بiراق ەلىمىزدە جەمقورلىق، پاراقورلىق ءورشىپ تۇر. سونىڭ سەبەبىنەن جازىقسىز جان جاپا شەگىپ، قارا بەت بولىپ، ازعىن اتالىپ، دارعا اسىلىپ كەتە ما دەپ قورقامىن. سوندىقتان الدىمەن وسى ماسەلەنى تەز ارادا رەتتەمەسە، وندا ساتپاەۆ قايتالانا بەرەدى، قايتالانا بەرەدى.

ساتپاەۆ تەك قانا سوت سالاسى، ادام قۇقىعىنداعى ولقىلىقتاردى ەمەس، سونىمەن قاتار باسقا دا ىمداردى بارىنشا كورسەتتى. حالىق اشۋلى. وتە اشۋلى ەكەن. وعان ءسوزسىز جارتى جىلدىقتاعى پاندەميا، كارانتين مەن ەكونوميكانىڭ قۇلاۋى، تابىس كوزىنىڭ ازايۋى اسەر ەتتى. كوپشىلىك تاۋىپ وتىرعان نانىنان ايرىلدى. ءبىرازى جۇمىسسىز قالدى. 42500 ەشكىمدى جۇباتا دا، ەرتەڭگى كۇنىنە سەنىم دە سىيلاي المايدى. سول سەبەپتى ادامداردىڭ ىشىندە اشۋ، سەنىمسىزدىك بار. اگرەسسيا تولىپ تۇر. قارنىڭ مەن كوڭىلىڭ اش بولسا كۇلىپ جۇرە المايسىڭ، ول تۇسىنىكتى. بۇگىن پەدوفيلگە باعىتتالعان ىزا، ەرتەڭ بيلىككە يا باسقا بىرەۋگە باعىتتالماسىنا كەپىلدىك جوق.

نە ىستەۋ كەرەك؟ دەرەۋ قۇقىق قورعاۋ سالاسىنا رەفورما جاساپ، سوت سالاسىن جەتىلدىرىپ، پەدوفيليانى اسا اۋىر قىلمىسقا (تەرروريزممەن بىرلەستىرىپ جىبەرسە دە بولادى) تەڭەستىرىپ، بارىنشا قاتاڭ جازا كەسۋ كەرەك. سوتتىڭ ءادىل ءارى ادىلەتتى ءوتۋىن قامتاماسىز ەتۋ مىندەتتى. بارلىق سوتتىڭ!
جۇمىسسىزداردىڭ شىنايى ستاتيستيكاسىن جاساپ، وتىرىك ء"وزىن-ءوزى جۇمىسپەن قامتۋشىلار" دەگەن اقتالۋدى قويىپ، ناقتى ساندى انىقتاپ، سول بويىنشا الەۋمەتتىك باعدارلاما قابىلداۋ شارت. بارىنشا جۇمىس ورىندارىن ساقتاپ قالۋعا تىرىسۋ قاجەت.

مەملەكەت بۇنى كورىپ وتىر، ءسوزسىز ءبىلىپ وتىر. پرەزيدەنت جولداۋىندا ەكونوميكاعا ءمان بەرەتىنىن ايتتى. ەڭ باستى دەگەن حالىق الەۋەتى مەن ادام قۇقىعىنا ءمان بەرەدى دەپ سەنەمىن. سەنگىم كەلەدى.

پىسى: ءبىر ورماننىڭ ورتەنۋىنە ءبىر شىرپى جەتىپ جاتىر. ءبىر وقيعا، ءبىر عانا ادىلەتسىز شەشىم مەملەكەتتى توڭكەرىپ تاستايتىن اشۋ مەن ىزا تۋىنداتۋى مۇمكىن. "اراب كوكتەمىن" باستاعان تۋنيستەگى ساتۋشى ءبۋازيزيدى ەسكە الىڭىز. ءبىر عانا ادام كۇللى اراب الەمىن ورتەپ جىبەردى. ءوزى عانا ورتەنگەن جوق، تۇتاس تاياۋ شىعىستى وتقا جاقتى. سوندىقتان حالىق بولىپ، قوعام بولىپ، بيلىك بولىپ وسىنداي ماسەلەلەردى اشىق تالقىلاپ، شەشىمىن تاپقان دۇرىس.