حالىقارالىق فرانتسۋز راديوسىنىڭ مالىمەتىنە قاراعاندا، ءىرى مانيفەستاتسيالار پاريج، ليون، بوردو، ستارسبۋرگ، ليلل، نانت، مارسەل جانە باسقا دا قالالاردا وتكەن.

پاريجدەگى رەسپۋبليكا الاڭىنا جينالعان مىڭداعان ادامنىڭ اراسىندا ەلدىڭ پرەمەر-ءمينيسترى، ءبىلىم ءمينيسترى، پاريج مەرى جانە باسقا دا ساياساتكەرلەر بولدى.

اكتسيالاردى ساتيرالىق Charlie Hebdo باسىلى مەن مۇعالىمدەردىڭ كاسىپوداق ۇيىمى ۇيىمداستىردى. قاتىسۋشىلار ءسوز بوستاندىعىن جاقتاپ، ەلدە زاڭداردىڭ ساقتالۋىن تالاپ ەتتى.

47 جاستاعى ساميۋەل ءپاتيدى ماسكەۋدە تۋىلعان ابدۋللا اتتى 18 جاستاعى شەشەن قاشقىن ولتىرگەنىن فرانتسۋز بيلىگى مالىمدەدى. قول سالعان كۇدىكتى پوليتسيا تاراپىنان ولتىرىلگەن. وقيعا پاريجدە 16 قازاندا بولعان.

اقپاراتقا قاراعاندا، تاريح جانە گەوگرافيا مۇعالىمى ءسوز ەركىندىگىن العا تارتىپ، Charlie Hebdo جۋرنالى جاساعان مۇحاممەد پايگامباردىڭ كاريكاتۋراسىن كورسەتكەن.

بۇل ءىس بويىنشا 11 ادام قامالدى. اراسىندا مۇعالىمگە قول سالعان ادامنىڭ تۋىستارى جانە يسلامشىل اكتيۆيست ابدەلاكيم سەفريۋي دە بار.

Abai.kz