تاياۋ كۇندەرى مىسىرە ەلىندە قازاقستان ەلشىلىگىنىڭ ۇيىمداستىرۋىمەن «قازاقتىڭ ۇلى  اقىنى، ويشىل فيلوسوف ابايدىڭ تۋعانىنا 175 جىل» اتتى ۆەبينار ءوتتى.

ونلاين فورماتتا وتكەن شاراعا قازاقستان تاراپىنان نۇر-مۇباراك ۋنيۆەرسيتەتىنىڭ PhD دوكتورى قۇرمانعازى سادىباەۆ پەن ءال-فارابي ۋنيۆەرسيتەتىنىڭ PhD دوكتورى ىقتيار پالتورە قاتىستى.

ودان وزگە اتالعان ۆەبينارعا قاتىسۋشىلاردىڭ ىشىندە مىسىر ەلىنىڭ بىلىكتى ءتىل ماماندارى مەن ادەبيەتشىلەر جانە وقۋ-اعارتۋ ىسىندەگى قايراتكەرلەرى دە بولدى.

كەمەڭگەر تۇلعانىڭ 175 جىلدىعىنا وراي  ق.سادىباەۆتىڭ تارجىمالاۋىمەن اقىننىڭ ولەڭدەرى مەن پوەمالار جيناعى، ال قارا سوزدەرى ى.پالتورەنىڭ اۋدارۋىمەن اراب تىلىندە  وقىرمانعا ۇسىنىلادى.

كىتاپ بىرىككەن اراب ەلدەرى ليگاسى مەن قازاقستانداعى ۇلتتىق اۋدارما بيۋراسى قوعامدىق قورىنىڭ  جەتەكشىلگىمەن جاقىن كۇندەرى جارىق كورەدى.

ەسكە سالساق، ابايدىڭ شىعارمالارىن الەمنىڭ ون تىلىنە اۋدارۋ قر پرەزيدەنتى ق.توقاەۆتىڭ باستاماسىمەن ۇلى قازاق اقىنى جانە ويشىلىنىڭ 175 جىلدىعىنا وراي جۇزەگە اسىرىلدى.

بۇل تۋرالى مىسىرداعى «احبارۋل ءياۋم» گازەتىندە جاريالاندى.

Abai.kz