قازاقستاننىڭ ەۋرازيالىق ەكونوميكالىق وداق ەلدەرىمەن ءوزارا ساۋداسى وسى جىلدىڭ 8 ايىندا 12,2 پايىزعا تومەندەدى.

قر ۇلتتىق ەكونوميكا مينيسترلىگىنىڭ ستاتيستيكا كوميتەتى تاراتقان اقپاراتقا سايكەس، 2020 جىلعى قاڭتار-تامىزداعى قازاقستان رەسپۋبليكاسىنىڭ ەاەو ەلدەرىمەن ءوزارا ساۋداسى 12 027,4 ملن اقش دوللارىن قۇراپ، 2019 جىلعى قاڭتار-تامىزبەن سالىستىرعاندا 12,2 پايىزعا ازايدى. ونىڭ ىشىندە ەكسپورت – 3 348 ملن اقش دوللارى (18,6 پايىزعا ازايدى), يمپورت – 8 679,4 ملن اقش دوللارى (9,5 پايىزعا ازايدى) بولدى.

قازاقستان رەسپۋبليكاسىنىڭ ەاەو ەلدەرىمەن سىرتقى ساۋدا اينالىمى جالپى كولەمىندە رەسەي فەدەراتسياسىنا – 92,4, قىرعىزستان رەسپۋبليكاسىنا – 4,0, بەلارۋس رەسپۋبليكاسىنا – 3,5, ارمەنيا رەسپۋبليكاسىنا 0,1 پايىزدان كەلەدى«، - دەپ اتاپ وتەدى كوميتەتتەن.

Abai.kz