2012 جىلدىڭ 15 قاڭتارىنداعى پارلامەنت ءماجىلىسى مەن ءماسليحاتتار دەپۋتاتتارىن سايلاۋعا قاتىستى سايلاۋ ناۋقانىن جاريالاۋ كەزىندە ەتيكالىق نورمالاردى ساقتاۋ تۋرالى حارتيا

2012 جىلدىڭ 15 قاڭتارىنداعى پارلامەنت ءماجىلىسى مەن ءماسليحاتتار دەپۋتاتتارىن سايلاۋعا قاتىستى سايلاۋ ناۋقانىن جاريالاۋ كەزىندە ەتيكالىق نورمالاردى ساقتاۋ تۋرالى حارتيا

ءسوز بوستاندىعىنىڭ ادامنىڭ اجىراماس قۇقىعى بولىپ تابىلاتىنىن ەسكەرە وتىرىپ;
اقپاراتتى ىزدەۋ، الۋ مەن تاراتۋ ەركىندىگىن بەرەتىن ادام قۇقىعىنىڭ بارشاعا ورتاق دەكلاراتسياسىنىڭ 19 بابىن ەسكەرە وتىرىپ;
رەسپۋبليكاسى كونستيتۋتسياسىنىڭ ءسوز بوستاندىعى، زاڭ جۇزىندە تىيىم سالىنباعان كەز كەلگەن تاسىلمەن ەركىن اقپارات الۋ جانە تاراتۋ ەركىندىگى، تسەنزۋراعا تىيىم سالۋ، رەسپۋبليكانىڭ كونستيتۋتسيالىق قۇرىلىسىن كۇشتەپ وزگەرتۋدى، ونىڭ تۇتاستىعىن بۇزۋدى، مەملەكەت قاۋىپسىزدىگىنە نۇقسان كەلتىرۋدى، سوعىستى، الەۋمەتتىك، ناسىلدىك، ۇلتتىق، ءدىني، تەكتىك، توپتىق جانە رۋلىق استامشىلىقتى، سونداي-اق قاتىگەزدىك پەن زورلىق-زومبىلىققا باس ۇرۋدى ناسيحاتتاۋعا نەمەسە ۇگىتتەۋگە جول بەرىلمەيدى، دەگەن باپتارىن باسشىلىققا الا وتىرىپ;
اقپاراتتىڭ ادام قۇقىعى مەن ەركىندىگىن جۇزەگە اسىرۋدا، ازاماتتىق قوعام، دەموكراتيالىق جانە قۇقىقتىق مەملەكەت قۇرۋدا، تازا جانە ءادىل سايلاۋ وتكىزۋدە ەڭ باستى ءرول اتقاراتىنىنا نازار اۋدارا وتىرىپ:
ءبىز، قازاقستان جۋرناليستەرى مەن باق سالاسىنداعى ۇكىمەتتىك ەمەس ۇيىمداردىڭ وكىلدەرى سايلاۋ وتكىزىلەتىن كەزەڭدە وسى حارتيانىڭ قاعيدالارىن ساقتاۋ مىندەتتەمەسىن الامىز.
1. وسى حارتيا قازاقستان رەسپۋبليكاسىنىڭ كونستيتۋتسياسىنا، قازاقستان رەسپۋبليكاسىنىڭ «سايلاۋ تۋرالى» جانە «بۇقارالىق اقپارات قۇرالدارى تۋرالى» زاڭدارىنا سايكەس ازىرلەنگەن.
2. وسى حارتيانىڭ نەگىزگى ماقساتى - بۇقارالىق اقپارات قۇرالدارىنىڭ قازاقستاندىقتارعا سايلاۋ ءۇردىسى، سونداي-اق ءماسليحات دەپۋتاتتىعىنان ۇمىتكەر پارتيالار مەن كانديداتتاردىڭ جۇمىسى تۋرالى دۇرىس، تولىق تا شىنايى اقپارات جەتكىزۋىن قامتاماسىز ەتۋ.
