نۇرسۇلتان نازارباەۆ،  قر پرەزيدەنتى :«سايلاۋ ءادىل، اشىق بولىپ، ەشقانداي اكىمشىلىك ارالاسۋ بولماۋى ءتيىس!
الامان جارىستا ەشقانداي كولەڭكەسىز، ءبارىن زاڭمەن  جاساۋىمىز كەرەك. حالقىمىزدا «بەرەكە باسى-بىرلىك» دەگەن بار. سايلاۋ ەلىمىزدى اجىراتپاۋ كەرەك. ەلىمىزدىڭ بىرلىگىن نىعايتا ءتۇسۋ كەرەك. بارلىق پارتيالارعا ايتارىم، قانشا ءبىر-ءبىرىمىزدى سىناساق تا، ەلدىڭ بىرلىگىن، حالىقتىڭ تاتۋلىعىن، قازاقستاننىڭ ىشىندەگى تۇراقتىلىقتى ەڭ باستى ماقسات ەتىپ ۇستاۋىمىز كەرەك. بىرلىگىمىزدىڭ ارقاسى - بۇگىنگى تىرلىك.  بۇل ساياسي دودادا ەشكىمگە باسىمدىلىق جوق. سايلاۋ ءادىل، اشىق بولۋى شارت. ەشقانداي اكىمشىلىك ارالاسۋ بولماۋى ءتيىس!»

ەلباسىمىز «ءماجىلىس سايلاۋى ءادىل ءوتىپ، وعان ەشقانداي اكىمشىلىك ارالاسۋ اتىمەن بولماۋى ءتيىس!» دەپ، ايتۋدايىن-اق ايتىپ جاتىر.  بىراق، ءبىزدىڭ ەلدە ونى تىڭدامايتىندار، نەمەسە كەرىسىنشە ءتۇسىنىپ، كەرى ىقپال ەتەتىندەر دە بار ەكەن.

نۇرسۇلتان نازارباەۆ،  قر پرەزيدەنتى :«سايلاۋ ءادىل، اشىق بولىپ، ەشقانداي اكىمشىلىك ارالاسۋ بولماۋى ءتيىس!
الامان جارىستا ەشقانداي كولەڭكەسىز، ءبارىن زاڭمەن  جاساۋىمىز كەرەك. حالقىمىزدا «بەرەكە باسى-بىرلىك» دەگەن بار. سايلاۋ ەلىمىزدى اجىراتپاۋ كەرەك. ەلىمىزدىڭ بىرلىگىن نىعايتا ءتۇسۋ كەرەك. بارلىق پارتيالارعا ايتارىم، قانشا ءبىر-ءبىرىمىزدى سىناساق تا، ەلدىڭ بىرلىگىن، حالىقتىڭ تاتۋلىعىن، قازاقستاننىڭ ىشىندەگى تۇراقتىلىقتى ەڭ باستى ماقسات ەتىپ ۇستاۋىمىز كەرەك. بىرلىگىمىزدىڭ ارقاسى - بۇگىنگى تىرلىك.  بۇل ساياسي دودادا ەشكىمگە باسىمدىلىق جوق. سايلاۋ ءادىل، اشىق بولۋى شارت. ەشقانداي اكىمشىلىك ارالاسۋ بولماۋى ءتيىس!»

ەلباسىمىز «ءماجىلىس سايلاۋى ءادىل ءوتىپ، وعان ەشقانداي اكىمشىلىك ارالاسۋ اتىمەن بولماۋى ءتيىس!» دەپ، ايتۋدايىن-اق ايتىپ جاتىر.  بىراق، ءبىزدىڭ ەلدە ونى تىڭدامايتىندار، نەمەسە كەرىسىنشە ءتۇسىنىپ، كەرى ىقپال ەتەتىندەر دە بار ەكەن.

وڭتۇستىك قازاقستان وبلىسىندا «اق جول» پارتياسىنان وبلىستىق ماسليحاتقا 8 كانديدات تىركەلدى. وسىلاردىڭ ىشىندە وبلىس اكىمشىلىگىنە شاقىرىلىپ، «ءتۇسىندىرۋ» جۇمىستارىنان وتپەگەنى كەمدە-كەم. اڭگىمەنىڭ اۋانىن تۇسىنبەگەن، ياعني سايلاۋدان ءوز ەركىمەن باس تارتىپ، «ساموتۆوت»  الماعاندارمەن  وبلىس اكىمىنىڭ ورىنباسارلارى  «جەكە-جەكە» سويلەسەتىن كورىنەدى. «سايلاۋدان باس تارتپاساڭ، قىزمەتىڭنەن دە، بيزنەسىڭنەن دە ايرىلاسىڭ» دەگەن بوپسا تالايدى ساستىرىپ-اق تاستايتىن   سۇراق. «ەر بولساڭ، بوپساعا شىدا» دەگەن ءسوز وسىدان قالسا كەرەك.

ودان قالسا، وبلىستاعى سايلاۋ وكرۋگتەرىنىڭ كوبىسىندە اتتاس كانديداتتار ءورىپ ءجۇر... بەينەبىر ءبىر اتانىڭ بالالارى ءبىر اۋىزدان سايلاۋعا قاتىسۋعا شەشىم قابىلداعانداي... ول تۋرالى جەرگىلىكتى «رەيتينگ» گازەتى جەرىنە جەتكىزە جازدى دا... مىسالى، وبلىستىق ماسليحاتقا شىمكەنت قالاسىنداعى №1 وكرۋگتەن بارلىعى 7 ۇمىتكەر تىركەلسە، ولاردىڭ تورتەۋى اقىلبەك، ياعني 60 پايىزى «ءبىر اتانىڭ بالالارى» ەكەن...  سارىاعاش اۋدانىنداعى №41 سايلاۋ وكرۋگىنەن  تۇسىپ جاتقان، ىسكەرلىگىمەن ەلىمىزگە بەلگىلى وڭتۇستىك قازاقستان پوليتەحنيكالىق كوللەدجىنىڭ ديرەكتورى، وبلىستىق ءماسليحاتتىڭ دەپۋتاتى،  امانگەلدى سوپبەكوۆپەن  جۇمىسسىز ءادىل سوپبەكوۆ،  شىمكەنتتەگى №10 وكرۋگتەن تۇسكەن «ەرنۇر» كورپوراتسياسىنىڭ پرەزيدەنتى، وبلىستىق ءماسليحاتتىڭ  دەپۋتاتى ەرلان نۇرماحانوۆپەن 20 جاسار كۋرەر ارنۋر نۇرماحانوۆ، №11 وكرۋگتەگى بەدەلدى دەپۋتات،  وبلىستىق اۋرۋحانانىڭ باس دارىگەرى مۇقان ەگىزباەۆپەن مۇعالىم سەرىك ەگىزباەۆ باسەكەگە تۇسپەك...

سايلاۋدىڭ بۇنداي «وڭتۇستىكتىك» ءادىسىن وزگە وڭىردەگىلەر ەستىسە تاڭ-تاماشا قالارداي. تاپ ءبىر سايلاۋ كانديداتتارىن «جاساقتاۋدا» وبلىستىق تسون جۇمىس ىستەگەندەي...

سوندا دەيمىن-اۋ، «مەن نە دەيمىن، دومبىرام نە دەيدى؟»-دەگەندەي، وڭتۇستىكتەرگە پرەزيدەنتىمىز ن.نازارباەۆتىڭ سايلاۋعا ارالاسپاۋ تۋرالى تالابى، سايلاۋ زاڭى تۇك اسەر ەتپەيتىن بولعانى  ما؟