ۇلت مۇددەسى ءۇشىن قايرات كورسەتىپ كەلە جاتقان الاش پارتياسىنىڭ ءىزباسارى «اق جول» پارتياسىنىڭ نەگىزىن قالاۋشىلاردىڭ ءبىرى، پارتيا ءۇشىن وتقا دا، سۋعا دا تۇسكەن پرەزيديۋم مۇشەسى قازىبەك يسا- ۇلت قايراتكەرى، شىنشىل جۋرناليست ءارى مايتالمان قالامگەر. ونىڭ جازاتىن نەگىزگى تاقىرىبى - ۇلت مۇددەسى. ول قاشاندا قازاق ماسەلەسىن قوعام الدىندا اشىق جانە باتىل تۇردە ايتىپ تا، جازىپ تا ءجۇر. ونى وقىعاندا كۇيىنە وتىرىپ، ەكى ەزۋىڭ ەكى قۇلاعىڭا جەتىپ كۇلەسىڭ. كۇيىنەتىن جەرىڭ - ۇلتتىڭ تاپ بولعان بۇگىنگى اۋىر جاعدايى، ال كۇلەتىن جەرىڭ - وسىعان كىنالى شەنەۋنىكتىڭ، بولماسا ءبىر جاعىمپازدىڭ ءاجۋا كەيپى. سۋرەتشى عوي.

قازىبەك - سۋرەتشى. جاقسى سۋرەتشى. بەس جىل كوز مايىن تاۋىسىپ وقىپ، العان ماماندىعى وسى. قازىبەك  - اقىن. تۋما تالانت اقىن! ليريكالىق نازىك سەزىمنىڭ پاتشاسى دەسەك ارتىق ەمەس. سەبەبى ونىڭ جازعان ولەڭدەرىن وقىپ وتىرعاندا، سول نازىك، ءتاتتى، شىرىن سەزىمدەر جانىڭدى راحاتقا بولەپ، قانات ءبىتىرىپ، اسقار شىڭنىڭ باسىنا شىعارىپ تاستايدى. جانىڭ جاي تاۋىپ، كەرەمەت ءبىر كۇيگە ەنەسىڭ.

ۇلت مۇددەسى ءۇشىن قايرات كورسەتىپ كەلە جاتقان الاش پارتياسىنىڭ ءىزباسارى «اق جول» پارتياسىنىڭ نەگىزىن قالاۋشىلاردىڭ ءبىرى، پارتيا ءۇشىن وتقا دا، سۋعا دا تۇسكەن پرەزيديۋم مۇشەسى قازىبەك يسا- ۇلت قايراتكەرى، شىنشىل جۋرناليست ءارى مايتالمان قالامگەر. ونىڭ جازاتىن نەگىزگى تاقىرىبى - ۇلت مۇددەسى. ول قاشاندا قازاق ماسەلەسىن قوعام الدىندا اشىق جانە باتىل تۇردە ايتىپ تا، جازىپ تا ءجۇر. ونى وقىعاندا كۇيىنە وتىرىپ، ەكى ەزۋىڭ ەكى قۇلاعىڭا جەتىپ كۇلەسىڭ. كۇيىنەتىن جەرىڭ - ۇلتتىڭ تاپ بولعان بۇگىنگى اۋىر جاعدايى، ال كۇلەتىن جەرىڭ - وسىعان كىنالى شەنەۋنىكتىڭ، بولماسا ءبىر جاعىمپازدىڭ ءاجۋا كەيپى. سۋرەتشى عوي.

قازىبەك - سۋرەتشى. جاقسى سۋرەتشى. بەس جىل كوز مايىن تاۋىسىپ وقىپ، العان ماماندىعى وسى. قازىبەك  - اقىن. تۋما تالانت اقىن! ليريكالىق نازىك سەزىمنىڭ پاتشاسى دەسەك ارتىق ەمەس. سەبەبى ونىڭ جازعان ولەڭدەرىن وقىپ وتىرعاندا، سول نازىك، ءتاتتى، شىرىن سەزىمدەر جانىڭدى راحاتقا بولەپ، قانات ءبىتىرىپ، اسقار شىڭنىڭ باسىنا شىعارىپ تاستايدى. جانىڭ جاي تاۋىپ، كەرەمەت ءبىر كۇيگە ەنەسىڭ.

