قازاقستان قارۋلى كۇشتەرىنىڭ ۇلتتىق اسكەري-پاتريوتتىق ورتالىعى رەسەي قك ورتالىق مەملەكەتتىك مۇراجايىمەن ەكىجاقتى مەموراندۋمعا قول قويدى. بۇل تۋرالى «Abai.kz» اقپاراتتىق پورتالى حابارلايدى.

اتالمىش ءىس شارا رەسەي فەدەراتسياسى قارۋلى كۇشتەرىنىڭ ورتالىق مەملەكەتتىك مۇراجايىنىڭ «جەڭىس» زالىندا وتكەن. وعان قر ۇلتتىۇ اسكەري-پاتريوتتىق ورتالىقتىڭ باسشىسى ورىنباسار قاراباەۆ پەن ورتالىق مۇراجاي ديرەكتورى الەكساندر نيكونوۆ قاتىسقان. بۇل مۇراجايارالىق  ىنتىماقتاستىق جانە سەرىكتەستىك كەلىسىمىندە ەكىنشى دۇنيەجۇزىلىك سوعىس جىلدارىنداعى ەكى ەل جاۋىنگەرلەرىنىڭ ەرلىكتەرىن كەلەشەك ۇرپاققا ناسيحاتتاۋ، ارحيۆتىك قۇجاتتار مەن كەڭەس ساربازدارىنىڭ جاۋىنگەرلىك ەرلىكتەرىن دارىپتەيتىن مۇرالاردى جەتكىزۋ، سونداي-اق، بىرلەسكەن كورمەلەر ۇيىمداستىرۋ سەكىلدى بىرقاتار ماسەلەلەر قامتىلعان.

اتالعان ءىس شارا بارىسىندا ەكى تاراپ وتان سوعىسى جىلدارى اتى اڭىزعا اينالعان قازاقستاندىق پانفيلوۆشىلار ديۆيزياسىنىڭ  جاۋىنگەرلىك ەلىكتەرى تۋرالى تاريحي ماتەريالداردى جيناستىرۋ، ماسكەۋ شايقاسىنىڭ 80 جىلدىعىنا جانە ۇلى وتان سوعىسى جىلدارىنداعى كەڭەس استاناسىن قورعاۋدا اسقان ەرلىك كورسەتكەن جاۋىنگەرلەردى ماڭگى ەسكە ساقتاۋ ءۇشىن قولعا الىنعان ورتاق فوتوقۇجاتتىق كورمە جاساۋعا كەلىسكەن.

مەموراندۋمعا قول قويۋ كەزىندە رف قارۋلى كۇشتەرىنىڭ ورتالىق مەملەكەتتىك مۇراجايىنىڭ ديرەكتورى الەكساندر نيكونوۆ ەكى ەل اراسىنداعى بۇل كەلىسىم ءوز كەزەگىندە مەملەكەتتەر اراسىنداعى دوستىق بايلانىستى ودان سايىن نىعايتا تۇسەتىنىن ايقان.

Abai.kz