مەملەكەت باسشىسى ءباسپاسوز قىزمەتىنىڭ حابارلاۋىنشا، ساردوبا اۋدانىنداعى دۋستليك ماحاللاسىندا 37 ءۇي، ميرزااباد اۋدانىنداعى حاكيكات ماحاللاسىندا 40 ءۇي، اكالتين اۋدانىنداعى ناۆباحور ماحاللاسىندا توعىز ءۇي تۇرعىزىلدى. ميرزياەۆ اۋەلى حاكيكات ماحاللاسىندا بولدى.
"سۋ تاسقىنىنىڭ زاردابى كوپ بولدى. بىزگە اپات سالدارىن جويىپ، تۇرعىنداردىڭ تىرشىلىگىن قايتا جاقسارتۋ كەرەك بولدى. مۇنداي مىندەت كەز كەلگەن مەملەكەتتىڭ قولىنان كەلە بەرمەيدى. ءبىز زارداپ شەككەندەردىڭ بارىمەن سويلەستىك. سۋىق تۇسپەي ولاردى باسپانامەن قامتاماسىز ەتە الدىق. حالىق ريزا", - دەدى ميرزياەۆ.
بۇنىڭ الدىندا ساردوبا اۋدانىنىڭ ءبىر توپ تۇرعىنى ۇكىمەت ۋادە ەتكەن وتەماقى الماعانىن جۋرناليستەرگە حابارلاعان.
رەسمي مالىمەت بويىنشا، 1 مامىردا بوگەتتىڭ جارىلۋىنان ساردوبا، اكالتين جانە ميرزااباد اۋداندارىندا 2 570 ءۇي، 76 كوپ پاتەرلى ءۇي جارامسىز بولىپ قالدى.
Abai.kz
