ءامىرجان قوسانوۆ: «...بۇل پارتيانى قارالاۋ پيار-اكتسياسى بولۋى مۇمكىن»
ءامىرجان قوسانوۆ، جالپىۇلتتىق سوتسيال-دەموكراتيالىق پارتياسىنىڭ رەسپۋبليكالىق سايلاۋ شتابىنىڭ جەتەكشىسى
- سايلاۋدى الدى كامپانيا قالاي ءوتىپ جاتىر؟
- مۇنداي ناۋقاننىڭ تالايىن باستان وتكىزدىك قوي. «بۇدان دا قيىن كەزدە تويعا بارعانبىز» (كۇلەدى). بىراق بۇل سايلاۋ- ەرەكشە سايلاۋ، ويتكەنى تاياۋ اراداعى ەل دامۋىنىڭ ەڭ ماڭىزدى زاڭدارىن وسى ءماجىلىستىڭ جاڭا قۇرامى قابىلداۋى ءتيىس.
ءوزىمىز سىناپ جۇرگەن ورتالىق سايلاۋ كوميسسياسىنىڭ مالىمەتى بويىنشا، وتكەن ءماجىلىس سايلاۋىندا رەسمي تۇردە ەكىنشى ورىن العان پارتيانىڭ ناۋقانى قانداي بولماقشى ەدى؟ ارينە، كەم دەگەندە سول ورىنعا لايىق جۇرەدى. بارلىق وبلىس پەن ۇلكەن قالالاردا شتاب قۇردىق. وندا ازاماتتار كۇنى-ءتۇنى جۇمىس جاساۋدا. ءبىر قۋانتارلىعى، جاستار كوپ كەلىپ، كومەكتەسىپ جاتىر. تورالقا قۇرامىنداعى تانىمال تۇلعالار توپ-توپ بولىپ، وبلىستاردى ارالاپ ءجۇر.
باستى ماسەلەنىڭ ءبىرى - داۋىس بەرۋ جانە ساناۋدى كۇشتى باقىلاۋعا الۋ. ول جاعىن دا ۇيىمداستىرىپ جاتىرمىز.
- وبلىستىق مۇشەلەرىڭىز نەگە اياق استىنان وزگە پارتياعا ءوتىپ كەتتى؟
- 250 مىڭ مۇشەسى بار ۇيىمنان ءۇش ادام شىقسا دا، ءبىز ءۇشىن بۇل ۇلكەن ماسەلە. ويتكەنى، ءبىز ءۇشىن ءاربىر مۇشەمىزدىڭ پىكىرى اسا ماڭىزدى! بىراق وسى جولعى پارتيادان شىعۋدىڭ ءبىر قۇيتىرقىلىعى بولىپ تۇرعانى.
ءامىرجان قوسانوۆ، جالپىۇلتتىق سوتسيال-دەموكراتيالىق پارتياسىنىڭ رەسپۋبليكالىق سايلاۋ شتابىنىڭ جەتەكشىسى
- سايلاۋدى الدى كامپانيا قالاي ءوتىپ جاتىر؟
- مۇنداي ناۋقاننىڭ تالايىن باستان وتكىزدىك قوي. «بۇدان دا قيىن كەزدە تويعا بارعانبىز» (كۇلەدى). بىراق بۇل سايلاۋ- ەرەكشە سايلاۋ، ويتكەنى تاياۋ اراداعى ەل دامۋىنىڭ ەڭ ماڭىزدى زاڭدارىن وسى ءماجىلىستىڭ جاڭا قۇرامى قابىلداۋى ءتيىس.
