30 تامىز - قازاقستان رەسپۋبليكاسىنىڭ كونستيتۋتسياسى كۇنى! بيىل قازاقستان حالقىن ءبىر تۋدىڭ استىنا بىرىكتىرگەن اتا زاڭىمىزدىڭ قابىلدانعانىنا جيىرما بەس جىل تولىپ وتىر. قر كونستيتۋتسياسىن ەگەمەن ەلدىڭ ەڭسەسىن بيىكتەتكەن باستى ارقاۋ دەپ بىلەتىن ءاربىر قازاقستاندىق بۇل كۇنگە بەيجاي قارامايتىنى انىق.

كونستيتۋتسيا جاڭادان شاڭىراق كوتەرگەن تاۋەلسىز قازاقستان رەسپۋبليكاسىنىڭ جارقىن بولاشاعىن انىقتاپ بەردى. اتا زاڭ اياسىندا ەلدىكتىڭ ەڭ العاشقى قازىعى قاعىلىپ، قابىرعاسى قالاندى. شاڭىراعىمىز بيىكتەپ، بوساعامىز بەكىدى. زاڭى كەمەلدەنگەن، ساياساتى ورنىقتى، قوعامى تۇراقتى، سىرتقى جانە ىشكى گەوساياسي احۋالى قالىپتاسقان ىرگەلى ەلگە اينالدىق.

ءبىز بۇل سوزدەردى قۇر ماقتان ءۇشىن ايتىپ وتىرعان جوقپىز. كونستيتۋتسيا كۇنى قازاقستان حالقى ءۇشىن مەرەيلى مەرەكە رەتىندە اتالىپ ءوتىپ كەلەدى. قازاقستان حالقى 30 تامىزدى كونستيتۋتسيا كۇنى رەنتىندە تويلايدى. 30 تامىزدا عانا ەمەس، كونستيتۋتسيانىڭ قۇدىرەتىن، قاجەتتىلىگىن قازاقستان جۇرتشىلىعى جان-تانىمەن تۇيسىنەدى دەپ ويلايمىز.

جىلداعى ءداستۇر بويىنشا، مەملەكەت باسشىسى قاسىم-جومارت كەمەلۇلى توقاەۆ قازاقستان حالقىن قر كونستيتۋتسياسى كۇنىمەن ارنايى قۇتتىقتاۋى. پرەزيدەنتتىڭ قۇتتىقتاۋ ءسوزى اقوردانىڭ رەسمي سايتىندا جاريالاندى.

- وسىدان 25 جىل بۇرىن تۇڭعىش پرەزيدەنتىمىز – ەلباسى نۇرسۇلتان ءابىشۇلى نازارباەۆتىڭ باستاماسىمەن قازىرگى اتا زاڭىمىز قابىلداندى. بۇل قادام تەرەڭنەن تامىر تارتاتىن مەملەكەتتىگىمىزدى تىڭ ورىسكە باستاپ، قازاقستان رەسپۋبليكاسىنىڭ كۇردەلى گەوساياسي جاعدايداعى دامۋىنىڭ داڭعىل جولىن ايقىندادى، - دەپ اتاپ ءوتتى مەملەكەت باسشىسى.

كونستيتۋتسيا - كەز-كەلگەن ەلدىڭ تىرەگى. زاڭى مىقتى ماڭگىلىك ەل سانالادى. زاڭعا سەنىپ، زاڭعا ارقا سۇيەگەن ەل عانا جاڭا عاسىردىڭ تورىنەن ورىن الىپ، جارقىن بولاشاققا ەركىن جول تارتادى.

ەلىمىزدىڭ كونستيتۋتسيا بويىنشا، باستى زاڭ شىعارۋشى ورگان - پارلامەنت. ەندەشە پارلامەنت ءماجىلىسىنىڭ توراعاسى نۇرلان زايروللاۇلى نىعماتۋليننىڭ قۇتتىقتاۋ سوزىنەن دە ءبىر ءۇزىندى كەلتىرە كەتەيىك. ءماجىلىس توراعاسى قازاقستان حالقىنا ارناعان قۇتتىقتاۋ ءسوزسىن تۆيتتەر جەلىسىندەگى جەكە پاراقشاسىندا جاريالادى.

