بولات جەتەكباي. مەن نە دەيىن؟
مەن نە دەيىن؟ ەل قىرىلعان كۇن ەدى.
...سودان كەيىن شاڭدى بوران ۇدەدى.
سولىپ قالماي سوعا بەردى ايتەۋىر
سورى قالىڭ قازاعىمنىڭ جۇرەگى.
ارقا سۇيەر وتانىنا سەڭگىردەي
سەنگەن كۇيى ءىنىم ءولدى وندىردەي.
گۇل- ءومىرىن جۇلىپ كەتتى جالعىز وق،
اق بوراندا اداسقان جوق جول بىلمەي.
تاعى ءبىر وق سۇلاتقاندا دوسىمدى،
اققان سۋداي القىزىل قان جوسىلدى!..
كوككە قاراپ كوك بورىدەي ۇلىعان
ونىڭ زارى ەل زارىنا قوسىلدى.
پەرىشتەدەي قارىنداسىم - ول ءولدى،
شىن جىلادىم، بۇل ومىردەن نە كوردى؟!
كەلەر كۇننىڭجىبىتپەسىن بىلەمىن
كوكىرەككە قاتىپ قالعان شەمەندى.
ءولىپ جاتتى، ءولىپ جاتتى.. كوپ ءولدى.
اسىققانداي تىزبەكتەلىپ جونەلدى.
ءبىر-اق كۇندە جەتىمدىگىن سەزىنىپ،
ءبىر-اق كۇندە ەل ديدارى كونەردى.
الاي-دۇلەي قار بوراماي، وق بوراپ،
اجال ءجۇردى جاس عۇمىردى نوقتالاپ.
اراشالاپ الا المادىق ەشبىرىن
كىنامىزدى كىمدەرارشىپ، اقتاماق؟!
وسى ءبىر كۇن - زاۋالدى كۇن، ويران كۇن،
جانازاعا جارداي اتان سويعان كۇن،
جوقتاۋ ايتقان جەڭەشەمنىڭ داۋىسى
جاماعاتتىڭ تىنىشتىعىن جويعان كۇن.
جوقتاۋ ءۇنى جاراتقانعا جەتكەن كۇن،
تۇرلاۋى جوق دۇنيەنى جەك كوردىم...
ايامادىڭ، «ات!» دەدىڭ عوي، مويىندا،
نەگە مۇنشا ءوز حالقىڭا كەكتەندىڭ!؟
مەن نە دەيىن؟ ەل قىرىلعان كۇن ەدى.
...سودان كەيىن شاڭدى بوران ۇدەدى.
سولىپ قالماي سوعا بەردى ايتەۋىر
سورى قالىڭ قازاعىمنىڭ جۇرەگى.
ارقا سۇيەر وتانىنا سەڭگىردەي
سەنگەن كۇيى ءىنىم ءولدى وندىردەي.
گۇل- ءومىرىن جۇلىپ كەتتى جالعىز وق،
اق بوراندا اداسقان جوق جول بىلمەي.
تاعى ءبىر وق سۇلاتقاندا دوسىمدى،
اققان سۋداي القىزىل قان جوسىلدى!..
كوككە قاراپ كوك بورىدەي ۇلىعان
ونىڭ زارى ەل زارىنا قوسىلدى.
پەرىشتەدەي قارىنداسىم - ول ءولدى،
شىن جىلادىم، بۇل ومىردەن نە كوردى؟!
كەلەر كۇننىڭجىبىتپەسىن بىلەمىن
كوكىرەككە قاتىپ قالعان شەمەندى.
ءولىپ جاتتى، ءولىپ جاتتى.. كوپ ءولدى.
اسىققانداي تىزبەكتەلىپ جونەلدى.
ءبىر-اق كۇندە جەتىمدىگىن سەزىنىپ،
ءبىر-اق كۇندە ەل ديدارى كونەردى.
الاي-دۇلەي قار بوراماي، وق بوراپ،
اجال ءجۇردى جاس عۇمىردى نوقتالاپ.
اراشالاپ الا المادىق ەشبىرىن
كىنامىزدى كىمدەرارشىپ، اقتاماق؟!
وسى ءبىر كۇن - زاۋالدى كۇن، ويران كۇن،
جانازاعا جارداي اتان سويعان كۇن،
جوقتاۋ ايتقان جەڭەشەمنىڭ داۋىسى
جاماعاتتىڭ تىنىشتىعىن جويعان كۇن.
