سايلاۋ جاقىنداعان سايىن ەل ىشىنەن رەداكتسيامىزعا ءتۇرلى حاتتار كەلىپ ءتۇسىپ جاتىر. سونىڭ ىشىندە وڭتۇستىك قازاقستان وبلىسىنان  حات جازىپ، حابارلاسۋشىلاردىڭ قاراسى مول. سونداي حاتتاردىڭ ءبىرىن قانات سەرىكباەۆ اقساقال جىبەرگەن. حاتتا «نۇر وتان» پارتياسىنىڭ ايماقتاعى بولىمشەلەرى باسشىلارىنىڭ جاساپ جاتقان قياناتى ءسوز بولادى.

جانە تۇركىستان قالاسىنان «رۋحانيات» پارتياسىنىڭ اتىنان قالالىق ماليحاتقا ۇمىتكەر رەتىندە سايلاۋعا تۇسكەن جۇسىپبەكوۆ مىرزا دا پارتيادان شىعىپ، سايلاۋعا قاتىسۋدان باس تارتىپتى.

ايماقتاردان كەلىپ ءتۇسءىپ جاتقان حات-حابارلاردىڭ ءبىر لەگىن نازارلارىڭىزعا ۇسىنىپ وتىرمىز.

«اباي-اقپارات»

قر پرەزيدەنتى اكىمشىلىگى باسشىسى ا.مۋسينگە

قر باس پروكۋرورى ا.داۋىلباەۆقا

قر ۇلتتىق قاۋىپسىزدىك كوميتەتىنىڭ توراعاسى ن.ابىقاەۆقا

قر ورتالىق سايلاۋ كوميسسياسى توراعاسى ق.تۇرعىنبەكوۆكە

«نۇر وتان» حدپ توراعاسىنىڭ ءبىرىنشى

ورىنباسارى ن.نىعماتۋلينگە

وڭتۇستىك قازاقستان وبلىسى

پروكۋرورى ب.قۇلتاسوۆقا

قر ۇقك وقو بويىنشا دەپارتامەنتى

باستىعىنا

سايلاۋ جاقىنداعان سايىن ەل ىشىنەن رەداكتسيامىزعا ءتۇرلى حاتتار كەلىپ ءتۇسىپ جاتىر. سونىڭ ىشىندە وڭتۇستىك قازاقستان وبلىسىنان  حات جازىپ، حابارلاسۋشىلاردىڭ قاراسى مول. سونداي حاتتاردىڭ ءبىرىن قانات سەرىكباەۆ اقساقال جىبەرگەن. حاتتا «نۇر وتان» پارتياسىنىڭ ايماقتاعى بولىمشەلەرى باسشىلارىنىڭ جاساپ جاتقان قياناتى ءسوز بولادى.

جانە تۇركىستان قالاسىنان «رۋحانيات» پارتياسىنىڭ اتىنان قالالىق ماليحاتقا ۇمىتكەر رەتىندە سايلاۋعا تۇسكەن جۇسىپبەكوۆ مىرزا دا پارتيادان شىعىپ، سايلاۋعا قاتىسۋدان باس تارتىپتى.

ايماقتاردان كەلىپ ءتۇسءىپ جاتقان حات-حابارلاردىڭ ءبىر لەگىن نازارلارىڭىزعا ۇسىنىپ وتىرمىز.

«اباي-اقپارات»

قر پرەزيدەنتى اكىمشىلىگى باسشىسى ا.مۋسينگە

قر باس پروكۋرورى ا.داۋىلباەۆقا

قر ۇلتتىق قاۋىپسىزدىك كوميتەتىنىڭ توراعاسى ن.ابىقاەۆقا

قر ورتالىق سايلاۋ كوميسسياسى توراعاسى ق.تۇرعىنبەكوۆكە

«نۇر وتان» حدپ توراعاسىنىڭ ءبىرىنشى

ورىنباسارى ن.نىعماتۋلينگە

وڭتۇستىك قازاقستان وبلىسى

پروكۋرورى ب.قۇلتاسوۆقا

قر ۇقك وقو بويىنشا دەپارتامەنتى

باستىعىنا

«نۇر وتان» حدپ ابىرويىن تۇسىرۋگە جول بەرىلمەسىن!