ءوزىمىز سىناپ جۇرگەن ورتالىق سايلاۋ كوميسسياسىنىڭ مالىمەتى بويىنشا، وتكەن ءماجىلىس سايلاۋىندا رەسمي تۇردە ەكىنشى ورىن العان پارتيانىڭ ناۋقانى قانداي بولماقشى ەدى؟ ارينە، كەم دەگەندە سول ورىنعا لايىق جۇرەدى. بارلىق وبلىس پەن ۇلكەن قالالاردا شتاب قۇردىق. وندا ازاماتتار كۇنى-ءتۇنى جۇمىس جاساۋدا. ءبىر قۋانتارلىعى، جاستار كوپ كەلىپ، كومەكتەسىپ جاتىر. تورالقا قۇرامىنداعى تانىمال تۇلعالار توپ-توپ بولىپ، وبلىستاردى ارالاپ ءجۇر.
باستى ماسەلەنىڭ ءبىرى - داۋىس بەرۋ جانە ساناۋدى كۇشتى باقىلاۋعا الۋ. ول جاعىن دا ۇيىمداستىرىپ جاتىرمىز.
- وبلىستىق مۇشەلەرىڭىز نەگە اياق استىنان وزگە پارتياعا ءوتىپ كەتتى؟
- 250 مىڭ مۇشەسى بار ۇيىمنان ءۇش ادام شىقسا دا، ءبىز ءۇشىن بۇل ۇلكەن ماسەلە. ويتكەنى، ءبىز ءۇشىن ءاربىر مۇشەمىزدىڭ پىكىرى اسا ماڭىزدى! بىراق وسى جولعى پارتيادان شىعۋدىڭ ءبىر قۇيتىرقىلىعى بولىپ تۇرعانى.
ول ازاماتتار الدىمەن بىزگە كەلىپ، ءبىزدىڭ جۇمىسىمىزعا كوڭىلدەرى تولمايتىنىن نەگە ايتپايدى؟ ارىپتەستەر بولسا، ءسويتۋ كەرەك ەمەس پە؟ نەلىكتەن تالدىقورعاندا پارتيامىزدىڭ باسقا دا مۇشەلەرىن جيناپ، جيىلىس وتكىزبەيدى؟ نە سەبەپتى بىردەن الماتىنىڭ تورىندە، ەكىنىڭ ءبىرى ءماجىلىس وتكىزۋگە شاماسى كەلمەيتىن ورتالىق ءباسپاسوز كلۋبىندا شۋ كوتەرەدى؟ جانە ونى جەردەن جەتى قويان تاپقانداي، «ءسۇيىنشى سۇراعانداي» بارلىق مەملەكەتتىك تەلەرارنالار نەگە جارىسا كورسەتەدى؟ شىنىمەن ءوز پارتياسىنا جانى اشىسا، سايلاۋعا ساناۋلى كۇن قالعاندا، وسىلايشا وزدەرى سۋ ىشكەن قۇدىققا تۇكىرەر مە ەدى؟
وسىدان كەيىن مەن: «وسى قادامنىڭ استارىندا تاپسىرىس بويىنشا جاسالعان جسدپ-نى قارالاۋدىڭ پيار-اكتسياسى جوق» دەسەم، باسقانى ايتپاعاندا، ءسىز دە سەنبەيتىن شىعارسىز...
- ولاردىڭ پارتيا ىسىنە جانە باسشىلىعىنا قاتىستى ايتقاندارىنا نە دەيسىز؟
- بىرىنشىدەن، ءبىزدى «كوسەمشىلدىككە سالىنعان، جەكە باستارىن ناسيحاتتاپ جاتىر» دەگەن سىڭايدا سىن ايتادى. ءبىزدىڭ پارتيا تورالقاسىن الىپ قاراساڭىز، ارقايسىسى «سەن تۇر، مەن اتايىن» دەيتىندەي ازاماتتار، ەلگە تانىمال تۇلعالار. ارينە، ولار ءجيى كوزگە تۇسەدى، جۋرناليستەردىڭ ساۋالدارىنا جاۋاپ بەرەدى، باق-تا ءجيى كورىنەدى. بالكىم، سونى ايتقان شىعار. ايتپەسە، پارتياداعى كەز كەلگەن ساياسي شەشىم 52 ادامنان تۇراتىن ساياسي كەڭەستە تالقىلانعاننان كەيىن عانا قابىلدانادى. سوندىقتان بىزدە «كوسەمشىلدىك» دەگەننىڭ ورىن الۋىنىڭ ءوزى قيىن.
