مۇحتار شەرىم. قارا بەتتەر ۇيىقتامايدى...
ايەلىمەن قۇشاقتاسىپ جاتقان... تاڭ اتا كوزدەرىن جاپالاق شوقىپ العانداي، جىپىلىقتاتىپ اشسا، ايەلى ەكەۋى ەتپەتىنەن جاتقان بىرەۋدى قۇشاقتاپ جاتىر! ۇستىندە مايكى، شاشى البا-جۇلبا... جەلكەسىنەن قىپ-قىزىل قان اعىپ جاتىر ما... ول ورنىنان ۇشىپ تۇردى.
- ءويا-باي، مىناۋ كى-كىم، قاتيپاش؟
ايەلى اششى داۋىسقا ويانا قويعان جوق... بەرى قاراي اۋدارىلىپ ءتۇستى دە، تەڭكيىپ جاتقان ەركەكتىڭ جاۋىرىنىنا بىلەگىن، سوسىن ءبىر كۇندىك وتىنداي جۋا-ان اياعىن اسىپ قويدى. ۇيقىسىن قيماي ىڭىرسىپ جاتتى دا، كەنەت كوزدەرىن اشىپ قالىپ، ءوزى قۇشاقتاپ جاتقان «جىندى باس» ەركەككە، سوسىن ترۋسيشەڭ ءتىل اۋىزدان قالىپ، قالشىلداپ تۇرعان كۇيەۋىنە قارادى. توسەگىنەن توڭكەرىلە جازداپ، شىڭعىرا تۇسكەن قاتيپاش جۇگىرىپ بارىپ، كۇيەۋىنىڭ باۋىرىنا تىعىلدى.
- مى-مىنا كىسى كىم، مىج-مىجبان؟-دەپ سۇرادى ەتپەتىنەن جاتقان ەركەككە ۇرەيلەنە قاراپ.
- ت-تانىمايمىن...
- ول ارامىزدا نەگە جاتىر؟
- سە-سەنىڭ كو-كوڭىلدەسىڭ ەمەس پە؟
- قۇداي ساقتاسىن! نە، ماعان سەنبەيسىڭ بە؟
- تۇنىمەن وسىمەن قۇشاقتاسىپ جاتقانبىز با نە، سوندا؟
- سو-سولاي سياقتى... مىجبا-ان، قورقامىن. پوليتسيا شاقىرايىق.
- سول پوليتسيانىڭ ءوزى ەمەسپىن بە؟-دەگەن مىجبان ورىندىقتا جاتقان فورماسىنا جۇگىرىپ، تاپانشاسىن سۋىرىپ الدى.
- ەي، سەن كىمسىڭ؟-دەپ ايقايلادى سوسىن. داۋىسى جانىپ جاتقان سۋ اعاشتاي قالتىراپ شىقتى.
- مەن عوي.
- مەنىڭ كىم؟
- بۇل قارابەتتىڭ ءۇيى مە؟
ايەلىمەن قۇشاقتاسىپ جاتقان... تاڭ اتا كوزدەرىن جاپالاق شوقىپ العانداي، جىپىلىقتاتىپ اشسا، ايەلى ەكەۋى ەتپەتىنەن جاتقان بىرەۋدى قۇشاقتاپ جاتىر! ۇستىندە مايكى، شاشى البا-جۇلبا... جەلكەسىنەن قىپ-قىزىل قان اعىپ جاتىر ما... ول ورنىنان ۇشىپ تۇردى.
- ءويا-باي، مىناۋ كى-كىم، قاتيپاش؟
ايەلى اششى داۋىسقا ويانا قويعان جوق... بەرى قاراي اۋدارىلىپ ءتۇستى دە، تەڭكيىپ جاتقان ەركەكتىڭ جاۋىرىنىنا بىلەگىن، سوسىن ءبىر كۇندىك وتىنداي جۋا-ان اياعىن اسىپ قويدى. ۇيقىسىن قيماي ىڭىرسىپ جاتتى دا، كەنەت كوزدەرىن اشىپ قالىپ، ءوزى قۇشاقتاپ جاتقان «جىندى باس» ەركەككە، سوسىن ترۋسيشەڭ ءتىل اۋىزدان قالىپ، قالشىلداپ تۇرعان كۇيەۋىنە قارادى. توسەگىنەن توڭكەرىلە جازداپ، شىڭعىرا تۇسكەن قاتيپاش جۇگىرىپ بارىپ، كۇيەۋىنىڭ باۋىرىنا تىعىلدى.
