الماتى. 18 مامىر. قازتاگ – حالىقارالىق ۆاليۋتا قورىنىڭ (حۆق) ميسسياسى قازاقستان ۇلتتىق بانكىنىڭ ايىرباستاۋ كۋرسى جانە اقشا-نەسيەلىك رەتتەۋ سالاسىنداعى ساياساتىن تابىستى ءارى ورىندى دەپ ەسەپتەيدى. دۇيسەنبى كۇنى ۇلتتىق بانكتىڭ سايتىندا جارىق كورگەن «حۆق ميسسياسىنىڭ الدىن الا قورىتىندىلارىندا» وسىنداي پىكىر ايتىلعان.
«اقپان ايىندا جۇرگىزىلگەن تەڭگەنىڭ دەۆالۆاتسياسىنان كەيىن ينفلياتسيانى ۇستاپ تۇرۋ تابىستى جۇزەگە اسىرىلۋدا جانە ءبىز قازىرگى ۋاقىتتا جۇرگىزىلىپ وتىرعان اقشا-نەسيەلىك ساياساتتىڭ كۋرسىن ورىندى دەپ سانايمىز. تومەن سۇرانىس جاعدايىندا ينفلياتسيا جىل سوڭىنا قاراي 9 پايىز دەڭگەيىندە بولىپ، كەيىن 2010 جىل بويى بىرتە-بىرتە تومەندەيدى دەپ بولجايمىز … ايىرباستاۋ كۋرسىنىڭ ساياساتى سالاسىندا ءبىز قارجى سەكتورىنىڭ پروبلەمالارى شەشىمىن تاپقانشا، بۇرىنعىداي اقش دوللارىنا بايلانىستىرۋدى ورىندى دەپ ەسەپتەيمىز»، - دەلىنگەن الگى قۇجاتتا.
ەكونوميكاداعى احۋال جاقسارعان سايىن ەكونوميكالىق رەتتەۋدى جۇمسارتۋعا العىشارتتار پايدا بولادى.

الماتى. 18 مامىر. قازتاگ – حالىقارالىق ۆاليۋتا قورىنىڭ (حۆق) ميسسياسى قازاقستان ۇلتتىق بانكىنىڭ ايىرباستاۋ كۋرسى جانە اقشا-نەسيەلىك رەتتەۋ سالاسىنداعى ساياساتىن تابىستى ءارى ورىندى دەپ ەسەپتەيدى. دۇيسەنبى كۇنى ۇلتتىق بانكتىڭ سايتىندا جارىق كورگەن «حۆق ميسسياسىنىڭ الدىن الا قورىتىندىلارىندا» وسىنداي پىكىر ايتىلعان.
«اقپان ايىندا جۇرگىزىلگەن تەڭگەنىڭ دەۆالۆاتسياسىنان كەيىن ينفلياتسيانى ۇستاپ تۇرۋ تابىستى جۇزەگە اسىرىلۋدا جانە ءبىز قازىرگى ۋاقىتتا جۇرگىزىلىپ وتىرعان اقشا-نەسيەلىك ساياساتتىڭ كۋرسىن ورىندى دەپ سانايمىز. تومەن سۇرانىس جاعدايىندا ينفلياتسيا جىل سوڭىنا قاراي 9 پايىز دەڭگەيىندە بولىپ، كەيىن 2010 جىل بويى بىرتە-بىرتە تومەندەيدى دەپ بولجايمىز … ايىرباستاۋ كۋرسىنىڭ ساياساتى سالاسىندا ءبىز قارجى سەكتورىنىڭ پروبلەمالارى شەشىمىن تاپقانشا، بۇرىنعىداي اقش دوللارىنا بايلانىستىرۋدى ورىندى دەپ ەسەپتەيمىز»، - دەلىنگەن الگى قۇجاتتا.
ەكونوميكاداعى احۋال جاقسارعان سايىن ەكونوميكالىق رەتتەۋدى جۇمسارتۋعا العىشارتتار پايدا بولادى.
«ەكونوميكالىق ساياساتتى ارى قاراي ليبەراليزاتسيالاۋ ءۇشىن مۇمكىندىكتەردىڭ پايدا بولۋى ىقتيمال; بىراق ىشكى دەپوزيتتەردى قولداپ، بانكتەرگە قارجىلاندىرۋدىڭ تۇراقتى كەزەڭىنە اۋىسۋعا كومەكتەسۋ ءۇشىن ناقتى پايىزدىق مولشەرلەمەلەردى وڭ دەڭگەيدە ۇستاپ تۇرعان ماڭىزدى … مۇناي باعاسىنىڭ بيىلعى جىلدىڭ باسىنداعىمەن سالىستىرعاندا قىمباتتاعانىن، تىكەلەي شەتەلدىك ينۆەستيتسيالاردىڭ، اسىرەسە ەنەرگەتيكا سالاسىندا جوعارى دەڭگەيدە ساقتالۋىن، سونداي-اق، ەكى جاقتى نەگىزدە جاڭا قارجىلاندىرۋدىڭ پايدا بولۋىن ەسكەرگەندە، ءارى بانك سەكتورىنا دەگەن سەنىمنىڭ سەيىلىپ كەتپەۋىنە بايلانىستى الداعى كەزەڭدە ۆاليۋتا نارىعىنداعى قارجى اعىندارى تەڭگەرىلۋى ءتيىس»، - دەلىنگەن حۆق «قورىتىندىلارىندا».
