شىعىس قازاقستان وبلىسىندا كوروناۆيرۋس جۇقتىرعان وقۋشىلار سانى ارتتى.

"11 قازانداعى سوڭعى مالىمەتتەر بويىنشا 58 وقۋشىنىڭ كوروناۆيرۋس جۇقتىرعانى راستالدى، ولاردىڭ 34-ءى كەزەكشى توپقا بارعان، 24-ءى قاشىقتان وقىعان", - دەدى شىعىس قازاقستان وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ ءباسپاسوز قىزمەتىندەگىلەر.

وقۋشىلار اراسىندا جۇقتىرعانداردىڭ كوبى ريددەر جانە التاي قالاسىندا تىركەلگەن - 11 ادامنان، سونداي-اق گلۋبوكوە اۋدانىندا 10 وقۋشى اۋىرىپ قالعان.

وسكەمەندە 8 بالا جۇقتىرعان، ونىڭ التاۋى قاشىقتان وقىعان. سەمەيدە 7 بالا، بىرەۋى قاشىقتان وقىعان. كۋرچاتوۆ قالاسىندا ينفەكتسيا جۇقتىرعان ەكى بالا دا كەزەكشى توپتا وقىعان.

"ەگەر اۋدانداردى الىپ قاراساق، وندا بالالاردىڭ كوبى گلۋبوكوە اۋدانىندا - 10 وقۋشى، كوكپەكتىدە - 10 بالا، سونداي-اق شەمونايحادا - 2 وقۋشى، كۇرشىم جانە قاتون قاراعايدا - ءبىر بالادان جۇقتىرعان. اۋىرىپ قالعانداردىڭ كوبى قاشىقتان وقىعان", - دەدى ۆەدومستۆونىڭ ءباسپاسوز قىزمەتىندەگىلەر.

Abai.kz