- مى-مىنا كىسى كىم، مىج-مىجبان؟-دەپ سۇرادى ەتپەتىنەن جاتقان ەركەككە ۇرەيلەنە قاراپ.
- ت-تانىمايمىن...
- ول ارامىزدا نەگە جاتىر؟
- سە-سەنىڭ كو-كوڭىلدەسىڭ ەمەس پە؟
- قۇداي ساقتاسىن! نە، ماعان سەنبەيسىڭ بە؟
- تۇنىمەن وسىمەن قۇشاقتاسىپ جاتقانبىز با نە، سوندا؟
- سو-سولاي سياقتى... مىجبا-ان، قورقامىن. پوليتسيا شاقىرايىق.
- سول پوليتسيانىڭ ءوزى ەمەسپىن بە؟-دەگەن مىجبان ورىندىقتا جاتقان فورماسىنا جۇگىرىپ، تاپانشاسىن سۋىرىپ الدى.
- ەي، سەن كىمسىڭ؟-دەپ ايقايلادى سوسىن. داۋىسى جانىپ جاتقان سۋ اعاشتاي قالتىراپ شىقتى.
- مەن عوي.
- مەنىڭ كىم؟
- بۇل قارابەتتىڭ ءۇيى مە؟
- كاكوي قارابەت؟ نە دەپ تۇرسىز؟ تۇرىڭىز! نە، بەتىڭىز كۇيىپ قالعان با؟-دەگەن قاتيپاش ەندى كۇشەيەيىن دەدى.
- حالىققا وق اتقان قارابەتتىڭ ۇيىنە كەلدىم،- دەدى ەر كىسى ەتپەتىنەن جاتقان بويى. بۇدان ءارى شىداماعان جاڭاوزەن قالاسىنىڭ پوليتسەيى بەيمەزگىل كەلگەن «قوناقتىڭ» جون ارقاسىنا بىرنەشە مارتە اتىپ جىبەردى. ەتپەتىنەن جاتقان ەركەك قولىمەن ارقاسىن قاسىدى. وق تەسىپ كەتكەن ارقاسىنان بىقسىپ، ءتۇتىن شىقتى. ءبىر كەزدە ول:
- سەندەر حالىققا وق اتىپ ۇيرەنىپ قالعان ەكەنسىڭدەر. 2011 جىلى 16 جەلتوقساندا بەيبىت شەرۋگە شىققان ورىمدەي جاستاردى دا ءدال وسىلاي ارقا تۇسىنان اتىپ ەدىڭدەر...-دەدى دە، سىقىرلاپ، ورنىنان تۇردى. ماسساعان، مىجبان نە كوردى دەيمىسىزدەر؟ ادام بويىنداي اعاش قۋىرشاقتى كوردى. ءوزى اتقان وق ارقاسىن تەسىپ كەتىپتى، بەرگى جاعىنان ۇيىرەيىپ تۇر ەكەن. مۇنى كورگەن قاتيپاشتىڭ اۋزى-باسى قيسايىپ، تابان استىندا تالىپ قالدى. زارەسى قالماعان مىجبان شيفونەردىڭ ىشىنە تىعىلدى. اياعىن سىقىرلاتا باسقان قۋىرشاق شيفونەرگە جاقىنداعان سايىن، مىجبان دىرىلدەپ، ءتىپتى سەلكىلدەي باستادى. انە، كەلە جاتىر! جاقىنداپ قالدى... ويباي، ەندى قايتتى؟ ەسىكتى اشىپ قالعاندا، مىجبان ساسقانىنان:
- اسسالاۋ...-دەپ قالدى.
- سەن جاڭاوزەن قارابەتىسىڭ.
- نە -نەگە؟
- ءوز حالقىڭا وق جاۋدىردىڭ...
- بۇيرىق سولاي بولدى.
- بۇيرىقتى قۇيرىعىڭا قىستىرا سالمادىڭ با؟
- كەشىرىڭىز، ءسىز كىمسىز؟
- مەن بە؟ مەن قۇدايدىڭ قۋىرشاعىمىن! جاراتۋشى يەم ماعان جان بەرىپ، سەندەرگە، قارابەتتەرگە جىبەردى! قۋىرشاق بيلىكتىڭ بەتتەرىن قاپ-قارا ەتىپ كەل دەدى. حالىققا قاراي الماسىن دەدى. پەندەلەرىمە رەنجىدىم دەدى...
- كە- كەشىرىڭىز، ءبىز پوليتسايمىز...