قۇرمەتتى مىرزالار!

بيىلعى جىلعا بەلگىلەنگەن قر پارلامەنتى ءماجىلىسى مەن ءماسليحات سايلاۋىن وتكىزۋدى ۇيىمداستىرۋدا «نۇر وتان» حدپ وڭتۇستىك قازاقستان وبلىستىق فيليالى مەن جەرگىلىكىتى اتقارۋشى ورگاننىڭ باسشىلىعى زاڭسىز ارەكەتتەرگە بارۋىن توقتاتار ەمەس. بيلىكتىڭ وزبىرلىق ارەكەتتەرى وڭتۇستىك ءوڭىرى جۇرتشىلىعىنىڭ نارازىلىعىن تۋدىرۋدا. «نۇر وتان» حدپ-نى بارىنشا قولدايتىن، 80 مىڭ مۇشەسى بار وبلىستىڭ حالقى جەرگىلىكتى باسشىلاردىڭ پارتيا بەدەلىن ءتۇسىرىپ، ونىڭ ابىرويىن توگەتىن زاڭسىز ارەكەتتەرگە بارعاندىعىنا اشۋ-ىزالى ەكەندىگىن حابارلايمىن.

ءبىرىنشى، «نۇر وتان» حدپ ماسليحاتقا ۇمىتكەرلەردى تاڭداپ، ولاردى پرايمەريزدەن وتكىزۋدە نەبىر سوراقىلىققا جول بەردى. ەل سەنىمىن اقتايتىن، مەملەكەت باسشىسىنىڭ سارابدال ساياساتىن باياندى ەتۋگە ولشەۋسىز ۇلەس قوسا الاتىن ازاماتتار تاڭداۋعا تۇسپەدى، جەكە بايلىقتىڭ جولىندا جۇرگەندەر تارتىلدى. ولاردىڭ كىم ەكەنىن وبلىس حالقى ءبىلىپ وتىر. وسى ماسەلەدە «شىمكەنتشە» ساۋداعا جول بەرىلگەندىگىن جۇرتشىلىق اشىنا ايتىپ جاتىر. وعان دالەل بولاتىن فاكتىلەر جەتەرلىك بولعاندىقتان رەسپۋبليكالىق «جاس الاش» گازەتى: «پرايمەريزدەردە اقشاسى كوپتەر مەن كوكەسى كۇشتىلەردىڭ باعى جانىپ، اشىق ساۋداعا سالىندى. پرايمەريزدىڭ قورىتىندىسى قايتا-قايتا وزگەرىپ، قولجاۋلىق بولعانى وسىدان»، - دەپ جازدى. بۇل اۋىر ايىپتاۋعا وبلىس باسشىلارى نەگە جاۋاپ بەرمەيدى؟ شىمكەنت قالالىق ءماسليحاتىنىڭ بۇرىنعى دەپۋتاتى، «نۇر وتان» حدپ مۇشەسى ج.بىلىسبەكوۆ پرايمەريزدەن وتكىزۋدە زاڭسىزدىققا جول بەرگەن «نۇر وتان» حدپ وقوف باسشىلىعىن دايەكتى دالەلدەرىمەن ايىپتاعاندا دا، وعان دا ءبىر اۋىز  جاۋاپ بەرە المادى.

بۇرىن دەپۋتات بولىپ كەلگەن پارتيا مۇشەلەرىنە پرايمەريزدەن وتكىزۋ حابارى ءتىپتى ايتىلمادى دا. ولاردىڭ كوبى قازىر ءوزىن-ءوزى ۇسىنۋشى ۇمىتكەر بولىپ، اكىمشىلىك ورگانى ەندى ولاردى قۋعىنداۋعا شىقتى. بيلىك جەرگىلىكتى باسىلىمدارعا تاپسىرىس بەرىپ، «ولار «نۇر وتان» حدپ-نى ساتىپ كەتتى» دەپ، ار-نامىسىنا تيەتىن اقپارات تاراتقىزدى.

