بۇعان دەيىن ەكى قۇقىق قورعاۋشى "ساياسي رەفورما جۇرگىزۋ جانە ساياسي سەبەپپەن قۋدالاۋدى توقتاتۋ" تاقىرىبىندا ميتينگ وتكىزگىسى كەلەتىنىن مالىمدەپ، جەرگىلىكتى اتقارۋ ورگانىنا بىرنەشە رەت ءوتىنىش تۇسىرگەن. اكىمدىك ولاردىڭ ەكى ءوتىنىشىن قاناعاتتاندىرماي، ءۇشىنشى ءوتىنىشىن ماقۇلداپ وتىر. ميتينگ 500 ادامعا ارنالعان.
قۇقىق قورعاۋشىلارعا جىبەرگەن جاۋاپتا جەرگىلىكتى قوعامدىق دامۋ باسقارماسى ۇيىمداستىرۋشىلارعا جيىن كەزىندە "تاقىرىپتان اۋىتقىماۋدى" جانە "سانيتارلىق تالاپتاردى ورىنداۋ" قاجەتتىگىن ەسكەرتكەن.
سوڭعى رەت اكىمدىك ەلدە قىزمەتىنە تىيىم سالىنعان “كوشە” مەن “قازاقستاننىڭ دەموكراتيالىق تاڭداۋى” ۇيىم بەلسەندىلەرىنىڭ ميتينگىگە قاتىسۋى مۇمكىن ەكەنىن ايتىپ، قۇقىق قورعاۋشىلاردىڭ وتىنىشتەرىن قاناعاتتاندىرماعان بولاتىن.
قازاقستاندا ماۋسىم ايىندا "بەيبىت جيىن تۋرالى" جاڭا زاڭ قابىلدانعانمەن قۇقىق قورعاۋشىلار بەيبىت جيىنعا شىققان ازاماتتاردى ۇستاۋ مەن ولاردى قۋدالاۋ تىيىلمادى دەپ وتىر. جەرگىلىكتى بيلىك بۇرىنعىشا شارانىڭ "رۇقسات ەتىلمەگەنىن" العا تارتىپ، زاڭسىز دەۋمەن كەلەدى. جەرگىلىكتى جانە حالىقارالىق قۇقىق قورعاۋشىلار جاڭا زاڭدا ەسكى شەكتەۋلەر قالعانىن ايتادى.
Abai.kz