- سىزدەردى ەلىمىزدىڭ مارتەبەلى مەرەكەسى – كونستيتۋتسيا كۇنىمەن قۇتتىقتايمىن! وسىدان 25 جىل بۇرىن ەلباسىمىز ن.ءا. نازارباەۆ ىرگەسىن قالاعان اتا زاڭىمىز تاۋەلسىزدىگىمىزدى نىعايتىپ، حالىقتىڭ بىرلىگى مەن ىنتىماعىن ارتتىردى! - دەدى ءماجىلىس توراعاسى.

قاسيەتتى تاۋەلسىزدىگىمىزدىڭ بەرىك تۇعىرىنا اينالعان اتا زاڭىڭىمىزدىڭ ءاربىر قازاقستاندىق ءۇشىن اسا قىمبات ەكەنىن ەكىنىڭ ءبىرى بىلەدى، ونى قايتالاپ ايتىپ جاتۋدىڭ ءوزى ارتىق. قازاقستان حالقىنا ارنالعان قۇتتىقتاۋلارىندا مۇنى مەملەكەت باسشىسى قاسىم-جومارت توقاەۆ تا، ءماجىلىس توراعاسى نۇرلان نىعماتۋلين دا اتاپ ءوتتى.

كونستيتۋتسيامىزدا تايعا باسىلعان تاڭباداي انىق جازىلاعان، ەڭ باستى ورىندا تۇراتىن ادام قۇقىعى جانە ونىڭ بوستاندىعى تۋرالى باپتار، سونداي-اق، ساياسي جانە الەۋمەتتىك-ەكونوميكالىق قۇرىلىم قاعيداتتارىنىڭ ارقاسىندا قازاق دالاسىندا ادىلەتتى قوعام مەن قۋاتتى مەملەكەت قۇرىپ وتىرمىز. اتا زاڭىمىز قازاقستان سىندى جارقىن بولاشاقتى بەتكە العان ماڭگىلىك ەلدىڭ مىزعىماس تۇعىرىنا، باعىت سىلتەر تەمىرقازىعىنا اينالدى.

قازاقستان رەسپۋبليكاسى كونستيتۋتسياسىنداعى باستى قاعيدا حالىق بيلىگى، زاڭنىڭ ۇستەمدىگى، ازاماتتاردىڭ تەڭدىگى جانە حالپى حالىقتىڭ بىرلىگى بولىپ تابىلادى. قاسيەتتى تاۋەلسىزدىگىمىزدى ماڭگىلىك ەتۋ ءۇشىن جوعارىدا اتالعان قاستەرلى ۇستانىمداردان اينىماۋىمىز كەرەك. سوندا عانا ەلىمىزدىڭ جارقىن بولاشاققا بەت العان دامۋ باعدارى انىق بولادى. سوندا عانا كەلەشەگىمىز كەمەل، مەملەكەتتىگىمىز ماڭگىلىك بولماق.

مەملەكەتىمىزدىڭ ساياسي تۇراقتىلىعى، ازاماتتار اراسىنداعى كەلىسىم، الىس-جاقىن شەتەلدەرمەن بايلانىس مەملەكەتتىڭ بەرىك كونستيتۋتسيالىق نەگىزىنىڭ ارقاسىندا قالىپتاسادى. كونستيتۋتسياسى كەمەل ەل - ەرتەڭى ەرەن، بولاشاعى جارقىن ەل ەكەنىن جوعارىدا ايتتىق. دەمەك اتا زاڭىمىزدىڭ الدىندا ءاربىر ازامات بىردەي، كونستيتۋتسيامىز كەز-كەلگەن قازاقستان ازاماتىنىڭ ارقا تىرەگى، سۇيەنىشى.

ەلىمىز ەگەمەندىك العاننان بەرى جىلدان-جىلعا تەك عانا الدىعا قادام باسىپ كەلەدى. ءبىزدىڭ ەلدىڭ وتىز جىلعا جۋىق ۋاقىتتا جەتكەن جەتىستىگى مەن تولاعاي تابىسىنا الىس-جاقىن شەتەل تاڭداي قاعا تامسانادى. جاس مەملەكەتتىڭ مۇنشالىق تەز دامۋىنا جانە ىشكى-سىرتقى ساياسي جاعدايىنىڭ وسىنشالىق تۇراقتىلىعىنا تاڭدانباۋ قيىن ارينە. وسى جەتىستىكتىڭ ءبارى كەمەل كونستيتۋتسياسىمىزدىڭ ارقاسىندا ەكەنىن ەشقاشان ەستەن شىعارماۋىمىز كەرەك دەپ ەسەپتەيمىز.

Abai.kz