ايماقتاعى سايلاۋشىلاردىڭ ءوزى تانىمايتىن ادامدار پرايمەريزدەردەن قالاي بولسا، سولاي ءوتىپ جاتتى. وسىنداي فاكتى سايرام اۋدانىندا كەڭىنەن ەتەك الدى. ءسويتىپ، پارتيانىڭ بەدەلىن ءتۇسىرىپ عانا قويعان جوق، قاراپايىم ازاماتتاردى قورلاعانداي، ولاردىڭ نارازىلىعىن تۋدىردى.

«نۇر وتان» حدپ وقوف اپپاراتى باسشىلىعىنداعى تۋىستاس ازاماتتار ۇ.سادىبەكوۆ پەن ش.جامالبەكوۆتەردىڭ «كومانداسى» قالىڭ ەلدى توبىرعا ساناپ، نەبىر ماسقارالىققا جول بەردى.

پاريالىق پرايمەريزدەن ش.جامالبەكوۆ وبلىستىق ماسليحاتقا،  ال ۇلى ەرجىگىت شارىپبەكوۆ سايرام اۋدانى ءماسليحاتىنا، تۇركىستاندىق «نەزامەنيمىي» دەپۋتات ر.تاڭىربەرگەنوۆ وبلىستىق ماسليحاتقا، ونىڭ بالاسى ەرقانات تاڭىربەرگەنوۆ قالالىق ماسليحاتقا، شاردارالىق «نەزامەنيمىي» دەپۋتات ا.رامانقۇلوۆ وبلىستىق ماسليحاتقا، ال ۇلى عاني اۋداندىق ماسليحاتقا، ءا.دوسبولوۆ وبلىستىق ماسليحاتقا، بالاسى ا.دوسبولوۆ سارىاعاش اۋداندىق ماسليحاتقا، اعايىندى ورازاليەۆتەردىڭ ۇلكەنى وبلىسقا، كىشىسى سايرام اۋداندىق ءماسليحاتىنا پرايمەريزدەن سۇرىنبەي ءوتىپ، جولداما الىپ، جۇرتتىڭ جاعاسىن ۇستاتتى. بۇل ءتىزىم جالعاسا بەرەدى، از دەسەڭىز، سارىاعاشتىق 85 جاستاعى اقساقال ب.قىرعىزعاليەۆ تە پارتيالىق پرايزمەردە كوپشىلىك داۋىس العان بولىپ شىقتى. پرايمەريزدەن وتكىزۋ بۇرمالانىپ، سايلاۋ اۋماعىنىڭ جۇرتشىلىعىنا بەيتانىس، ەرتەڭگى كۇنى حالىقپەن ەتەنە ارالاسا قويمايتىن ۇمىتكەرلەردىڭ ۇسىنىلۋى ەل ءىشىنىڭ تىنىشتىعىن بۇزۋعا اپارۋدا.  ويتكەنى، ەلگە ەسىمى بەلگىلى ازاماتتار ماسليحاتقا ءوزىن-ءوزى ۇمىتكەر ەتىپ كوپتەپ ۇسىندى. ولاردى ەل تۇرعىندارى قولداۋعا شىقتى. سايلاۋالدى ۇگىتتىڭ باستالعان العاشقى اپتاسىندا-اق نۇروتاندىق ۇمىتكەرلەردىڭ باسىمدىققا قول جەتكىزە المايتىنى بەلگىلى بولدى. اۋىل اكىمدەرىنەن باستاپ، اۋدان مەن وبلىس اكىمدىكتەرى جاعدايدى جاڭا جىلعا جەيىن جان-جاقتى تالداپ، سارالادى. قورىتىندىسىندا وزدەرىنىڭ «نۇر وتان» حدپ-نى ابىرويسىز ەتەتىندىكتەرىنە تولىق كوزدەرىن جەتكىزدى. قازىر اكىمشىلىك قاتاڭ شارالار كورۋدى اشىق قولعا الدى. كارتى تارو

