ازات پەرۋاشەۆ تالدىقورعانداعى «قاينار» اككۋمۋلياتور زاۋىتىنىڭ ەڭبەك ۇجىمىمەن كەزدەستى

تالدىقورعان، 2011 جىلعى 28 جەلتوقسان، قازاقستاننىڭ «اق جول» دەموكراتيالىق پارتياسىنىڭ ءباسپاسوز قىزمەتى

قۇرامىندا پارتيا توراعاسى ا.پەرۋاشەۆ، وليمپيادا چەمپيونى ب.سارسەكباەۆ، «قازگرانيت» كومپانياسىنىڭ پرەزيدەنتى ا.ابىلداەۆ، «جاس مامان» جاستار قوزعالىسىنىڭ كوشباسشىسى ە.ءىلياسوۆ، الماتى وبلىسىنىڭ كاسىپكەرلەرى قاۋىمداستىعىنىڭ توراعاسى ن.جازىلبەكوۆ، پارتيانىڭ ايماقتىق اكتيۆى بار «اق جول» پارتياسىنىڭ رەسپۋبليكالىق سايلاۋالدى شتابىنىڭ ۇگىت-ناسيحات توبى تالدىقورعان قالاسىندا بىرقاتار سايلاۋالدى ءىس-شارالار وتكىزدى.

ورتالىق ازيا مەن تمد اۋماعىنداعى ءىرى دەگەن ەلەكتروتەحنيكالىق وندىرىستىك كومپانيالاردىڭ ءبىرى  - تالدىقورعاندىق «قاينار» اككۋمۋلياتور زاۋىتىنىڭ ەڭبەك ۇجىمىمەن كەزدەسۋ بولدى.

كەزدەسۋ بارىسىندا «قاينار» اق پرەزيدەنتى قۋانىش اجماعامبەتوۆ ءوزىنىڭ «اق جول» پارتياسىنىڭ قاتارىنا مۇشەلىككە وتكەندىگىن مالىمدەدى.

ازات پەرۋاشەۆ تالدىقورعانداعى «قاينار» اككۋمۋلياتور زاۋىتىنىڭ ەڭبەك ۇجىمىمەن كەزدەستى

تالدىقورعان، 2011 جىلعى 28 جەلتوقسان، قازاقستاننىڭ «اق جول» دەموكراتيالىق پارتياسىنىڭ ءباسپاسوز قىزمەتى

قۇرامىندا پارتيا توراعاسى ا.پەرۋاشەۆ، وليمپيادا چەمپيونى ب.سارسەكباەۆ، «قازگرانيت» كومپانياسىنىڭ پرەزيدەنتى ا.ابىلداەۆ، «جاس مامان» جاستار قوزعالىسىنىڭ كوشباسشىسى ە.ءىلياسوۆ، الماتى وبلىسىنىڭ كاسىپكەرلەرى قاۋىمداستىعىنىڭ توراعاسى ن.جازىلبەكوۆ، پارتيانىڭ ايماقتىق اكتيۆى بار «اق جول» پارتياسىنىڭ رەسپۋبليكالىق سايلاۋالدى شتابىنىڭ ۇگىت-ناسيحات توبى تالدىقورعان قالاسىندا بىرقاتار سايلاۋالدى ءىس-شارالار وتكىزدى.

ورتالىق ازيا مەن تمد اۋماعىنداعى ءىرى دەگەن ەلەكتروتەحنيكالىق وندىرىستىك كومپانيالاردىڭ ءبىرى  - تالدىقورعاندىق «قاينار» اككۋمۋلياتور زاۋىتىنىڭ ەڭبەك ۇجىمىمەن كەزدەسۋ بولدى.

كەزدەسۋ بارىسىندا «قاينار» اق پرەزيدەنتى قۋانىش اجماعامبەتوۆ ءوزىنىڭ «اق جول» پارتياسىنىڭ قاتارىنا مۇشەلىككە وتكەندىگىن مالىمدەدى.

