ءىس-شاراعا قر اقپارات جانە قوعامدىق دامۋ مينيسترلىگىنىڭ ەتنوسارالىق قاتىناستاردى دامىتۋ كوميتەتى توراعاسىنىڭ ورىنباسارى ەركىن ۇيسىمباەۆ، قر سىرتقى ىستەر مينيسترلىگى كونسۋلدىق قىزمەت دەپارتامەنتىنىڭ كەڭەسشىسى باۋىرجان توققۇلوۆ، «وتانداستار قورى» كەاق ۆيتسە-پرەزيدەنتى ماعاۋيا سارباسوۆ، وزبەكستانداعى قازاق مادەني ورتالىعىنىڭ توراعاسى سەرىكباي ۇسەنوۆ، قازاقستاننىڭ وزبەكستانداعى ەلشىلىگىنىڭ كەڭەسشىسى رۋسلان دۇيسەنوۆ، سونداي-اق وزبەكستانداعى قازاق قاۋىمىنىڭ وكىلدەرى جانە ت. ب. قاتىستى.

ءىس-شارا اياسىندا «Abai Uii» قازاق مادەني-ىسكەرلىك ءۇيىنىڭ تۇساۋكەسەرى ءوتتى، سونداي-اق وزبەكستانداعى قازاق قوعامداستىعىنىڭ مادەني، ىسكەرلىك جانە ءبىلىم بەرۋ قىزمەتىن قولداۋعا باعىتتالعان بىرلەسكەن جوبالاردى ىسكە اسىرۋ ماسەلەلەرى تالقىلاندى.

«وتانداستار قورى» كەاق شەتەلدە «Abai Uii» قازاق مادەني-ىسكەرلىك ۇيلەرىنىڭ جەلىسىن اشۋ جۇمىسىن جالعاستىرۋدا. وتكەن اپتادا ومبى قالاسىندا (رف) «Abai Uii» قازاق مادەني-ىسكەرلىك ءۇيىنىڭ اشىلۋى ۇيىمداستىرىلدى. اعىمداعى جىلدىڭ سوڭىنا دەيىن بىشكەك قالاسىندا (قىرعىزستان), بەرلين قالاسىندا (گەرمانيا), ىستامبۇل قالاسىندا (تۇركيا) تاعى 3 «Abai Uii» قازاق مادەني-ىسكەرلىك ءۇيىنىڭ اشىلۋى جوسپارلانىپ وتىر.