تسويدىڭ سوزىنشە، مينيسترلىك وسى جاعدايعا بايلانىستى ورتالىق سايلاۋ كوميسسياسىمەن بىرنەشە رەت جينالىس وتكىزگەن.

- ءبىزدىڭ ماقساتىمىز – سايلاۋ كەزىندە [مەديتسينالىق] قاۋىپسىزدىكتى قامتاماسىز ەتۋ. سايلاۋ قانداي ادىسپەن وتسە دە، ءبىز ءۇشىن بارلىق سانيتارلىق نورما ورىندالعانى ماڭىزدى. ءبىز [داۋىس بەرۋدىڭ] بارلىق مۇمكىندىگىن – ونلايندى دا، ءداستۇرلى ءادىستى دە قاراستىرىپ وتىرمىز. تالاپ بارىنە ورتاق. ادامدار كوپ جينالسا، اراقاشىقتىق ساقتاپ، ماسكا تاعىپ، قولعاپ كيىپ، دەزينفەكتسيا قۇرالدارىن قولدانۋ كەرەك. دەنساۋلىق ساقتاۋ مينيسترلىگى قاۋىپسىزدىككە جاۋاپ بەرەدى. سايلاۋدا ەپيدجاعدايدى ساقتاۋ ءۇشىن، داۋىس بەرۋدى قاۋىپسىز وتكىزۋ ءۇشىن بارلىق شارانى قاراستىرامىز، - دەدى ول.

وسىدان بىرەر كۇن بۇرىن اvaaz.org سايتىندا پارلامەنت سايلاۋىندا ونلاين داۋىس بەرۋگە قارسى پەتيتسيا جاريالانعان. پەتيتسيا اۆتورلارى پاندەميا كەزىندە سايلاۋدى كەيىنگە قالدىرۋدى، پرەزيدەنت قاسىم-جومارت توقاەۆتان زاڭ جۇزىندە ونلاين جانە ارالاس داۋىس بەرۋگە تىيىم سالۋدى سۇرايدى.

"جاقىندا وتكەن پرايمەريز مۇنداي سايلاۋ جۇيەسىنىڭ قانشالىقتى اشىق ەمەسىن كورسەتتى. ءبىزدىڭ تسيفرلىق جۇيە تەحنيكالىق جاعىنان، زاڭ تۇرعىسىنان مۇنداي داۋىس بەرۋگە دايىن ەمەس. قازاقستان كونستيتۋتسياسى مەن "سايلاۋ تۋرالى زاڭىندا" ەلەكتروندى داۋىس بەرۋ ينتەرنەت ارقىلى داۋىس بەرۋمەن تەڭەستىرىلمەيدى. ءبىزدىڭ زاڭناما قۇپيا داۋىس بەرۋ ءپرينتسيپىن بۇزاتىن مۇنداي ادىسكە تىيىم سالادى. سوندىقتان الداعى سايلاۋدى تەك ۋچاسكەدە داۋىس بەرۋ ارقىلى وتكىزۋدى تالاپ ەتەمىز" دەپ جازىلعان پەتيتسيادا.

قازىر پەتيتسياعا 218 ادام قول قويعان. قازاقستان زاڭناماسىنا ساي، پارلامەنت سايلاۋى 2021 جىلدىڭ 25 قاڭتارىنا دەيىن ءوتۋى ءتيىس. سايلاۋ قاشان وتەتىنى انىق ەمەس. ال بيلىكتەگى "نۇر وتان" پارتياسى قازاننىڭ باسىندا پرايمەريز وتكىزگەن.

پرايمەريزگە قاتىسۋشىلار مەن باقىلاۋشىلار "نۇر وتاننىڭ" بۇل ناۋقانىن ء"ادىل وتپەدى" "ۇمىتكەرلەرگە تەڭ مۇمكىندىك بەرمەدى" دەپ سىناعان.

Abai.kz