پرەزيدەنت توقاەۆ قازاقستاننىڭ "جۇمىسپەن قامتۋ جول كارتاسىن" رۋزۆەلتتىڭ 30-40 جىلدارداعى اقش-تى داعدارىستان شىعارۋ باعدارلاماسىمەن سالىستىرۋعا بولاتىنىن ايتىپتى. بۇل تۋرالى Tengrinews.kz جازدى. 

پرەزيدەنت قوستاناي وبلىسىنداعى اشىتىلعان ءسۇت وندىرەتىن زاۋىتتىڭ وكىلدەرىمەن كەزدەسۋىندە اقش-تىڭ 32-پرەزيدەنتى فرانكلين رۋزۆەلتتىڭ باعدارلاماسىن مىسالعا كەلتىرگەن.

"جالپى العاندا، شاعىن جانە ورتا بيزنەس - بۇل ءبىزدىڭ باسىم باعىتىمىز. مەن بۇل تۋرالى ءوز جولداۋىمدا كوپ ايتقانىمدى بىلەسىزدەر. پاندەمياعا قاراماستان، ءبىز شاعىن جانە ورتا بيزنەسكە ايتارلىقتاي كومەك كورسەتەمىز. ءبىزدىڭ وڭىردە شاعىن جانە ورتا بيزنەسكە وسىنداي ۇلكەن قولداۋ كورسەتىپ جاتقان قازاقستان دەپ ويلايمىن", - دەدى پرەزيدەنت قوستاناي وبلىسىنداعى "ميلح" جشس-گە بارعان كەزدە.

ول "جۇمىسپەن قامتۋدىڭ جول كارتاسى" مەملەكەت پەن جالپى ۇكىمەت الدىنا قويىلعان مىندەتتەردى ىسكە اسىرۋ تۇرعىسىنان وتە ماڭىزدى بولا تۇسەتىنىن اتاپ ءوتتى.

"وبەكتيۆ سەبەپتەرگە بايلانىستى شەشىلمەگەن كوپتەگەن مىندەت قازىر جۇمىسپەن قامتۋدىڭ جول كارتاسى ارقىلى شەشىمىن تاۋىپ جاتىر. تۇرعىن ءۇي-كوممۋنالدىق شارۋاشىلىق، الەۋمەتتىك ينفراقۇرىلىم دا سولاي. ياعني، مازمۇنى مەن ماقساتتارى تۇرعىسىنان قازاقستاننىڭ "جۇمىسپەن قامتۋ جول كارتاسىن" رۋزۆەلتتىڭ 30-40 جىلدارداعى اقش-تى داعدارىستان شىعارۋ باعدارلاماسىمەن سالىستىرۋعا بولادى, بىراق، ارينە، قازاقستاننىڭ الەۋەتىنە، ءبىزدىڭ مۇمكىندىگىمىزگە بەيىمدەۋ قاجەت. سوندىقتان ءبىز باعدارلامانىڭ جۇزەگە اسىرىلۋىن مۇقيات قاداعالايمىز", - دەدى قاسىم-جومارت توقاەۆ.

"جاڭا باعىت" - بۇل اقش پرەزيدەنتى رۋزۆەلتتىڭ اكىمشىلىگى 1933-1939 جىلدار ارالىعىندا جۇرگىزگەن جانە ۇلى دەپرەسسيانىڭ سالدارىن جويۋعا، سونداي-اق ونەركاسىپ، اۋىل شارۋاشىلىعى، قارجى، ەنەرگەتيكا جانە ەڭبەك قاتىناستارىنداعى قۇرىلىمدىق رەفورمالارعا باعىتتالعان ەكونوميكالىق جانە الەۋمەتتىك باعدارلاما.

Abai.kz