نۇروتاندىق ەمەس ۇمىتكەرلەردىڭ سۋرەتتەرىن، ءتۇرلى جارنامالارىن جىرتقىزۋعا شىقتى. بايدىبەك اۋدانى شايان اۋىلدىق وكرۋگى اكىمىنىڭ ورىنباسارى وبلىستىق ماسليحاتقا ءوزىن-ءوزى ۇسىنۋشى ەتكەن ۇمىتكەرلەردىڭ سۋرەتتەرىن جىرتىپ جاتقان ۇستىندە ۇستالىپ، ماسقارا بولدى. وسى اۋداننىڭ جامبىل اۋىلدىق  وكرۋگى اكىمى  نۇروتاندىق ۇمىتكەرگە كوپ داۋىس الىپ بەرە المايتىنىنا كوزى جەتكەن سوڭ، ۋچاسكەلىك سايلاۋ كوميسسياسى توراعاسىن اۋىستىرىپ، ءوزىنىڭ تۋعان قاينىسىن توراعا ەتكىزگەن. ونداعى ماقساتى زاڭسىز بىلىقتاردى بىلدىرمەي جاساتقىزۋ.

ادام ايتۋعا ۇيالاتىن ماسقارانى قازىعۇرت، ماقتاارال، شاردارا، تۇلكىباس ت.ب. اۋداندار دا جاسادى. اۋداندىق ءبىلىم ءبولىمى باستىقتارى ءوزىن-ءوزى ۇسىنۋشى ۇمىتكەر جەڭىپ كەتۋى مۇمكىن دەلىنەتىن اۋىلدىق وكرۋگى اۋماعىنداعى مەكتەپ ديرەكتورلارىنان «ءوز وتىنىشىنە سايكەس قىزمەتىنەن بوساتۋ تۋرالى» ارىز جازدىرىپ العان. مەكتەپ ديرەكتورلارىنا «نۇروتاندىق ۇمىتكەرگە 70-80 پايىز داۋىس اپەرسەڭ ورنىڭدا قالاسىڭ. ال ونى ورىنداي الماساڭ، مىنا ءوز قولىڭمەن جازعان  وتىنىشىڭە سايكەس قىزمەتىڭنەن كەتەسىن» دەگەن تالاپ قويىپتى. قازىر بۇل اۋدانداردىڭ مەكتەپ ديرەكتورلارىنىڭ جۇيكەسى توزىپ، جىندانۋعا اينالعان. ءبىر جاعىندا قر «سايلاۋ تۋرالى» زاڭى تۇرسا، ونى بۇزۋعا بولمايدى، ال ەكىنشى جاعىندا زاڭسىزدىققا بارماساڭ «قىزمەتىڭنەن كەتىرەمىن» دەگەن بيلىك ورگانى تۇر. مۇنداي سوراقىلىق رەسپۋبليكامىزدىڭ بىردە-ءبىر وبلىسىندا جوق شىعار. «نۇر وتان» حدپ بەدەلىن تۇسىرۋدە بۇدان اسقان ماسقارالىق بولا ما؟

وبلىس اكىمىنىڭ ورىنباسارلارى: ە.ايتاحانوۆ - قازىعۇرت اۋدانىنا، ءا.بەكتاەۆ - ورداباسى اۋدانىنا، ب.وسپانوۆ - تولەبي اۋدانىنا 5-6 قاڭتار كۇندەرى شۇعىل بارىپ،  اۋدانداعى مەملەكەتتىك مەكەمەلەردىڭ باسشىلارىن قىسپاققا العان. نۇروتاندىق ۇمىتكەردى وتكىزبەگەن كەز-كەلگەن مەكەمە باسشىسى قىزمەتتەن كەتەتىنىن اشىق ايتۋعا بارعان.