3. باق ءوزىنىڭ پارتيالىق ءتىزىمىن جاريالاعان بارلىق پارتيالاردان، ساياسي كوزقاراستارىنا قاراماستان ءماسليحات دەپۋتاتتارى كانديداتتارىنان اقپارات الا الادى، ول اقپاراتتىڭ جالپىعا بىردەي قولجەتىمدى بولۋىن قامتاماسىز ەتۋگە اتسالىسۋى ءتيىس.
4. وسى حارتيا باق-تىڭ سايلاۋ ءۇردىسىن بارلىق جاعىنان كاسىبي جانە شىنايى كورسەتۋى ءۇشىن كەرەك.
5. وسىعان بايلانىستى، بىزدەر قازاقستان جۋرناليستەرى مەن ۇكىمەتتىك ەمەس ۇيىمدار وكىلدەرى سايلاۋدى جاريالاۋ كەزىندە كەلەسى قاعيدالاردى ۇستاناتىنىمىزدى مالىمدەيمىز:
1) قازاقستان رەسپۋبليكاسىنىڭ زاڭدارىن مۇلتىكسىز ساقتاۋ;
2) سايلاۋ تاقىرىبىنا ارنالعان بارلىق رەداكتسيالىق ماتەريالداردىڭ شىنايى، بەيتاراپ، سونداي-اق بارلىق پارتيالار مەن ءماسليحات دەپۋتاتتارى كانديداتتارىنا ادىلەتتى بولۋىنا ىقپال ەتۋ;
3) تۇلعالارعا نۇقسان كەلتىرەتىن اقپاراتتى تاراتپاۋ;
4) لاۋازىمدى تۇلعالاردىڭ جۇمىسى مەن كانديداتتاردىڭ، پارتيالاردىڭ سايلاۋالدى ۇگىت-ناسيحاتىن ايقىن اجىراتۋ;
5) اقپارات كوزدەرىن تەكسەرۋ، اسىرەسە، ولار كۇدىك تۋدىرعان جاعدايدا;
6) ۇگىت-ناسيحاتتىق جاريالانىمدار مەن اقپاراتتىق حابارلار اراسىنداعى ايىرماشىلىقتى ايقىن ءبىلۋ;
7) سايلاۋ ۋچاسكەلەرىنەن شىعا بەرىستە ساۋالنامالار ناتيجەلەرى تۋرالى ماتەريالداردى تاراتپاۋ نەمەسە داۋىس بەرۋ كۇنى مەن وعان دەيىنگى بەس كۇننىڭ ىشىندە الدىن الا ناتيجەلەر تۋرالى ماتەريالدار تاراتپاۋ.
6. وسى حارتيا ءوزارا ارەكەت ەتەتىن بارلىق تاراپتاردى مويىنداۋ مەن ولاردىڭ مۇددەلەرىن ەسەپكە الۋ، جوعارى ساياسي مادەنيەت، شىنايى جانە تولىق اقپاراتپەن جۇمىس ىستەۋگە، ءوزارا سىيلاستىققا نەگىزدەلگەن قارىم-قاتىناس جۇيەسىن قۇرۋدى كوزدەيدى.
حارتيا ادامنىڭ جالپى قۇقىقتارى مەن ەركىندىكتەرىنىڭ، قوعام مەن مەملەكەتتىڭ ءسوزسىز باسىمدىعىنا باعىتتالعان جانە ساياسي ءوزارا ىقپالداستىق ساياسي پروبلەمالاردىڭ كۇشپەن شەشىلۋىنە جول بەرمەيتىن ءوزارا كەلىسىمدىك نەگىزدى كوزدەيدى.
وسى حارتيانىڭ قول قويۋ ءۇشىن اشىق ەكەنىن اتاپ ءوتۋ كەرەك.

استانا ق. 5 جەلتوقسان 2011 ج.

http://www.aikyn.kz