قازاقستانعا «قورعاس ءىسى» بويىنشا شۆەيتساريادان 390 ملن. تەڭگەدەن استام قاراجات قايتارىلدى. بۇل تۋرالى قر باس پروكۋراتۋراسى مالىمدەدى. 

«2020 جىلعى 14 قىركۇيەكتە شۆەيتساريانىڭ فەدەرالدىق بيلىگى «قورعاس ءىسى» بويىنشا ۇيىمداسقان قىلمىستىق قوعامداستىق مۇشەلەرى جىمقىرىپ، شەتەلگە شىعارعان 390 ملن. تەڭگەدەن استام قاراجاتتى قازاقستانعا قايتاردى»،- دەلىنگەن حابارلامادا.

اتالعان قاراجات 2012 جىلدان بەرى حالىقارالىق ىزدەۋدە جۇرگەن قىلمىستىق ۇيىمداسقان توپتىڭ بەلسەندى مۇشەلەرىنىڭ ءبىرى ماعزۇم ابدىراليەۆكە تيەسىلى شۆەيتساريا بانكىندەگى شەتەلدىك كومپانيانىڭ شوتىندا بولعان.

شۆەيتساريادان ابدىراليەۆتىڭ قىلمىستىق اكتيۆتەرىن قايتارۋ بويىنشا جۇمىس 2018 جىلدان بەرى جۇرگىزىلگەن.

بۇعان دەيىن 2019 جىلى وسى ءىس بويىنشا مەملەكەت كىرىسىنە شۆەيتساريادان 140 ملن.تەڭگە قايتارىلعان بولاتىن.

وسىلايشا، وسى ءىس بويىنشا شۆەيتساريادان مەملەكەتتىك بيۋدجەتكە شەتەلدەن اكتيۆتەردى قايتارۋ بويىنشا جۇمىس شەڭبەرىندە تۇسكەن قاراجاتتىڭ جالپى سوماسى شامامەن 530 ملن.تەڭگەنى (1,3 ملن اقش دوللارىنان استام) قۇرايدى.

Abai.kz