قازاقستان رەسپۋبليكاسىنىڭ تۇڭعىش پرەزيدەنتى، ەلباسى نۇرسۇلتان ءابىشۇلى نازارباەۆ وسىدان تۋرا ءۇش جىل بۇرىن «بولاشاققا باعدار: رۋحاني جاڭعىرۋ» اتتى ماقالاسى جاريالانىپ، «رۋحاني جاڭعىرۋ» باعدارلامانىڭ باستاۋ العان بولاتىن. ەلباسىنىڭ ءمانى مەن ماڭىزى وتە جوعارى سول ەڭبەگىنىڭ ەلدىڭ ەرتەڭى، ۇلتتىڭ بولاشاعى بولعان جاستارعا بەرەرۋ مول. تاۋەلسىز مەملەكەت رەتىندە حالىقتىق رۋحاني سانانى جاڭعىرتۋدىڭ ماڭىزى زور. وسى جولىندا رۋحاني ۇلكەن سىلكىنىس جاساۋعا باستايتىن ەلباسى ەڭبەگىنىڭ مەملەكەتتى وركەندەتۋگە تيگىزەر پايداسى وراسان.

«رۋحاني جاڭعىرۋ» باعدارلاماسى جولعا قويىلعان ءۇش جىلدان بەرى ەلىمىزدىڭ تۇكپىر-تۇكپىرىندە اۋقىمدى جۇمىستار جۇرگىزىلدى. رۋحاني سانانى جاڭعىرتۋ تۇرعىسنان بولسىن، الەۋمەتتىك، مادەني سالانى جاڭارتۋ باعىتىندا بولسىن مىڭداعان جۇمىستار جۇزەگە استى. اتالعان يگىلىكتى جۇمىستاردىڭ ءبارى اقپارات قۇرالدارى ارقىلى كوپشىلىكتىڭ نازارىنا ۇسىنىلدى.

«بولاشاققا باعدار: رۋحاني جاڭعىرۋ» ەڭبەگى ەلدەگى كوپ تۇيتكىلدىڭ ءتۇيىنىن شەشىپ، كوپتەگەن سالانىڭ بويىنا قان جۇگىرتتى. «رۋحاني جاڭعىرۋ» باعدارلاماسى اياسىندا ءبىر وڭىرلەردە تاريحي مادەني ماندەگى شارالار ءوتىپ، ۇلتتىق رۋحتىڭ ويانۋىنا جول اشىلسا، ەندى ءبىر وڭىرلەردە ساپالى جولدار، سىندارلى قۇرلىستار سالىنىپ، حالىقتىڭ سالاۋاتتى ءومىر سالتىنا قادام باسۋىنا قولايلىلىق جاسالدى. باسقاسىن ايتپاعاندا سوڭعى بىرنەشە جىلدا رەسپۋبليكا كولەمىندە سالىنعان ءىرى جولداردىڭ ءوزى نەگە تۇرادى. اتالعان جولدار بۇكىل ەل اۋماعىن تۇتاستىرىپ جاتقان مەملەكەتتىڭ قان تامىرى ىسپەتتى.

ال ءار وڭىردە بوي كوتەرگەن باسپانالار ەل تۇرعىندارىنىڭ باسپانامەن قامتاماسىز ەتىلۋ بارىسىن جەتەلدەتتى. ال ءار ايماقتا سالىنىپ جاتقان سپورتتىق نىساندار جاستاردىڭ سپورتپەن شۇعىلدانىپ، سالاۋاتتى ءومىر سالتىن ۇستانۋىنا ۇلكەن پايداسىن تيگىزدى. «رۋحاني جاڭعىرۋ» باعدارلاماسى اياسىندا سالىنعان سپورت نىساندارىنان بولشاقتا ەل ءۇمىتىن اقتاپ، قازاقستاننىڭ تۋىن الەمدىك ارەنادا جەلبىرەتەتىن سپورتشىلار شىعاتىنىنا سەنىم مول.

جامبىل وبلىسىنىڭ تالاس اۋدانىندا جاقىندا «رۋحاني جاڭعىرۋ» باعدارلاماسى بويىنشا بىردەن ءۇش نىسان پايدالانۋعا بەرىلەدى. ەرەكشە ايتا كەتەرلگى كوكتال اۋىلىندا پايدالانۋعا بەرىلگەن وسى ءۇش نىساننىڭ جالپى قۇنى 70 ميلليون تەڭگەنى قۇرايدى. بۇل نىسانداردى اتالعان ءوڭىردىڭ ءوز تۋمالارى، كاسىپكەرلەر مەن مەتسەناتتار دەمەۋشىلىك ەتىپ سالدىرىپ وتىر.

جەرگىلىكتى كاسىپكەرلەر مەملەكەتتىك باعدارلاما اياسىندا ولاردى ءوز قاراجاتىنا سالادى. بۇلاردان بولەك تاعى 12 الەۋمەتتىك ماڭىزى بار نىسان اۋداننىڭ بىرنەشە اۋىلىندا سالىنىپ جاتىر. اسا اۋقىمدى وسى ون ەكى الەۋمەتتىك جوبانىڭ قۇرلىس جۇمىستارى قارقىندى ءجۇرىپ جاتىر. وسىلايشا جەرگىلىكتى كاسىپكەرلەر وزدەرىنىڭ تۋعار جەرىلەرىنىڭ ءوسىپ-وركەندەۋىنە قولداۋ كورسەتۋدە.