ال ايماق سايلاۋشىلارىمەن كەزدەسۋ ۇيىمداستىرىلعان «اي-سەر» قوناق ءۇيىنىڭ زالىندا ينە شانشار ورىن بولمادى، كەزدەسۋگە كەلگەندەر تەرەزەلەر الدىندا وتىرىپ، كىرە بەرىسكە دەيىن جايعاستى. ازات پەرۋاشەۆ «اق جول» پارتياسىنىڭ ۇكىمەت پەن پارلامەنت الدىنداعى كوتەرەتىن ءبىرىنشى كەزەكتەگى ماسەلەلەرىن ايتىپ ءوتتى، نەگىزىنەن باعالاردىڭ ءوسۋى، ازاماتتاردىڭ تابىسى، زەينەتاقىمەن قامتاماسىز ەتۋ، جۇمىسقا ورنالاستىرۋ ماسەلەلەرىمەن بايلانىستى سايلاۋشىلار ساۋالدارىنا جاۋاپ بەردى.

سونداي-اق، كەڭەستە كاسىپكەرلەر قۇقىعىنىڭ بۇزىلۋى، سىبايلاس جەمقورلىق جانە كۇشتەپ الۋشىلىق، سوت شەشىمدەرىنىڭ داۋلىلىعى سۇراقتارى تالقىلاندى. كەزدەسۋگە كەلگەن كولىك كاسىپورىندارىنىڭ وكىلدەرى ساندىق تاحوگرافتاردىڭ ەنگىزىلۋىمەن ورىن العان جاعداي جونىندە ايتتى. كاسىپكەرلەر پىكىرىنشە، كولىك ۆەدومستۆاسى وكىلدەرى مەن تاسىمالداۋشىلار اراسىندا كەلىسىلگەن شارالاردى قابىلداۋ تۋرالى بايلانىستىڭ بولماۋى تاسىمالداۋشىلار تاراپىنان ءماجبۇرلى قۇقىق بۇزۋشىلىقتاردىڭ كوبەيۋىنە اكەلىپ سوعىپ، سىبايلاس جەمقورلىقتىڭ ورىن الۋىنا جاعداي جاسالىپ وتىر. ءسوز بارىسىندا «اق جول» پارتياسىنىڭ وسى ماسەلەگە قاتىستى كولىك جانە كوممۋنيكاتسيا مينيسترلىگىمەن پىكىرتالاس جۇرگىزىپ جاتقاندىعى انىقتالدى، مينيسترلىك تاراپىنان رەسمي جاۋاپ تا كەلگەن جانە قازىرگى ۋاقىتتا پارتيانىڭ باس پروكۋراتۋراعا ۇندەۋى دايىندالۋدا. ازات پەرۋاشەۆ ايتىپ وتكەندەي، «ەركىن بيزنەس-كليماتتىڭ قالىپتاسۋى - پارتيانىڭ سايلاۋالدى تۇعىرناماسىنىڭ ماڭىزدى بولىگى جانە وسى باعىتتاعى پارتيانىڭ باستى مىندەتى - قوردالانىپ قالعان ماسەلەلەردى شەشۋ جانە بيزنەسپەن  اينالىسۋ ءۇشىن قالىپتى جاعداي جاساۋ».

«اقجولدىقتار» سايلاۋشىلاردى الداعى پارلامەنت ءماجىلىسى مەن بارلىق دەڭگەيدەگى ءماسليحات سايلاۋىندا داۋىس بەرۋگە بەلسەندى قاتىسۋعا شاقىردى.

سونىمەن قاتار، پارتيانىڭ رەسپۋبليكالىق سايلاۋالدى شتابىنىڭ مۇشەلەرى اعىمدىق ۇگىت-ناسيحات جۇمىستارى، بايقاۋشىلار جۇمىسىن ۇيىمداستىرۋ سۇراقتارى بويىنشا ايماقتىق ۇيلەستىرۋشىلەرمەن جۇمىس كەڭەسىن وتكىزدى.