الماتى. 9 قاڭتار. قازتاگ - ءمادينا ءالىمحانوۆا. جاڭاوزەندەگى توتەنشە جاعدايدى الىپ تاستاۋ كەرەك، دەپ ەسەپتەيدى ماڭعىستاۋداعى وقيعالاردى تەرگەۋ جونىندەگى تاۋەلسىز قوعامدىق كوميسسيانىڭ (تقك) مۇشەلەرى.

«جاڭاوزەندەگى ءومىر بىرقالىپتى جانە تىنىش، ەشقانداي قوسىمشا رەگلامەنتاتسيا مەن ساياسي جانە ازاماتتىق قۇقىقتاردى شەكتەۋدىڭ قاجەتى جوق. ءبىز جاڭاوزەندەگى توتەنشە جاعدايدى الىپ تاستاۋدى، ۇستالعانداردى بوساتۋدى تالاپ ەتەمىز، ايماق قالىپتى ومىرىنە ورالۋعا ءتيىس»، - دەلىنگەن تقك-نىڭ دۇيسەنبى كۇنى تاراتقان حابارلاماسىندا.

دەگەنمەن، ماڭعىستاۋ وبلىسىنا بارىپ كەلگەن تقك مۇشەسى بولات ابىلەۆتىڭ مالىمدەۋىنشە، كوميسسيا مۇشەلەرىنىڭ ۇستالعاندارمەن، قازا بولعانداردىڭ تۋىستارىمەن، اۋرۋحانادا جاتقان جارالانعاندارمەن كەزدەسۋ نەمەسە قانداي دا ءبىر بۇقارالىق شاراعا قاتىسۋ مۇمكىندىگى بولعان جوق.

«بىزگە دىبىس جازۋعا، بەينەگە جانە سۋرەتكە تۇسىرۋگە تىيىم سالىندى. تەرگەۋشى كەلىپ، ءبارىن ايتىپ بەرەتىنىن، وقيعا بولعان جەرگە اپاراتىن اۆتوبۋسقا وتىرعىزاتىندارىن ايتتى»، - دەپ تولىقتىردى تقك مۇشەسى، Guljan.org سايتىنىڭ باس رەداكتورى گۇلجان ەرعاليەۆا دۇيسەنبى كۇنى ءباسپاسوز ءماسليحاتىندا.

ب. ابىلەۆتىڭ ايتۋىنشا، ماڭعىستاۋ وبلىسىنىڭ اكىمى باۋىرجان مۇحامەدجانوۆ كوميسسيا مۇشەلەرىمەن اڭگىمە بارىسىندا رەسمي مالىمەتتەردى عانا جاريالادى.

الماتى. 9 قاڭتار. قازتاگ - ءمادينا ءالىمحانوۆا. جاڭاوزەندەگى توتەنشە جاعدايدى الىپ تاستاۋ كەرەك، دەپ ەسەپتەيدى ماڭعىستاۋداعى وقيعالاردى تەرگەۋ جونىندەگى تاۋەلسىز قوعامدىق كوميسسيانىڭ (تقك) مۇشەلەرى.

«جاڭاوزەندەگى ءومىر بىرقالىپتى جانە تىنىش، ەشقانداي قوسىمشا رەگلامەنتاتسيا مەن ساياسي جانە ازاماتتىق قۇقىقتاردى شەكتەۋدىڭ قاجەتى جوق. ءبىز جاڭاوزەندەگى توتەنشە جاعدايدى الىپ تاستاۋدى، ۇستالعانداردى بوساتۋدى تالاپ ەتەمىز، ايماق قالىپتى ومىرىنە ورالۋعا ءتيىس»، - دەلىنگەن تقك-نىڭ دۇيسەنبى كۇنى تاراتقان حابارلاماسىندا.

دەگەنمەن، ماڭعىستاۋ وبلىسىنا بارىپ كەلگەن تقك مۇشەسى بولات ابىلەۆتىڭ مالىمدەۋىنشە، كوميسسيا مۇشەلەرىنىڭ ۇستالعاندارمەن، قازا بولعانداردىڭ تۋىستارىمەن، اۋرۋحانادا جاتقان جارالانعاندارمەن كەزدەسۋ نەمەسە قانداي دا ءبىر بۇقارالىق شاراعا قاتىسۋ مۇمكىندىگى بولعان جوق.