سۋ جاڭا الەۋمەتتىك نىسانعا اينالعان كوكتال اۋىلىنداعى ءبىر عيمارات بۇرىن ەسكى دۇكەن بولعان. مەملەكەت ەسەبىندەگى وسى ەسكى جۇكەندى قايتادان جوندەۋ جۇمىستارىنا كاسىپكەرلەر ءوز قالتالارىنان 35 ميلليونىن تەڭگە جۇمسادى. ءسويتىپ ەسكى عيمارات رەتكە كەلتىرىلدى، قاجەتتى جابدىقتار ساتىپ الىنىپ، سپورت مەكتەبى اشىلدى. ەندى اۋىل بالالارى وسىندا سپورتتىڭ ون نەشە تۇرىمەن شۇعىلدانا الادى. وسىلايشا جامبىلدىقتار «رۋحاني جاڭعىرۋ» باعدارلاماسى بويىنشا بيۋدجەت قاراجاتىنسىز-اق كوپتەگەن ىزگى شارالادى ىستەۋگە بولاتىنىن دالەلدەپ بەردى.

 رومان قىرىقباەۆ، كوكتال اۋىلدىق وكرۋگىنىڭ اكىمى:

- ءبىزدىڭ سپورت زالىمىزدا بالالار بوكس پەن كۇرەسپەن اينالىسادى. ساباقتار ۋاقىتىلى ەكى توپتا وتكىزىلەدى. دۋش پەن اجەتحانا بار. ءبىز سپورتشىلارعا بارلىق جاعدايدى جاسادىق. ەندى بىرلەسكەن كۇش-جىگەرمەن ءبىز الداعى ۋاقىتتا از قامتىلعان ءبىر وتباسىعا ءۇي سالىپ بەرۋدى جوسپارلاپ وتىرمىز.

جىل باسىنان بەرى جامبىل وبلىسى تالاس اۋدانىندا 15 ميلليون تەڭگەنىڭ 8 جوباسى جۇزەگە اسىرىلدى. سونىمەن قاتار كوكتەمنەن بەرى بەس مىڭنان استام جەمىس اعاشتارىنىڭ كوشەتتەرى وتىرعىزىلدى. وسى تۇرعىدان العاندا اتالعان وڭىردە الەۋمەتتىك سالاعا بارىنشا كوڭىل ءبولىنىپ جاتىر دەۋگە بولادى.

گۇلميرا تاتتىمبەتوۆا، تالاس اۋدانىنىڭ ىشكى ساياسات ءبولىمىنىڭ باسشىسى:

- شاكيروۆ اۋىلدىق وكرۋگىندە جولدار جوندەلىپ جاتىر. ويىن الاڭى سالىندى. سونىمەن قاتار مايتوبە اۋىلىندا سپورت عيماراتى پايدالانۋعا بەرىلدى. بارلىعى جيىرما الەۋمەتتىك جوبا ىسكە اسىرىلدى. ولاردىڭ ىشىندەگى ەڭ ءىرىسى - قىزىلاۋىت اۋىلىنداعى سپورتزال مەن مونشا سالىندى.

«رۋحاني جاڭعىرۋ» مەملەكەتتىك باعدارلاماسى بويىنشا كاسىپكەرلەر وبلىستىڭ اۋىلدىق وكرۋگتەرىندە مۇقتاج وتباسىلارعا ارناپ 9 ءۇي سالىپ بەرۋدى جوسپارلاپ وتىر. ولار ءبىر جاعىنان وسى يگى شارانى جۇزەگە اسىرۋعا دەمەۋشىلەر ىزدەپ، ەكىنشى جاعىنان بولاشاق تۇرعىن ۇيلەردىڭ جوبالاۋ جۇمىستارىن جۇرگىزىپ جاتىر. جىل سوڭىنا دەيىن وبلىستا 300-دەن استام ءۇي سالۋ جوسپارلانىپ وتىر. بۇل تۇرعىنۇيلەر وبلىستاعى از قامتاماسىز ەتىلگەن جانە كوپ بالالى وتباسىلارعا بەرىلەدى. وسى ارقىلى وڭىردەگى مۇقتاج وتباسىلاردى باسپانامەن قامتاماسىز ەتۋ جۇمىستار جۇرگىزىلمەكشى.

ءسوز سوڭىندا ەلمىدىڭ تۇڭعىش پرەزيدەنتى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ەڭبەگىندە ەل تۇرعىندارىنا ارناعان اسىل پىكىرىن نازارلارڭىزعا قايتا ۇسىنامىز.

نۇرسۇلتان نازارباەۆ، قازاقستاننىڭ تۇڭعىش پرەزيدەنتى، ەلباسى:

- ءبىز تاريحتىڭ ساباعىن ايقىن ءتۇسىنۋىمىز كەرەك. رەۆوليۋتسيالار ءداۋىرى ءالى بىتكەن جوق. تەك ونىڭ فورماسى مەن  مازمۇنى تۇبەگەيلى وزگەردى. ءبىزدىڭ كەشەگى تاريحىمىز بۇلتارتپاس ءبىر اقي­قاتقا – ەۆوليۋتسيالىق دامۋ عانا ۇلتتىڭ ءور­كەن­دەۋىنە مۇمكىندىك بەرەتىنىنە كوزىمىزدى جەتكىزدى. بۇدان ساباق الا بىلمەسەك، تاعى دا تاريحتىڭ تەمىر قاقپانىنا تۇسەمىز.

Abai.kz