جوقتاۋ ءۇنى جاراتقانعا جەتكەن كۇن،
تۇرلاۋى جوق دۇنيەنى جەك كوردىم...
ايامادىڭ، «ات!» دەدىڭ عوي، مويىندا،
نەگە مۇنشا ءوز حالقىڭا كەكتەندىڭ!؟
اۋ، باسشىمىز، جارعا تامان تاياندىق،
قۇلار كەزدە ەندى نەسىن اياندىق؟!
الدىمەنەن بۇل ىسىڭە جاۋاپ بەر،
از قازاقتى اتىپ قىرعان ايارلىق!..
تويمادىڭ با بايلىق پەنەن بيلىككە؟!
قۇراق ۇشىپ، قولىڭنان از سۇيدىك پە؟
ءبىر بالەنى ءوزىڭ باستاپ العان سوڭ
ەرمىن دەسەڭ ەندى قورقىپ، يلىكپە!
مەن نە دەيىن؟
ەل-حالقىڭا، ءوزىڭ ايت!
جالتاقتاماي تۋرا قاراپ كوزىنە ايت!
فانيدەگى ار سوتىنىڭ الدىندا
كۇناھاردىڭ ەڭ اقىرعى ءسوزىن ايت!
بەيبىت تاڭدا ەلىم نەگە زارلادى؟!
قىزىل مۇناي... قان اتقاقتاپ پارلادى.
...تۇنىمەنەن ۇيىقتاتپايدى ءبىزدى دە،
شەيىت كەتكەن قۇربانداردىڭ ارمانى.
***
فەرعانا.
كوپ قىرىلىپ وزبەكتەرىم،
قاھارىن قاھانىڭنىڭ سەزبەپ پە ەدىڭ؟!
ءازىرايىل قۋاندى كوزى كورىپ،
اسكەردىڭ وق جاۋدىرىپ تەز جەتكەنىن.
بىشكەك، وش...
جۇزدەپ ءولىپ قىرعىزدارىم،
تاعىنان قۋىپ، حاندى تۇرعىزبادىڭ!
قايدا دا قارا حالىق قايعى جۇتىپ،
سۇرقيا ساياساتتىڭ ءبىلدى ىزعارىن.
جاڭاوزەن.
باۋداي ءتۇسىپ قازاقتارىم،
وق اتتى، مىلتىق كەزەپ كەززاپتارىڭ!
قاقىراپ قابىرعاسى قايسار ۇلدىڭ
قارسى الدى اباقتىدا ازاپ تاڭىن.
استانا،
الىس-جاقىن ايماقتارىم،
الدىندا تورەلەردىڭ مايماقتادىڭ!
راديو، تەلەديدار، مۇقىم گازەت
قۇپتادى جاعىمپازدى سايراتقانىن.
باسقارعان كىمدەر ءبىزدى؟.. باعامدادىق.
سوزىنەن ءتۇيىر دانەك تابا المادىق.
قوسىلىپ «وڭكەي قيقىم» بيلەرىمە
بۇلىكشى، بۇزاقىنى جاماندادىق.
حالىققا وق اتقاندى ايىپتاماي،
جارلىقتى بەرگەندى دە انىقتاماي،
دۇشپاندى شەتەلدەگى لاعناتتاپ،
جاعالاي بەلسەندىنىڭ جانىققانى-اي!
ءبارى ايتتى: «باتۋاعا تۇراقتاڭدار»،
كۇنى ەرتەڭ تاعى اتپاي ما ءبىر اتقاندار؟!
...تابىلدى ەرلەرىم دە تەڭدىك سۇرار،
جىلاعان قارالىنى جۇباتقان بار.
تاعى دا الاماندى ارباي بيلىك،
«بىرلىك كەرەك» دەپ جاتتى، قانداي بىرلىك؟
«اش بالا توق بالامەن وينامايدى»،
ءىش - جالىن، ار وتىنا جانباي كۇيدىك.
الماتى.
ەكى ميلليون بۇقاراسى.
ءبىرى - مەن..،
ال، مەن كىمنىڭ شىكاراسى؟
كەشەگى قايدا قالدى ءۇمىت-سەنىم،
قايدا ەكەن شاتتىعىمنىڭ جۇقاناسى؟
نەسىنە ناس-نادانعا كەيىپ كەلدىم؟
ويلاسام، ءبىر جاعىمسىز كەيىپكەرمىن...
جازىلعان جىر ەدى بۇل جارىم تۇندە،
جەتىسىن بەرگەن كۇنى شەيىتتەردىڭ.
«اباي-اقپارات»
