بۇل جاقىندا عانا تىركەلگەنى حابارلانعان رەسەيلىك ۆاكتسيناعا دا قاتىستى.
وسى اپتادا رەسەي پرەزيدەنتى ۆلاديمير پۋتين رەسەيدىڭ الەمدە ءبىرىنشى بولىپ كوروناۆيرۋس ينفەكتسياسىنا قارسى ۆاكتسينانى تىركەگەنىن حابارلاعان ەدى. ال كەيبىر باتىس ساراپشىلارى مەن جەرگىلىكتى ماماندار سىناقتان تولىق وتپەگەن ۆاكتسينانىڭ قاۋىپسىزدىگىنە كۇمان كەلتىرگەن بولاتىن.
"قازىرگى كەزدە قازاقستان ۆاكتسينا ساتىپ الۋ بويىنشا بىردە-ءبىر كەلىسىم-شارت جاساسقان جوق، سەبەبى ۆاكتسينالار سوڭعى ءتورتىنشى كەزەڭنەن وتكەن جوق" دەدى قوجاحمەتوۆ.
بۇعان دەيىن دۇنيەجۇزىلىك دەنساۋلىق ساقتاۋ ۇيىمىنىڭ وكىلى تاريك ياسارەۆيچ رەسەيلىك گامالەيا اتىنداعى ينستيتۋت ازىرلەگەن كوروناۆيرۋس ۆاكتسيناسىن كوپشىلىككە قولدانۋعا كەڭەس بەرۋ ءۇشىن اۋەلى ونىڭ تيىمدىلىگى مەن قاۋىپسىزدىگىنە كوز جەتكىزۋىمىز قاجەت دەگەن بولاتىن. رەسەيلىك زەرتتەۋ ۇيىمدارى مەن ءدارى-دارمەك كومپانيالارىنىڭ باسىن بىرىكتىرگەن قاۋىمداستىق وكىلدەرى دە "ۆاكتسينانى جىلدام تىركەۋ رەسەيدى كوشباسشىعا اينالدىرمايدى، بۇل تەك ۆاكتسينا قولداناتىن قاراپايىم ازاماتتارعا قاۋىپ ءتوندىرۋى مۇمكىن" دەگەن ەدى.
Sputnik كازاحستان اگەنتتىگىنىڭ جازۋىنشا، تولىق سىناقتان وتپەسە دە تىركەۋدەن وتكەن ۆاكتسينا قىركۇيەك ايىندا مەديتسينا قىزمەتكەرلەرىنە ەگىلە باستايدى. ال كوپشىلىككە قولدانۋعا 2021 جىلدىڭ قاڭتار ايىندا بەرىلەدى.
باعدات قوجاحمەتوۆتىڭ ايتۋىنشا، قازاقستان ۆاكتسينا جانە يممۋنيزاتسيا جونىندەگى عالامدىق اليانسقا قوسىلسا، بۇل ۇيىمعا مۇشە مەملەكەتتەر 2020 جىلدىڭ 31 تامىزىنا دەيىن العاشقى جارناسىن (15 پايىز) تولەۋگە مىندەتتى. بۇدان سوڭ ۆاكتسينانىڭ جەتۋىنە قاراي حالىقتىڭ 20 پايىزىنا جەتەتىندەي ۆاكتسينا قۇنىن تولىق تولەۋى ءتيىس بولادى. قازاقستان اليانسقا قوسىلۋعا كەلىسىم بەرگەنمەن ازىرگە ۇيىممەن كەلىسىم-شارتقا قول قويىلماعان.
Abai.kz