قازىعۇرت، ماقتاارال، بايدىبەك، تولە بي سياقتى اۋدان تۇرعىندارى «جەرگىلىكتى اتقارۋشى بيلىكتەگىلەر كەشە ەلباسىنى الداپ، جاڭاوزەندەگى قاسىرەتكە اپارسا، ەندى «سايلاۋدى تازا وتكىزدىك» دەپ تاعى الداماقشى. ءبىز ءوز قۇلقىندارىن ويلاعانداردىڭ ونى قايتالاۋىنا جول بەرمەيمىز» دەگەندى ەل ازاماتتارى كوپشىلىك ورىندارىندا اشىق ايتىپ ءجۇر. سايلاۋدا بيلىك زاڭسىزدىق ارەكەتكە بارسا،  باس كوتەرىپ، حالىقتىڭ ءۇنىن ەلباسىعا جەتكىزەمىز دەۋشىلەر كوبەيۋ ۇستىندە.  قاراپايىم حالىق قاتتى الاڭداۋلى.

سوندىقتان،  جەدەل، ءتيىستى شارا كورۋلەرىڭىزدى سۇرانامىز، ەل ىشىنە تىنىشتىق كەرەك.

سەرىكباەۆ قانات ابىلسەيىتۇلى،

زەينەتكەر،

شىمكەنت قالاسى

مالىمدەمە

شىنىن ايتۋ كەرەك،  اقىندىعى دا باتىرلىعى دا ۇلت تاعدىرىنىڭ ەڭ قيىن كەزەڭدەرىندە شەشۋشى ءرول  ويناعان  م. شاحانوۆتىڭ «رۋحانيات» پارتياسىنا كەلۋىمەن قازاق قوعامىنىڭ ساياسي ءومىرى جاڭاشا دامۋ الار دەپ ۇمىتتەندىم. سول ءۇشىن دە وسى سانا مەن قوعامدىق قوزعالىسقا ءوز ۇلەسىمدى قوسۋ ماقتاتىندا  «رۋحانيات» پارتياسىنىڭ قاتارىنا قوسىلىپ، تۇركىستان قالالىق ءماسليحات دەپۋتتاتىعىنا ۇمىتكەر رەتىندە تىركەلگەن ەدىم.

بىراق، وكىنىشكە وراي، قازىرگى كەزدەگى پارتيانىڭ كەلبەتى، ميسسياسى، ءمانى 2011 جىلعى «رۋحانيات» پارتياسىنان مۇلدەم بولەكتەندى. بۇل قۇندىلىقتاردىڭ قالاي وزگەرگەنىن قوعام جاقسى بىلەدى، ءادىل باعانى دا ءوزى بەرمەك...

سوندىقتان دا، مەنىڭ قازىرگى «رۋحانيات» پارتياسىنىڭ قاتارىندا بولۋىمنىڭ ەش ءمان-ماعىناسى جوق دەپ ەسەپتەيمىن.

وسىعان بايلانىستى  مەن، ن.جۇسىپباەۆ، سايلاۋ ناۋقانى كەزىندە قالىپتاسقان وسى جانە باسقا دا سەبەپتەر مەن وزگەرىستەرگە بايلانىستى ءوز ەركىمەن  «رۋحانيات» پارتياسى قاتارىنان شىعاتىنىمدى جانە تۇركىستان قالالىق ءماسليحات دەپۋتاتتىعىنا ۇمىتكەر رەتىندە سايلاۋعا قاتىسۋدان دا ءوز ەركىمەن رەسمي تۇردە باس تارتاتىنىمدى مالىمدەيمىن.

الاي دا، قوعامنىڭ ساياسي ومىرىنە ازامات رەتىندە قاتىسۋىمدى جالعاستىرامىن.

ن.ت. جۇسىپباەۆ