ونىڭ ۇستالعانى تۋرالى اقپاراتتى ازاتتىق ءتىلشىسى ەڭ ءبىرىنشى الماتى قالالىق سوتىنىڭ بۇرىنعى سۋدياسى كۇلپاش وتەمىسوۆانىڭ Facebook-تاعى پاراقشاسىنان ءبىلدى.

"2020 جىلى 23 قىركۇيەكتە قازاقستاندا تانىمال قۇقىق قورعاۋشى ەرمەك تايشىبەكوۆ قاماۋعا الىندى. ۇستاۋ كەزىندە ونىڭ كومپيۋتەرى مەن ءموبيلدى تەلەفونى تاركىلەنگەن" دەلىنگەن جازبادا.

الماتى قالالىق پوليتسيا دەپارتامەنتى 42 جاستاعى ەرمەك تايشىبەكوۆتىڭ ۇستالعانىن راستادى.

"تايشىبەكوۆ قىلمىستىق كودەكستىڭ 174-باپ ("الەۋمەتتiك، ۇلتتىق، رۋلىق، ناسiلدiك، تەكتىك-توپتىق نەمەسە دiني الاۋىزدىقتى قوزدىرۋ") بەلگىلەرىنە كەلەتىن قىلمىس جاسادى دەگەن كۇدىكپەن 23 قىركۇيەكتە ۇستالعان، سول كۇنى كەشكى ساعات 21.25-تە ۋاقىتشا قاماۋ يزولياتورىنا قامالدى" دەدى اتى-ءجونىن اتاعىسى كەلمەگەن پوليتسيا قىزمەتكەرى ازاتتىق تىلشىسىنە.

ەرمەك تايشىبەكوۆتىڭ باۋىرى مارلەن تايشىبەكوۆتىڭ سوزىنە قاراعاندا، 23 قىركۇيەكتە ەرمەك پوليتسەيدىڭ تەلەفونىنان حابارلاسىپ، ءوزىن ۇستاعانىن ايتقان. بۇعان Youtube-تە جاريالانعان قازاقستان بيلىگىنىڭ ۇلتتىق ساياساتىن سىناعان سۇحباتى تۇرتكى بولۋى مۇمكىن ەكەنىن دە جەتكىزگەن. مارلەن تايشەبەكوۆ 24 قىركۇيەكتە ۋاقىتشا قاماۋ يزولياتورىنىڭ قابىلداۋ پۋنكتى ارقىلى ازىق-تۇلىك پەن جىلى كيىم بەرە العانىن ايتتى.

Abai.kz