26 تامىزدا تاۋەلسىز كاسىپوداقتار فەدەراتسياسى راحموندى پرەزيدەنت سايلاۋىنا ۇمىتكەر رەتىندە ۇسىندى. فەدەراتسيا مۇشەلەرى سەزدە ونىڭ كانديداتۋراسىن ءبىراۋىزدان ماقۇلدادى.

بۇعان دەيىن رۋستام لاتيفزودا (اگرارلىق پارتيا), ابدۋحاليم گاففوروۆ (سوتسياليستىك پارتيا), سايددجافار ۋسمونزودا (دەموكراتيالىق پارتيا) جانە رۋستام راحماتزودا (ەكونوميكالىق رەفورما پارتياسى) كانديدات رەتىندە تىركەلگەن.

كوممۋنيستىك پارتيا مەن حالىقتىق-دەموكراتيالىق پارتيا كانديداتتارى قىركۇيەكتىڭ باسىندا بەلگىلى بولۋى ءتيىس.

تاجىكستاننىڭ سوتسياليستىك-دەموكراتيالىق پارتياسى سايلاۋعا بويكوت جاريالاۋى مۇمكىن. ەكى كۇن بۇرىن پارتيا ليدەرى راحماتيللو زويروۆ سايلاۋعا تۇسپەيتىنىن مالىمدەگەن. ول "راحمون پرەزيدەنت رەتىندە ەشقانداي پارتياعا مۇشە بولماۋى ءتيىس. ەلدە كوپ پارتيالى جۇيە قيرادى، ءبىر پارتيالى جۇيە قالىپتاستى" دەگەن. زويروۆ بيىلعى سايلاۋدى "زاڭسىز، كونستيتۋتسياعى قارسى" دەگەن.

11 قازاندا وتەتىن ساياسي ناۋقان – تاۋەلسىز تاجىكستان تاريحىنداعى التىنشى پرەزيدەنت سايلاۋى. وسىعان دەيىنگى بەس سايلاۋدىڭ بارىندە راحمون جەڭگەن. ول 2013 جىلعى سايلاۋدا 84 پايىز داۋىسپەن جەڭىسكە جەتكەن.

ول بيلىكتە 28 جىل وتىر. حالىقارالىق ۇيىمدار مەن ساراپشىلار راحمون تاجىكستاندا بيلىكتى سىناۋشىلاردى قۋدالاپ، ادام قۇقىعىن بۇزدى، ءسوز بوستاندىعى مەن ءدىني بوستاندىقتى شەكتەدى دەپ سىنايدى. ونىڭ بالالارى مەن جاقىندارى بيلىكتەگى نەگىزگى قىزمەتتەردە وتىر. ۇلى رۋستام ەمومالي – ەلدە سەنات سپيكەرى رەتىندە بيلىك يەرارحياسىنداعى ەكىنشى ادام.

تاجىكستاندا پرەزيدەنت 7 جىلعا سايلانادى. داۋىس بەرۋشىلەردىڭ 50 پايىزى قاتىسقان سايلاۋ ءوتتى دەپ ەسەپتەلەدى.

Abai.kz