ءىىم اقپاراتىنا قاراعاندا، ماحكاموۆتى قىزمەتتەن الۋ تۋرالى بۇيرىققا مينيستر ەكى اپتا بۇرىن قول قويعان. مەكەمە وكىلى ۆيدەو ينتەرنەتكە جاريالانعاننان كەيىن قالالىق ىشكى ىستەر باسقارماسىندا قىزمەتتىك تەكسەرۋ ءجۇرىپ، بۇدان بىلاي ماحكاموۆتىڭ بۇل ورگاندا جۇمىس ىستەۋگە قۇقىعى جوق دەگەن شەشىم شىعارىلعانىن مالىمدەدى.

ەكى مينوتتىك ۆيدەودا ماي قىزمەتكەرى جۇك كولىگىن توقتاتىپ، ونىڭ نومەرىن شەشىپ العانىن كورۋگە بولادى. قازاقستان ازاماتى ەكەنىن ايتقان جۇرگىزۋشى ماحكاموۆتىڭ كولىگىن بوگەپ، ءبىراز جانجالداسقاننان كەيىن، ءنومىردى قايتا تارتىپ العان. ماي قىزمەتكەرى ونىڭ اتىنا بىلاپىت سوزدەر ايتقان.

ۆيدەو الەۋمەتتىك جەلىلەردە قىزۋ تالقىعا سالىنىپ، قولدانۋشىلاردىڭ كوبى ماي قىزمەتكەرلەرىنىڭ ارەكەتىن سىنعا العان.

يسلوم ماحكاموۆ قازاقستاندىق جۇرگىزۋشى قاتتى جىلدامدىقپەن جۇرگەنىن، بىراق شەتەل ازاماتى بولعاندىقتان وعان ايىپپۇل سالماعانىن جەتكىزدى.

«مەنى ىشكى ىستەر ورگاندارىنان كەتىردى. مەنىڭ بار ايىبىم شەتەل ازاماتىن جازالاماعانىم. بۇل مەنىڭ قاتەلىگىم بولدى»،- دەدى ول.

Abai.kz