اقپارات جانە قوعامدىق دامۋ ءمينيسترى ايدا بالاەۆا "Egemen Qazaqstan" گازەتى رەداكتسياسىندا وتكەن مەملەكەت باسشىسى قاسىم-جومارت توقاەۆتىڭ "جاڭا جاعدايداعى قازاقستان: ءىس-قيمىل كەزەڭى" اتتى جولداۋىن تالقىلاۋعا ارنالعان دوڭگەلەك ۇستەلدە پرەزيدەنت جولداۋى ەل دامۋىنا جاڭا سەرپىن بەرەتىنىن ايتتى.

اقپارات جانە قوعامدىق دامۋ ءمينيسترى ايدا بالاەۆا 11 باعىتتان تۇراتىن جولداۋداعى ەڭ باستى باعىت ەلدىڭ ءال-اۋقاتىن جاقسارتۋ ەكەنىن،  سونداي-اق كەزەكتى جولداۋ ەل دامۋىنا جاڭا سەرپىن بەرەتىنىن ايتىپ ءوتتى.

"جولداۋ اياسىندا ۇيىمداستىرىلاتىن شارالاردىڭ بارلىعى دا قاراپايىم حالىقتىڭ ەرتەڭى ءۇشىن. ىندەت باستالعالى ەلىمىزدىڭ سالت-داستۇرىندە ءتۇرلى وزگەرىستەر بولىپ جاتتى. ونىڭ جاقسى تۇستارى دا، جامان تۇستارى دا بار. ەڭ جاقسى تۇسى - ءبىز وسىناۋ قيىن-قىستاۋ زاماندا ءبىر ۇلت بولىپ قالىپتاسقانىمىزدى كورسەتتىك. قايرىمدىلىق، ءبىر-بىرىمىزگە دەگەن باۋىرمالدىلىق، جومارتتىق دەگەن ۇلكەن قاسيەتتەرىمىزدى تانىتا بىلدىك. دەسە دە ىندەت كەزىندە اقپارات قۇرالدارىندا قانشاما ءتۇسىندىرۋ جۇمىستارى جۇرگىزىلىپ جاتسا دا كەي كەزدە تارتىپكە باعىنبايتىن كەزدەرىمىز بولدى. بۇل رەتتە پرەزيدەنت ءوز جولداۋىندا اباي اتامىزدىڭ كەزىندە ايتىپ كەتكەن دانالىعىن بۇگىنگى زامانمەن بايلانىستىرىپ وتكەنىن ايتا كەتۋ كەرەك. ادام بويىنداعى تەرىس ادەتتەر، ونىڭ ىشىندە ىسىراپشىلدىق، داراقىلىق، جاۋاپسىزدىق، سالماعى جوق سالت پەن ءداستۇر. بۇل تەرىس قىلىقتاردىڭ بارلىعىنان ءبىز تولىقتاي ارىلا قويعان جوقپىز", - دەي كەلە ايدا بالاەۆا ەندىگى ماقسات حالىقتىڭ سانا سەزىمىن جاڭعىرتىپ، ۇلتتىڭ جاڭا بولمىسىن قالىپتاستىرۋ ەكەنىن اتاپ ءوتتى.

بۇدان سوڭ، مينيستر پرەزيدەنت جولداۋىندا ايتىلعان اسىل قاسيەتتەردى ءاربىر قازاقستاندىق ءوز بويىنا سىڭىرگەن جاعدايدا مەملەكەتىمىز جاڭا دەڭگەيگە شىعاتىنىن ءسوز ەتتى.

"جولداۋدى ىسكە اسىرۋدا كوپتەگەن مىندەت كۇتىپ تۇر. وسى ماقساتتا بۇگىن زيالى قاۋىم وكىلدەرىمەن كەزدەسىپ، جۇمىستى قالاي ۇيىمداستىرامىز، قانداي ءىس-شارالار قولدانامىز جانە اقپارات جۇمىستارىنىڭ مازمۇنىن قالاي وزگەرتەمىز دەگەن سۇراقتارعا جاۋاپ ىزدەپ، تالقىعا سالۋدى ءجون كوردىك", دەدى ا.بالاەۆا.

دەرەككوز: ەgemen.kz

Abai.kz