سەنبى, 5 ءساۋىر 2025
بيلىك 3360 0 پىكىر 4 قىركۇيەك, 2020 ساعات 10:54

مەملەكەت باسشىسى اقتوتى رايىمقۇلوۆانى قابىلدادى

قازاقستان پرەزيدەنتى قاسىم-جومارت توقاەۆ مادەنيەت جانە سپورت ءمينيسترى اقتوتى رايىمقۇلوۆانى قابىلدادى.

قاسىم-جومارت توقاەۆقا مينيسترلىك قىزمەتىنىڭ قورىتىندىلارى، اتاپ ايتقاندا، مادەنيەت، سپورت، تۋريزم، ءتىل ساياساتى، ونوماستيكا ماسەلەلەرى، ارحيۆتەر بويىنشا اتقارىلعان جۇمىستار جايىندا باياندالدى. سونىمەن قاتار مەملەكەت باسشىسىنىڭ بۇعان دەيىن بەرگەن تاپسىرمالارىنىڭ ناتيجەلەرى تۋرالى ەسەپ بەرىلدى.

مادەنيەت جانە سپورت ءمينيسترى بۇقارالىق سپورتتى دامىتۋ جۇمىستارى قارقىندى ءجۇرىپ جاتقانىن اتاپ ءوتىپ، مادەنيەت قىزمەتكەرلەرىنىڭ ەڭبەك اقىسىن كوبەيتۋ ماقساتىندا قولعا الىنعان باستامالار تۋرالى ايتتى. قازىردىڭ وزىندە مادەنيەت قىزمەتكەرلەرىنىڭ جالاقىسى جەرگىلىكتى جەرلەردە 35%، ال رەسپۋبليكالىق دەڭگەيدە 50% ارتقان. بۇدان بولەك، مينيسترلىكتىڭ پاندەميا كەزىندە وتكىزگەن ونلاين شارالارى جونىندە دە مالىمەت بەردى.

سونىمەن قاتار اقتوتى رايىمقۇلوۆا پرەزيدەنتكە قازاقستاندىق سپورتشىلاردىڭ الداعى وليمپيادا ويىندارىنا دايىندىعى، جاڭادان اشىلعالى جاتقان تۋريزم جانە مەيماندوستىق ۋنيۆەرسيتەتىنىڭ جۇمىسى جايىندا ايتتى.

كەزدەسۋ سوڭىندا قاسىم-جومارت توقاەۆ بيىلعى جولداۋدا ايتىلعان باسىم باعىتتاردى ءتيىستى دەڭگەيدە جۇزەگە اسىرۋعا، ەل اراسىندا بۇقارالىق سپورتتى كەڭىنەن ناسيحاتتاپ، ونى ودان ءارى دامىتۋعا قاتىستى ناقتى تاپسىرمالار بەردى. سونداي-اق لاتىن ءالىپبيىن ەنگىزۋ ماسەلەسىندە اسىعىستىق جاساماي، جۇمىستى عالىمدارمەن جان-جاقتى ساراپتاي وتىرىپ جۇرگىزۋ كەرەك ەكەنىن اتاپ ءوتتى.

Abai.kz

0 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1496
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 4217
46 - ءسوز

بىزگە بەيمالىم باراق حان

جامبىل ارتىقباەۆ 3112