«بىزگە دىبىس جازۋعا، بەينەگە جانە سۋرەتكە تۇسىرۋگە تىيىم سالىندى. تەرگەۋشى كەلىپ، ءبارىن ايتىپ بەرەتىنىن، وقيعا بولعان جەرگە اپاراتىن اۆتوبۋسقا وتىرعىزاتىندارىن ايتتى»، - دەپ تولىقتىردى تقك مۇشەسى، Guljan.org سايتىنىڭ باس رەداكتورى گۇلجان ەرعاليەۆا دۇيسەنبى كۇنى ءباسپاسوز ءماسليحاتىندا.

ب. ابىلەۆتىڭ ايتۋىنشا، ماڭعىستاۋ وبلىسىنىڭ اكىمى باۋىرجان مۇحامەدجانوۆ كوميسسيا مۇشەلەرىمەن اڭگىمە بارىسىندا رەسمي مالىمەتتەردى عانا جاريالادى.

«شەنەۋنىكتەرمەن ۇزاق اڭگىمە جاڭا اقپارات الۋعا مۇمكىندىك بەرمەدى. ولار تەك ادەتتەگى رەسمي جاۋاپ قايتاردى. جاڭاوزەندە 16 ادام قازا بولىپ، 100 شاقتى ادام جاراقات الدى، شەتپەدە 1 ادام قازا بولىپ، 12 ادام جارالاندى. ءىز-ءتۇسسىز جوعالعاندار جوق، قاماۋعا الۋدىڭ نەمەسە تەرگەۋ جۇرگىزۋدىڭ زاڭسىز ادىستەرى تىركەلگەن جوق»، - دەلىنگەن تقك ءباسپاسوز حابارلاماسىندا.

كوميسسيانىڭ اقپاراتىنا سايكەس، «ۇستالعاندار اۋىر جاعدايدا وتىر، ولار ءۇشىن تۋىستارى مەن ادۆوكاتتارمەن كەزدەسۋ شەكتەلگەن».

«ءبىز شەتپەگە كەلگەندە 25-30 تۇرعىنمەن كەزدەستىك. ولار ءبارىن ايتىپ بەردى. ول اڭگىمەنىڭ تولىق جازباسى بار»، - دەدى گ. ەرعاليەۆا.

ەسكە سالا كەتەيىك، 16 جەلتوقساندا جاڭاوزەندە جاپپاي تارتىپسىزدىكتەر ورىن الدى. 17 جەلتوقساندا شەتپە ستانتسياسىنداعى تارتىپسىزدىكتەرگە توسقاۋىل قويىلدى.

سوڭعى مالىمەتتەرگە سايكەس، ماڭعىستاۋ وبلىسىنىڭ جاڭاوزەن قالاسىندا جانە شەتپە ستانتسياسىنداعى تارتىپسىزدىكتەر كەزىندە 17 ادام قازا بولدى.

ءىىم اقپاراتىنا سايكەس، جاڭاوزەندەگى جاپپاي تارتىپسىزدىكتى ۇيىمداستىرعان جانە وعان بەلسەندى ءتۇردى قاتىسقان 40 ادام انىقتالدى، ونىڭ 18-ءى قاماۋعا الىندى. شەتپە اۋىلىنداعى وقيعادان كەيىن 10 ادام قاماۋعا الىندى. 16-18 جەلتوقساندا ءتۇرلى جاراقاتتار العان پوليتسيانىڭ 35 قىزمەتكەرى مەديتسينالىق كومەككە جۇگىندى.

قر پرەزيدەنتىنىڭ جارلىعىمەن جاڭاوزەندە 2012 جىلدىڭ 5 قاڭتارىنا دەيىن توتەنشە جاعداي ەنگىزىلدى. 4 قاڭتاردا پرەزيدەنتتىڭ جارلىعىمەن تج 31 قاڭتارعا دەيىن ۇزارتىلدى.