2020 جىلدىڭ ەكىنشى توقسانىندا ەلىمىزدە 454 مىڭ جۇمىسسىز ادام تىركەلدى. بۇل 2019 جىلدىڭ ەكىنشى توقسانىمەن سالىستىرعاندا 2,8% كوپ. 

Finprom.kz-ءتىڭ مالىمەتىنشە، قازاقستانداعى جۇمىسسىزدىق دەڭگەيى 5% قۇرادى، ال ءبىر جىل بۇرىن 4,8% بولعان.

جۇمىسسىز قالعان ەر ادامدار سانى 216,3 مىڭدى، ايەلدەر سانى 237,7 مىڭدى قۇرادى. ەرلەر اراسىنداعى جۇمىسسىزدىق دەڭگەيى 4,6%، ايەلدەر اراسىندا 5,4%.

قالاعا قاراعاندا جۇمىسسىزدىق دەڭگەيى اۋىلدىق جەرلەردە تومەن. وسىلايشا، اۋىلدارداعى جۇمىسسىزدار سانى 174,7 مىڭ ادامدى، قالالاردا 279,2 مىڭ ادامدى قۇراپ وتىر.

ايماقتىق تۇرعىدان العاندا، جۇمىسسىزداردىڭ كوپ بولىگى ەلدىڭ وڭتۇستىك ايماقتارىندا تۇرادى: الماتى قالاسى، الماتى وبلىسى جانە تۇركىستان وبلىسى. الماتىدا 54 مىڭ جۇمىسسىز ادام بار، الماتى وبلىسى تۇرعىندارىنىڭ 49,4 مىڭى، تۇركىستان وبلىسى تۇرعىندارىنىڭ 42,3 مىڭى جۇمىسسىز.

Abai.kz