مەن تۋرالى دا ايتىپتى. راس، وبلىستىق فيليال جەتەكشىسى بولعان ايشىمباەۆ مىرزاعا جۇمىسىنا بايلانىستى تالاي رەت سىن ايتقانبىز. «كوش جۇرە تۇزەلەر»، دەپ ءۇمىت ارتتىق. الايدا، جۇمىس ماڭدىماي قويدى. زاماناۋي ءادىس-تاسىلدەر يگەرىلمەدى، جاستارمەن جۇمىس جۇرگىزىلمەدى. ەڭ اياعىندا، وسىدان ەكى جىل بۇرىن، وبلىستىق كونفەرەنتسيادا ول ءتيىستى قولداۋ الا المادى. بىراق سول ماسقاراعا قاراماستان ءبىز: «قاسىمىزدا قيىن كەزدە تابىلعان ازامات قوي. سىرتقا تەپپەيىك» دەپ وعان تاعى دا مۇمكىندىك بەردىك. بىراق ەشقانداي ناتيجە بولماعان سوڭ، وسى جىلدىڭ جازىندا ونى جۇمىستان شىعارۋعا ءماجبۇر بولدىق. ورنىنا ەلگە تانىمال، رەسپۋبليكالىق فەرمەرلەر اسسوتسيايتسياسىن باسقارعان عالىم، ۇستاز، ەكونوميكا عىلىمىنىڭ كانديداتى قۇدايبەرگەنوۆ تۇراربەك اعامىزدى ۇسىندىق. ول كىسى كەلگەلى جاستار قاتارى مولايا باستادى. جۇمىستا جاڭاشىلدىق پايدا بولدى.
- جاڭاوزەن وقيعاسىنا بايلانىستى قۇرىلعان كوميسسيا جۇمىسى قالاي ءجۇرىپ جاتىر؟
- تاۋەلسىز قوعامدىق كوميسسيا (تقك) ءوز جوسپارىمەن جۇمىس جاساۋدا. ماڭعىستاۋعا بارىپ كەلدىك، بىراق باسقالارعا جول اشىق بولسا دا، تقك مۇشەلەرىن جاڭاوزەنگە كىرگىزبەدى. توتەنشە جاعداي تاعى دا ۇزارتىلدى، ەندى ءبىز تاعى دا جاڭاوزەنگە بارماقشىمىز. ول تۋرالى وبلىس اكىمى مەن جاڭاوزەن كومەندانتىنا ءتيىستى حات جولدادىق. ازىرشە جاۋاپ جوق.
اقتاۋدا جەرگىلىكتى ازاماتتاردىڭ كومەگىمەن تقك-نىڭ ايماقتىق ورتالىعىن اشتىق. ونداعى ارىپتەستەر ءتيىستى ماتەريالداردى جيناستىرۋ ۇستىندە. جاڭاوزەندە ءىستى بولىپ، تەرگەۋدە جاتقان ادامداردى قورعاۋ ءۇشىن الماتىدان قورعاۋشىلاردى جىبەرىپ جاتىرمىز.
حالىقارالىق ۇيىمداردىڭ كوبى استانادا. سولارمەن جۇمىس جۇرگىزۋدى قولعا العان ءبىر توپ سول قالادا جۇمىس جاساۋدا.
سىزدەردىڭ سايتتارىڭىز ارقىلى جاڭاوزەن تراگەدياسى تۋرالى قانداي دا ءبىر مالىمەتى بار ادامداردى بىزبەن حابارلاسۋىن وتىنەمىز. ول ءبىر كوميسسيانىڭ ەمەس، بارشامىزدىڭ مىندەتىمىز!
- اڭگىمەڭىزگە راحمەت!
«اباي-اقپارات»
