قازاقتى ءتىلى مەن دىنىنەن اجىراتا الماعان بيلىك جاڭا قۇيتىرقىعا كوشىپ، عاسىرلار بويى قالىپتاسقان دىلىمىزگە قارقىندى شابۋىل جاساۋ ناۋقانىن باستادى. سانى كوپ قازاق تىلدىلەردى قۇلدانۋ رۋحاني-مادەني ءۇشىن قارا ورىس ناسىلشىلدەرى بوقتىققا قۇرىلعان ازعىندىق سيپاتىنداعى قازاقى پوپمادەنيەت قالىپتاستىرۋدى قولعا الىپ، ءتۇرلى ۆايندار، مينيىنتەرنەت سەريالدار ءتۇسىرىپ، بار بيلىكتى الەۋمەتتىك جوبالارعا نەگىزدەلگەن ورتالىقتىڭ ديرەكتورى الەكساندر اكسيۋتيتستىڭ قولىنا بەرىپ قاراپ وتىر. 

«نەگە الەكساندر اكسيۋتيتس بۇل ورىنعا قونجيدى، ال، ەلگە تانىمال قازاق نەلىكتەن تاپ وسىنداي ۇلتتىق ماڭىزى بار جوباعا باسشىلىق ەتپەيدى؟» دەگەن ساۋال وزىنەن ءوزى تۋىندايدى. 

رەسمي بيلىك تاراپىنان «قازاق ۆاينەرلەرى مەن بلوگەرىنىڭ قۇدايى» دەپ تانىلعان الەكساندر اكسيۋتيتس كىم؟ ول قازاق ءۇشىن نە ءبۇلدىردى؟ دەگەن ساۋالدارعا جاۋاپ ىزدەپ كورەيىك. قازىرگى Salem Social Media باس ديرەكتورى – الەكساندر اكسيۋتيتس پرەزيدەنت ءباسپاسوز قىزمەتىندە ىستەگەن، «24 KZ»، «حابار»،  «ءبىلىم جانە مادەنيەت» ارنالارىن باسقارعان، كەزىندە «Nur Otan» پارتياسىنىڭ ءباسپاسوز قىزمەتىن اشسا الاقانىندا جۇمسا جۇدىرىعىندا ۇستانعان 38 جاستاعى «Nur Otan»-نىڭ سىننان وتكەن كادرلىق ءونىمى. قازاقتىڭ كوبىسىنىڭ تەلەديدار قارامايتىنىن ۇيالى شۇقىلايتىنىن بىلەتىن ەل كورگەن، جەر كورگەن جان. ونىسىن ءوز سۇحباتتارىندا جاسىرماي ءسوز ەتەدى.

ەندى قازاق تىلدىلەردى رۋحاني-مادەني قۇلدانۋ ءۇشىن قارا ورىس ناسىلشىلدەرى بوقتىققا قۇرىلعان ازعىندىق سيپاتىنداعى قازاقى پوپمادەنيەت قالىپتاستىرۋدى قولعا الىپ، ءتۇرلى ۆايندار، مينيىنتەرنەت سەريالدار ءتۇسىرۋ ناۋقانىنىڭ كورىگىن قىزدىرۋشى رەتىندە قازاققا ۇكىلەپ ۇسىنىپ وتىر. وسى جولدا ساشوك تىندىرعان ءىس قازاق ءتىلدى قوعامدى ءدۇر سىلكىندىردى. 

10 سەكۋندتا 5 رەت بوقتايتىن قازاق سەريالى 57 ملن رەت قارالعان دەگەن حاباردى zakon.kz جۇرتقا تاراتتى.

ول ءبىرىنشى ەۋروازيا ارناسىندا ايبەك قوساننىڭ 4 مينۋتتىق بەينەحابارىنا ارقاۋ بولدى.

بەينەحاباردا قوعام بەلسەندىسى، "قارا شاڭىراق" قوعامدىق بىرلەستىگىنىڭ توراعاسى تۇرار ساتتارقىزى، قر پارلامەنتى سەناتىنىڭ دەپۋتاتى مۇرات باقتيارۇلى جانە قر اقپارات جانە قوعامدىق دامۋ مينيسترلىگىنىڭ رەسمي وكىلى ماكسيم روجيندەر ءبىز وسىنداي جوبالاردى بەيادەپ، بەيپىل سوزدەردەن الىستاۋ بولعانعا شاقىرامىز دەپ ءوز ءۋاجدى پىكىرلەرىن بىلدىرسە، كەرىسىنشە Salem Social Media باس ديرەكتورى – الەكساندر اكسيۋتيتس:

- ءبىز اۋديتوريا قانداي تىلدە سويلەسە سوعان بەيىمدەلە وتىرىپ ماتەريال ۇسىنامىز. كوپ ادامدار اقپارات قۇرالدارىن قوعامعا تەرىس اسەر ەتەدى دەپ كىنالايدى. قوعام قاراڭعى بولىپ بارا جاتىر دەيدى. تاربيە وتباسىندا بەرىلەدى. ەگەر بالالارى بوقاۋىز بولىپ وسسە وندا اتا-انانىڭ ءوزى كىنالى. ءبىز قوعامنىڭ ايناسىمىز. قازىر ابايدىڭ تىلىمەن جازساڭ ەشكىم كورمەيدى. سوندىقتان ءبىز بۇقارانىڭ ءوز تىلىندە سويلەيمىز، - دەيدى.

سوندا ۆاينپايعامبارىنا، مينيتوپتاما تاڭىرىنە اينالعان ساشوك بىزگە قاي بۇقارانىڭ ءتىلىن ايتىپ وتىر. 

«YouTube» بەينەحوستينگىسىندە الەم جۇرتشىلىعىنىڭ 60%-ى ساۋىق-سايراندىق، قالعان 40 %-ى تانىمدىق روليكتەر مەن ساناعا وي سالار دۇنيەلەردى كورەدى ەكەن. بىزدە شە، وزگە تىلدىلەر شايناپ بەرگەن دۇنيەلەردى كورىپ، سىباي بوقتاپ جۇرە بەرەمىز بە. الدە ورىس تىلدىلەر ارالاستىرىلمايتىن قازاق ءتىلدى مەدياجوبالارعا قول جەتكىزەمىز بە؟ 

وسى ورايدا قازاق قاشان ءوز انا تىلىندە «YouTube» بەينەحوستينگىسىندە 40%-ى ساۋىق-سايراندىق، قالعان 60%-ى تانىمدىق روليكتەر مەن ساناعا وي سالار دۇنيەلەردى وزگەنىڭى ارالاسۋىنسىز ءوز بەتىمەن ومىرگە اكەلۋگە جەتىسەدى دەگەن وي تۋىندايدى ەكەن. وعان قارا ورىس ناسىلشىلدەرى مۇمكىندىك بەرە مە، جوق پا!؟

بۇل الەكساندر اكسيۋتيتس قازاق نامىسىن تاپتاپ اتىن شىعارۋدى ماقسات ەتكەن الدەقانداي دومبىرا سىندىرۋشى، تۋدى تاپتاۋشى ازعىن بىرەۋ ەمەس، قازاق وركەنيەتىنىڭ ءتۇپ اسىلىنا بالتا شابۋشى دەپ سانايمىز. وعان توقتاۋ سالىپ بۇنداي قىزمەتتەن مۇلدەم شەتتەتپەسەك، ەلدىگىمىزگە سىن!

ءابىل-سەرىك الياكبار

Abai.kz