋشىلار مەن ۇستازدار اراسىندا پروفيلاكتيكالىق، اقپاراتتىق-ناسيحاتتىق جۇمىستاردى جۇرگىزۋ ماقساتىندا ۇيىمداستىرىلعان كەزدەسۋگە «بوبەك» ۇلتتىق ورتالىعىنا قاراستى ءبىلىم بەرۋ مەكەمەلەرىنىڭ، جوعارى سىنىپ وقۋشىلارى مەن كوللەدج ستۋدەنتتەرى، ءدىني ماسەلەلەرمەن جۇمىس جۇرگىزەتىن مەملەكەتتىك قۇزىرلى ورگاندار، قوعامدىق ۇيىمداردىڭ وكىلدەرى قاتىستى.

جيىندا جاس ۇرپاقتىڭ دىنگە دەگەن كوزقاراسى، تانىمى، قابىلداۋى تۋرالى ءسوز بولىپ، ەلىمىزگە استىرتىن، بوتەن ەلدەن كەلىپ جاتقان ءارى سوڭى لاڭكەستىككە اياق باستىراتىن جولداردان اباي بولۋ جايىندا ءسوز قوزعالدى. سول سەكىلدى، ادامدى ىزگىلەندىرەتىن يسلام ءدىنىنىڭ قازىرگى تاڭدا بولىپ جاتقان كوپتەگەن لاڭكەستىك وقيعالارعا قاتىسى جوق ەكەنى، ءتىپتى ءدىننىڭ لاڭكەستىككە قاراما-قايشى ۇعىم ەكەنى ايتىلدى.

جومارت ايتقازى, «بوبەك» ۇلتتىق ورتالىعى قوعاممەن بايلانىس ءبولىمىنىڭ باستىعى، ۇيىمداستىرۋشى:

-  ءدىني ەكسترەميزم، سەپاراتيزم، تەرروريزم يدەيالارىنىڭ الدىن الۋ، بولدىرماۋ ماسەلەلەرى بويىنشا «بوبەك» ۇلتتىق ورتالىعىندا كەزدەسۋ وتكىزۋىمىزدىڭ وزىندىك ءمانى، ماڭىزى بار. سەبەبى «بوبەك» ۇلتتىق عىلىمي-پراكتيكالىق، ءبىلىم بەرۋ جانە ساۋىقتىرۋ ورتالىعى «ءوزىن ءوزى تانۋ» باعدارلاماسىنىڭ يدەياسىن جۇزەگە اسىرعان جاڭاشىل ءبىلىم بەسىگى بولىپ تابىلادى. بۇگىندە مەيىرىمدىلىكتىڭ ورداسىنا اينالعان «بوبەك» ۇلتتىق ورتالىعى ءدىني ەكسترەميزم، تەرروريزم سياقتى قوعام مەن جەكەلەگەن ادامداردىڭ ءومىرى مەن دەنساۋلىعىنا زيان كەلتىرەتىن، ەلدىڭ تىنىشتىعى مەن بەرەكە-بىرلىگىنە نۇقسان كەلتىرەتىن قانداي دا بولماسىن زورلىق-زومبىلىق ارەكەتتەرىن ايىپتايدى».

جۇماعۇلوۆ عاني بالشابەكۇلى, الماتى قالاسى ءىىد ەكسترەميزم، سەپاراتيزم جانە لاڭكەستىكپەن كۇرەس باسقارماسى باستىعىنىڭ ورىنباسارى:

-   بىزدە، بىرىنشىدەن، ادامداردىڭ ءدىن جاعىنان ءبىلىم دەڭگەيى جەتىسپەيدى. قازىرگى كەزدە اتا-انالار بالام مەشىتكە بارادى،  ناماز وقيدى دەپ قۋانىپ جاتادى. ال ولار بالالاردىڭ قانداي ءىلىم الىپ جاتقانىن، قانداي باعىتتا، قانداي اعىمدا جۇرگەنىن بىلە بەرمەيدى. ءبىزدىڭ كوپتەگەن جاستارىمىز شەتەلگە بارىپ ءدىني ءبىلىم الۋدا. ال، ولاردىڭ قاي ەلدە وقىپ، قانداي ءبىلىم يگەرىپ كەلەتىنى ۇلكەن ماسەلە. ونىڭ قايسى دۇرىس، قايسى بۇرىس ءبىلىم يگەردى دەگەنگە جاۋاپ بەرۋ دە وتە قيىن. سونداي-اق، قازىرگى ۋاقىتتا جاستار عالامتور ارقىلى بىلىمدەرىن جەتىلدىرۋگە تىرىسادى. بۇل رەتتە دە ولار قانداي اقپاراتتى پايدالانادى، دۇرىس پا، بۇرىس پا. وسىنداي ماسەلەلەر بار. جاستار بىلمەگەندەرىن رەسمي ءمۇفتياتتان سۇراۋلارى ءتيىس.

P.S. 30 قاراشا كۇنى «بوبەك» ۇلتتىق ورتالىعىندا وتكەن وتىرىستى ورتا جانە ارناۋلى ءبىلىم بەرەتىن مەملەكەتتىك ءام جەكەمەنشىك مەكەمەلەردىڭ بارىندە پارمەندى تۇردە جالعاستىرۋ قاجەت دەپ بىلەمىز.  ءدىني ەكسترەميزم، سەپاراتيزم، تەرروريزم يدەيالارىنىڭ الدىن الۋ ءۇشىن پروفيلاكتيكالىق، اقپاراتتىق-ناسيحاتتىق جۇمىستار سونداي-اق، جوعارى وقۋ ورىندارىندا دا قارقىن الۋى كەرەك. بۇل ورايدا بالالار ءۇيى دە نازاردان تىس قالماۋى كەرەك. ويتكەنى، ءداستۇرلى دىندەردىڭ اتىن جامىلعان اعىمدار جاستاردى كۇن وتكەن سايىن باۋراپ بارادى. اقىل-ويى تولىسقپاعان بالا ەمەس، ۇلكەندەردىڭ ءوزى الاياق اعىمداردىڭ شىلاۋىندا كەتىپ جاتقان زاماندا جاس جەتكىنشەكتەرىمىزدى جاتتىڭ قولىنا بەرىپ قويۋ - تۇك تە ەمەس. الماتى قالاسى ءىىد ەكسترەميزم، سەپاراتيزم جانە لاڭكەستىكپەن كۇرەس باسقارماسى باستىعىنىڭ ورىنباسارى عاني جۇماعۇلوۆتىڭ: «جاستار بىلمەگەندەرىن رەسمي ءمۇفتياتتان سۇراۋلارى ءتيىس» دەگەن ءسوزىن مىسال ەتە وتىرىپ، قاۋىپتى يدەيالاردان، اتا-انا اباي بول، بالاقاي، بايقا! - دەگەندى قاداپ ايتقىمىز كەلەدى.

«اباي-اقپارات»