.png)
ساياساتكەر بىردەن الاڭعا بارىپ، ميتينگكە قاتىسۋشىلار الدىندا ءسوز سويلەدى. ول ءوزىن بوساتقاندارعا العىسىن جەتكىزدى.
«مەن ءۇش جارىم جىل تۇرمەدە وتىردىم. سىزدەردىڭ ارقاڭىزدا بوستاندىققا شىقتىم. ءبىز ءبىر نارسەنى ەسكە ساقتايىق: قىرعىزبىز با، ورىسپىز با، وزبەكپىز بە، ءبارىمىز ءبىر ەلدە تۇرىپ جاتىرمىز! ءبارىن زاڭ اياسىندا شەشەيىك. قازىر تاراۋىمىز كەرەك. كۇشپەن ەشتەڭە شەشپەيمىز. ءبارىبىر زاڭسىز بولادى»، - دەدى ەكس-دەپۋتات.
سونىمەن بىرگە قىرعىزستاننىڭ بۇرىنعى پرەمەر-ءمينيسترى ساپار يساكوۆتى دا حالىق بوساتىپ الدى.
ونىڭ ادۆوكاتى زامير جووشەۆتىڭ سوزىنشە، ونى ساياساتكەردىڭ جاقتاستارى بوساتىپ العان.
«زاڭعا سايكەس، جاقىن ۋاقىتتا سوت ساپار يساكوۆ پەن المازبەك اتامباەۆتىڭ ىستەرىن قايتا قاراپ، ولاردى اقتاۋى ءتيىس. ءبارى زاڭ اياسىندا بولۋى ءتيىس»، - دەدى زاڭگەر.
تاعى ءبىر ەكس-دەپۋتات راۆشان جەەنبەكوۆتىڭ بوساتىلعانى جونىندە ۇلى ازات «Twitter» پاراقشاسىنا جازدى.
