الەمدە ءبىر كۇندە كوروناۆيرۋس جۇقتىرعاندار سانى 304 مىڭ 626 ادامعا جەتىپ، رەكوردتىق دەڭگەيگە جەتتى. مۇنداي مالىمەتتى 6 قىركۇيەكتە امەريكالىق دجونس حوپكينس ۋنيۆەرسيتەتى كەلتىردى.

مۇنىڭ الدىنداعى رەكوردتىق كورسەتكىش 14 تامىزدا بولعان، ءبىر تاۋلىكتە 304 مىڭ 351 ادام ۆيرۋس جۇقتىرعان دەپ اتاپ ءوتتى "نەمىس تولقىنى". بىراق ءولىم سانى ەكى ەسەگە قىسقاردى. 14 تامىزدا 10 135 ناۋقاس قايتىس بولسا، سوڭعى 24 تاۋلىكتە 5637 ادام كوز جۇمعان.

جالپى الەمدە كوروناۆيرۋس ينفەكتسياسىن جۇقتىرعاندار 26,96 ميلليونعا جەتكەن، اۋرۋدان قايتىس بولعاندار 879 مىڭنان اسقان. ىندەت جۇقتىرعاندار جاعىنان اقش ءبىرىنشى ورىندا تۇر. ودان كەيىن برازيليا مەن ءۇندىستان. رەسەيدا ۆيرۋس جۇقتىرعاندار سانى ءبىر ميلليوننان اسىپ، ءتورتىنشى ورىنعا شىقتى. ادام ءولىمى جاعىنان 12-ورىندا تۇر، 17 820 ناۋقاس كوز جۇمعان.

دۇنيەجۇزى دەنساۋلىق ساقتاۋ ۇيىمىنىڭ توراعاسى تەدروس گەبرەيەسۋس ادامزات كوروناۆيرۋس پاندەمياسىن كەمىندە ەكى جىلدا جەڭەدى دەپ مالىمدەدى. ەگەر الەم ەلدەرى ىنتىماقتاستىق تانىتىپ، بىرىكسە، بۇل مەرزىم ىشىندە ىندەتتى جەڭۋگە بولادى دەدى ول.

Abai.kz