بەلارۋس استاناسى مينسك كوشەلەرىنىڭ بىرىندە بىرنەشە ۋنيۆەرسيتەتتىڭ ستۋدەنتتەرى نارازىلىق ءبىلدىرىپ، الاڭعا شىقتى.

1 قىركۇيەك كۇنى تاڭەرتەڭ بەلارۋس ۇلتتىق تەحنيكالىق ۋنيۆەرسيتەتى مەن بەلارۋس مەملەكەتتىك ينفورماتيكا ۋنيۆەرسيتەتىنىڭ ستۋدەنتتەرى تاۋەلسىزدىك داڭعىلىنا شىقتى. ايتا كەتەتىن جايت، 1 ايعا جۋىق ول جەر لۋكاشەنكوعا قارسى كۇشتىڭ باس قوساتىن جەرىنە اينالدى.

جەرگىلىكتى شتات باسقارۋشىسى ستۋدەنتتىك توپتى كوزلوۆا كوشەسىندە توقتاتپاق بولعان. الايدا ء"بىز قىدىرىپ ءجۇرمىز، بۇلىكشى ەمەسپىز!"-دەپ شتات باسقارۋشىسىن ەلەمەگەن.

ومون قىزمەتكەرلەرى ستۋدەنتتەردىڭ سوڭىنان بارىنشا قاداعالاپ وتىرعان. تۋرا "جەڭىس" الاڭىنىڭ تۇسىندا بۇلىكشىلەردى ۇستاپ، جازالاۋ رەجيمى باستالدى. اقپاراتتى ءبىرىنشى بولىپ حابارلاعان Tut.by پورتالى ۇسىنعان سۋرەتتەر بويىنشا ستۋدەنتتەرگە كۇش جۇمسالعاندىعى بايقالادى. ومون قىزمەتكەرلەرى 20-عا جۋىق ستۋدەنتتى ۇستاعان. ۇستالعان 16 ادامنىڭ ەسىمدەرى بەلگىلى، ولار ستۋدەنتتەر، وقىتۋشىلار جانە جۋرناليستەر ەكەن. جەڭىس الاڭى مەترو ستانتسياسى ۋاقىتشا جابىلدى، پويىزدار توقتاتىلدى.

بەلارۋس مەملەكەتتىك ۋنيۆەرسيتەتىنىڭ باس عيماراتىنىڭ ەسىكتەرى جابىلدى، بىراق ستۋدەنتتەر مەن ۋنيۆەرسيتەت وكىلدەرىمەن سويلەسكەننەن كەيىن ولار قايتادان اشىلعان ەكەن. باسىلىمنىڭ مالىمەتىنشە، تاربيە ءىسى جونىندەگى پرورەكتور يۆان يانۋشەۆيچ پەن ستۋدەنتتەر عيماراتتىڭ قاسىندا فلەشموب بيلەپ بيلىككە ۇندەۋ جاريالاماق بولعان. ال Tut.by پورتالىنىڭ مالىمەتى بويىنشا، «ۋنيۆەرسيتەتتەردە توتەنشە جاعدايعا قاتىسى بار دەگەن ستۋدەنتتەر وقىعان» دەگەن نەگىزبەن جابىلعان.

مينسك قالالىق اتقارۋ كوميتەتىنىڭ ءىىبب مينسكىدەگى بۇلىكشىلەردى ۇستاۋ فاكتىسىن راستادى: "كەيبىر اقپارات كوزدەرى جازعانداي ادامدار حابارسىز جوعالىپ، ۇرلانىپ جاتقان جوق. الاڭعا جينالعانداردى ميليتسيا قىزمەتكەرلەرى ۇستاپ وتىر. "ۇستاماس بۇرىن، ولار وزدەرىن تانىستىرادى جانە ۇستاۋ نەگىزدەرىن تۇسىندىرەدى".

27 تامىزدا لۋكاشەنكو نارازىلىقتارعا قاتىسقان ستۋدەنتتەردى اسكەرگە جىبەرەمىن دەپ قورقىتتى.

ء"بىز بالالارعا جوعارى وقۋ ورنىندا وقىسىن نەمەسە اسكەرگە جىبەرىلسىن دەگەن ۇكىم شىعارامىز. ولاردىڭ وقىعىسى كەلمەسە، ەندەشە وتاندى قورعاۋ كەرەك. ءبىزدىڭ وتانىمىزعا قاۋىپ ءتونىپ تۇر!"- دەدى ول.

Abai.kz