حۆق ميسسياسى ورتا مەرزىمدى پەرسپەكتيۆادا اقش دوللارىنا بايلانىستىرۋ ساياساتى بىرقاتار كەمشىلىكتەرگە يە ەكەنىن اتاپ كورسەتەدى. بىراق قۇبىلمالى كۋرسقا اۋىسقاندا بانكتەردىڭ بالانستارىن نىعايتىپ، بارلىق ۆاليۋتالىق تاۋەكەلدەردى ساقتاندىرۋ قاجەت.
«دوللارعا بايلانىستىرۋ قاجەتتى تۇراقتىلىقتى قامتاماسىز ەتەدى، بىراق ىسكەرلىك بەلسەندىلىكتىڭ ىشكى تسيكلى اقش-تاعى تسيكلمەن ۇيلەستىرىلمەگەن جاعدايدا، ول بىرقاتار كەمشىلىكتەرگە يە. يىلگىش كۋرس اقشا-نەسيەلىك ساياساتتىڭ تيىمدىلىگىن ارتتىرىپ، ساقتاندىرىلماعان ۆاليۋتالىق تاۋەكەلدەردىڭ ارتۋىن توقتاتار ەدى. سونىمەن قاتار، ەكونوميكاعا بيرجالىق تاۋارلاردىڭ قۇنىنىڭ قۇبىلۋىنا ءۇن قاتۋعا مۇمكىندىك بەرەدى، بىراق بۇل سالادا تۇزەتۋدىڭ جۇگى بيۋدجەتتىك ساياساتقا ارتىلۋى ءتيىس. ايىرباستاۋ كۋرسىنىڭ رەجيمىن وزگەرتۋگە دايىندالۋ ءۇشىن پرۋدەنتسيالدى نورماتيۆتەردى قايتا قاراعاننان باسقا، بالانستاردى نىعايتۋ جونىندەگى شارالاردى قابىلداۋ قاجەت»، - دەپ اتاپ كورسەتەدى حالىقارالىق ۇيىمنىڭ ساراپشىلارى.
قازىر بيۋدجەتتىك ساياسات ەكونوميكاعا ايتارلىقتاي قولداۋ كورسەتىپ وتىر، ال ەگەر قۇلدىراۋ جالعاساتىن بولسا، مەملەكەت حالىقتى الەۋمەتتىك تۇرعىدان قورعاۋدى نىعايتۋعا ءتيىس.
«مەملەكەتتىك قارىزدىڭ تومەن دەڭگەيى جانە قارجىلاندىرۋعا جەدەل يە بولۋدىڭ مۇمكىندىگى ۇكىمەتكە اۆتوماتتى فيسكالدى تۇراقتاندىرعىشتاردى نەگىزدى تۇردە ىسكە قوسىپ، شىعىنداردى قىسقارتۋعا مۇمكىندىك بەرەدى. دەگەنمەن، بيىل داعدارىسقا قارسى جوسپار مەن بيۋدجەت شەڭبەرىندە ءبولىنىپ جاتقان قارجىنىڭ كولەمىن ەسكەرگەندە، قازىرگى ۋاقىتتا وسى شىعىنداردى ءتيىمدى جۇزەگە اسىرۋعا نازار اۋدارۋ قاجەت… كەز-كەلگەن قوسىمشا شىعىن الەۋمەتتىك قورعاۋ جۇيەسىن نىعايتۋعا جانە ينفراقۇرىلىم، دەنساۋلىق ساقتاۋ، ءبىلىم سياقتى دامۋدىڭ نەگىزگى سالالارىنا شوعىرلاندىرىلۋى ءتيىس. الايدا قازىرگى قۇلدىراۋ السىرەگەن كەزدە مۇناي ەمەس سەكتور بيۋدجەتىنىڭ دەفيتسيتىن تومەندەتۋ جانە مۇناي قورىنداعى قارجى رەسۋرستارىن جيناقتاۋدى قايتا جانداندىرۋ ءۇردىسىن قامتاماسىز ەتۋ قاجەت»، - دەلىنگەن قۇجاتتا.
«ءبىز جاڭا جۇمىس ورىندارىن قۇرۋ باعىتىنداعى ارەكەتتەردى قولداۋ ماقساتىندا كاسىپورىندار ءۇشىن، اسىرەسە شاعىن جانە ورتا كاسىپورىندارعا اكىمشىلىك جۇكتەمەنى تومەندەتۋ نيەتىن قولدايمىز. الەۋمەتتىك قورعاۋ جۇيەسىن نىعايتۋمەن قاتار، قايتا دايارلاۋ باعدارلامالارىن كەڭەيتۋ باستامالارى جۇمىستان شىعارىلعان جۇمىسكەرلەردىڭ بەيىمدەلۋ پروبلەمالارىن جەڭىلدەتۋگە مۇمكىندىك بەرەدى»، - دەپ اتاپ كورسەتىلگەن قۇجاتتا.