Soydyng sózinshe, ministrlik osy jaghdaygha baylanysty Ortalyq saylau komissiyasymen birneshe ret jinalys ótkizgen.

- Bizding maqsatymyz – saylau kezinde [medisinalyq] qauipsizdikti qamtamasyz etu. Saylau qanday әdispen ótse de, biz ýshin barlyq sanitarlyq norma oryndalghany manyzdy. Biz [dauys berudin] barlyq mýmkindigin – onlayndy da, dәstýrli әdisti de qarastyryp otyrmyz. Talap bәrine ortaq. Adamdar kóp jinalsa, araqashyqtyq saqtap, maska taghyp, qolghap kiyip, dezinfeksiya qúraldaryn qoldanu kerek. Densaulyq saqtau ministrligi qauipsizdikke jauap beredi. Saylauda epidjaghdaydy saqtau ýshin, dauys berudi qauipsiz ótkizu ýshin barlyq sharany qarastyramyz, - dedi ol.

Osydan birer kýn búryn Avaaz.org saytynda parlament saylauynda onlayn dauys beruge qarsy petisiya jariyalanghan. Petisiya avtorlary pandemiya kezinde saylaudy keyinge qaldyrudy, preziydent Qasym-Jomart Toqaevtan zang jýzinde onlayn jәne aralas dauys beruge tyiym saludy súraydy.

"Jaqynda ótken praymeriz múnday saylau jýiesining qanshalyqty ashyq emesin kórsetti. Bizding sifrlyq jýie tehnikalyq jaghynan, zang túrghysynan múnday dauys beruge dayyn emes. Qazaqstan Konstitusiyasy men "Saylau turaly zanynda" elektrondy dauys beru internet arqyly dauys berumen tenestirilmeydi. Bizding zannama qúpiya dauys beru prinsiypin búzatyn múnday әdiske tyiym salady. Sondyqtan aldaghy saylaudy tek uchaskede dauys beru arqyly ótkizudi talap etemiz" dep jazylghan petisiyada.

Qazir petisiyagha 218 adam qol qoyghan. Qazaqstan zannamasyna say, parlament saylauy 2021 jyldyng 25 qantaryna deyin ótui tiyis. Saylau qashan ótetini anyq emes. Al biyliktegi "Núr Otan" partiyasy qazannyng basynda praymeriz ótkizgen.

Praymerizge qatysushylar men baqylaushylar "Núr Otannyn" búl nauqanyn "әdil ótpedi" "ýmitkerlerge teng mýmkindik bermedi" dep synaghan.

Abai.kz