قازاقستان وقۋشىلارى ەندى «ابايتانۋ» وقۋلىعىن وقيدى
مەكتەپ باعدارلاماسىنا «ابايتانۋ» وقۋلىعى مەن حرەستوماتياسى ەنگىزىلەدى. بۇل تۋرالى مەملەكەتتىك حاتشى قىرىمبەك كوشەباەۆ مالىمدەدى.
وتكەندا عانا اشىلعان «Abai TV» ارناسىنداعى «ءساراسوز» باعدارلاماسىنا كەلىپ، سۇحبات بەرگەن مەمحاتشى قىرىمبەك ەلەۋۇلى مەكتەپ باعدارلاماسىنا «ابايتانۋ» وقۋلىعى ەنگىزىلەتىنىن بۇدان وزگە ابايتانۋ عىلىمي-زەرتتەۋ ورتالىعىنىڭ اشىلاتىنىن ايتقان.
«قازىرگى ۋاقىتتا وقۋلىق ازىرلەنىپ جاتىر. مۇنان وزگە، ابايدىڭ عىلىمي-زەرتتەۋ ورتالىعى اشىلماق»، - دەدى مەملەكەتتىك حاتشى.
پرەزيدەنت توقاەۆ پارمەن بەرىپ، قازاقتىڭ ويشىل اقىنى ابايدىڭ 175 جىلدىعى ەل كولەمىندە تويلانادى دەگەننەن اتقارىلاتىن ءىس-شارالار جوسپارى بەكىتىلگەن. قىرىمبەك كوشەرباەۆ ابايدىڭ 175 جىلدىعىن ەل كولەمىندە تويلاۋ تۋرالى ارنايى قۇرىلعان مەملەكەتتىك كوميسسيانىڭ توراعاسى بولعان.
الايدا دۇنيەجۇزىنە تارالعان كوروناۆيرۋس ىندەتى سول جوسپارلى شارالاردىڭ ءبىرپىسىراسىن كەيىنگە شەگەرۋگە ماجبۇرلەگەن-ءدى. كارانتينگە قاتىستى جالپىحالىقتىق ءىس-شارالار شەگەرىلگەنىمەن، تويدىڭ مازمۇنى ساقتالدى. ەلدەگى بىرقاتار نىساندارعا اباي ەسىمى بەرىلدى. اباي تەلەارناسى اشىلدى. ەندى مىنە، «ابايتانۋ» وقۋلىعى مەن حرەستوماتياسى مەكتەپ باعدارلاماسىنا ەنگىزىلمەك.
«ابايدىڭ شىعارمالارىن دۇنيەجۇزىندەگى وركەنيەتتى ەلدەردىڭ 10 تىلىنە اۋدارىپ شىعاردىق. ابايتانۋ وقۋلىعى مەن حرەستوماتياسى دايىندالىپ جاتىر. جوو-نىڭ فيلولوگيا، تاريح فاكۋلتەتتەرىنە مىندەتتى تۇردە ەنەدى.
سونىمەن قاتار، ەۇۋ-دا اباي اكادەمياسىنىڭ عىلىمي-زەرتتەۋ ينستيتۋتىن قۇردىق. ويتكەنى، ابايتانۋمەن اينالىساتىن عىلىمي ورتالىقتار كوپ. بىراق ءبىر جۇيەگە كەلمەگەن. ءبىر جەردە بولسىن دەپ اباي اكادەمياسىنىڭ عىلىمي-زەرتتۋ ينستيتۋتىن قۇردىق»، - دەپتى قىرىمبەك كوشەرباەۆ.
;feature=emb_titleسونداي-اق، قازاقستاننىڭ شەتەلدەگى ەلشىلىكتەرىنىڭ جانىنان دا اباي ورتالىقتارى اشىلماق كورىنەدى. «ساراسوزگە» سۇحبات بەرگەن مەمحاتشى كوشەرباەۆ بۇل جاڭالىقتى دا سۇيىنشىلەۋ جەتكىزىپتى.
اتالعان سۇحباتتىڭ تولىق نۇسقاسى «Abai TV» جانە «قازاقستان» ارنالارىندا 10 تامىز – اباي كۇنى كورسەتىلمەك.
Abai.kz