- بىلەمىن، بىلەمىن، ءبىر بايعۇس بالا جارالانىپ قۇلاپ ەدى، جەتىپ بارىپ، سويىلىڭ مەن ۇرىپ ءولتىردىڭ... ءما، بەتىڭە قارا، قۇدايدىڭ قارا بەت پەندەسى!-دەگەن قۋىرشاق ادام قولىنا اينا ۇستاتا سالدى. ماسساعان! ءبىر بەتى قاپ-ارا بولىپ كۇيىپ كەتىپتى... ءتۇتىن شىعىپ جاتىر ما... قورىققان بايعۇس كوشەگە اتىپ شىقتى... ەسۋاستانىپ كەتسە كەرەك، ءوزىنىڭ باسىن ءوزى ۇرىپ بارادى...
«قۇدايدىڭ قۋىرشاعى كەلىپتى، قارابەتتەرمەن قۇشاقتاسىپ جاتادى ەكەن...» دەگەن ءسوز جاڭاوزەن قالاسىن شارلاپ كەتتى. ىشكى ىستەر مينيسترلىگىندەگى بىرنەشە لاۋازىمدى قىزمەتكەرلەر قورىققاندارىنان توسەكتەرىنىڭ قاسىندا شوقيىپ وتىراتىن بولدى. اسىرەسە، مينيستر ورىنباسارلارىنىڭ ءبىرى ءلاپپاي تاقسىروۆتىڭ ۇيقى كورمەگەنىنە بۇگىن ەكىنشى كۇن.
- جاتساڭشى، - دەدى ايەلى ءتۇننىڭ ءبىر ۋاعىندا.
- قورقامىن...
- جۇرت نە دەمەيدى... كەل، قۇشاقتاسىپ جاتايىق.
- قۋىرشاق تەك ورتاعا جاتادى دەيدى...
- جابىسى-ىپ جاتايىقشى... جۇمىس-جۇمىس دەپ قۇشاقتاۋدى دا ۇمىتىپ كەتىپ ەدىڭ. قايتا جاقسى بولدى.
- سىرىڭكە اكەلشى...
- ە؟
- كوزدەرىم جۇمىلىپ بارادى... كوز قاباقتارىما تىرەپ قويايىن...
- تۋح، نە دەگەن قورقاق ەدىڭ!-دەگەن ايەلى ونى توسەككە اتىپ ۇردى. سودان قۇشاقتاسىپ جاتقان. تاڭ اتا ويانىپ كەتسە... ويەبا-اي، ويانىپ كەتسە... ايەلى بىرەۋدى قۇشاقتاپ جاتىر! ارقاسىنان سيپالاپ قوياتىنىن قايتەرسىڭ! كۇيەۋى ەكەن دەپ قالعان دا... كەشىرىڭىزدەر، بيلىك بۇتىنا جىبەرىپ قويدى. ءتىل اۋزى جوق، ايەلىن جۇلقىلاپ وياتتى. ايەلى كوزدەرىن سىعىرايتا اشتى دا، كۇيەۋىنىڭ قاپ-قارا بەتىن كورىپ، شىڭعىرا، كورپەسىن تاس بۇركەنىپ الدى... سوسىن قاسىندا جاتقان قۋىرشاق ادامدى كورسە كەرەك، ءىش كويلەكشەڭ ويبايلاي اتىپ تۇرىپ، تۇرا قاشتى. سوڭىندا كۇيەۋى... ءدال وسى ءتۇنى قالا، وبلىس اكىمدەرىنىڭ دە بەتتەرى قارايىپ شىعا كەلىپتى.. مىڭداعان جۇمىسشىلارىن قۋىپ شىققان «وزەنمۇنايگازدىڭ» بۇرىنعى باسشىلارىنىڭ ءبىرى دە، قاتتى شوشىپ ويانسا كەرەك، قۋىرشاقپەن قۇشاقتاسىپ جاتىر ەكەن. ايناعا قاراسا، بەتتەرى قارايىپ، كوزدەرى الايىپ قالىپتى دەپ ەستىدىك. جاراتۋشى يەمنىڭ جاندى قۋىرشاعى ءالى تالاي شەنەۋنىكتىڭ بەتتەرىن قارايتادى ەكەن... و،جاراتقان يەم، ادامنان قۋلىق ارتىلا ما، ءبىر قارابەت بەتىنە اپپاق «پۋدىرا» جاعىپ الىپتى! وڭكەي قارا جۇرەكتەر!
«اباي-اقپارات»