ەڭ باستىسى قازىبەك - ناعىز ۇلت پاتريوتى! كەزىندە جەردى ساتۋعا، قازاقستاندىق ۇلت يدەياسىنا، ءدۇبارا دوكتريناعا، جالپى ۇلتقا پايداسى كۇماندى بارلىق ماسەلەلەرگە جان-تانىمەن قارسىلىق كورسەتتى جانە قارسىلىق كورسەتىپ كەلەدى. 2004 جىلى قازاق تىلىنە قارسى شىققان  پارلامەنت دەپۋتاتتارىنىڭ 90 پايىزىنىڭ جابۋىن جۇلىپ الىپ، اشكەرەلەگەن كوزسىز ەرلىگىن ەل ۇمىتقان جوق. كەشەگى ەلدى دۇبىرگە بولەگەن ۇلت زيالىلارىنىڭ مەملەكەتتىك ءتىلدىڭ اتازاڭعا ساي دارا ستاتۋسىن قولداعان 138-ءدىڭ حاتىن جازىپ، باستاماشى بولۋى دا جەكە اڭگىمە وزەگى.

مىسالى، جاڭاوزەندەگى جاعدايعا بايلانىستى كوپتەگەن ءمۇيىزى قاراعايداي جازۋشى، اقىنسىماقتار قاراپايىم حالىقتى كىنالاسا، قازەكەڭ «مۇناي ورنىنا قان اعىزعاندار قاتاڭ جازالانسىن! اتقىزعان كىم؟ اتقان كىم؟» دەپ ايقاي سالىپ  شىقتى(«جاس قازاق ءۇنى» گازەتى، 22.12.2011ج). 

قازىر ەكى ادامنىڭ ءبىرىنىڭ اۋزىندا سايلاۋ تۋرالى اڭگىمە. مەن وزىمشە قازاقتاردىڭ اراسىندا ساۋالناما جۇرگىزىپ كورگەن ەدىم. بايقاعانىم: «اق جولعا» داۋىس بەرەتىندەر مولىنان جەتكىلىكتى.

بۇرىن ۇلتجاندى قازاقتار ازات پەرۋشەۆتى ونشا بىلمەيتىن ەدى. «جاس قازاق ءۇنى» گازەتىنىڭ ارقاسىندا، قازىبەك يسانىڭ ويلى دا، وتكىر ماقالالارىنان حالىق ازاتتىڭ  ۇلتتىق مۇددەگە ءسىڭىرىپ جاتقان ەڭبەگىن  تانىدى. جاقسى جاعىنان كورە باستادى. ەگەر ازات پەرۋاشەۆ انىق قازىبەك جازعانداي ۇلتشىل ساياساتكەر بولسا، قازاقتار ونى قاشاندا قولداۋعا دايىن. «ۇلت تاعدىرى» (دوس كوشىم), «ۇلى دالا» (ايدوس سارىم) قوعامدىق قوزعالىستارىنىڭ «اق جولدىڭ» اياسىنان تابىلىپ، بىرلەسىپ ارەكەت ەتىپ جاتقانىنا قاراعاندا، جالعان سويلەمەيتىن قازىبەكتىڭ جازعاندارى شىندىق دەپ بىلۋگە بولادى.

«اق جول» پارتياسى توراعاسى ازات پەرۋاشەۆتىڭ دا، قازىر بارلىق پارتيالاردىڭ ىشىندە، بارلىق ماجىلىسكە كانديداتتاردىڭ ىشىندە، كوپ ىشىندە ءبىر جالعىز بولىپ كەلە جاتقان دارا دارىن، ۇلت قايراتكەرى  قازىبەكتى پارتيانىڭ سايلاۋ جورىعىندا مايداننىڭ الدىڭعى شەبىنە سالىپ جۇرگەنى دە ءبىزدى قۋانتادى. قازىبەك ۇلت مۇددەسىن، «اق جولدىڭ» ۇلتتتىق ساياساتىن ەلگە ەركىن ناسيحاتتاۋعا مۇمكىندىك الۋدا. مىسالى، مەن ءوزىم تاراتقان «جاس قازاق ءۇنى» گازەتىن وقىعاندار بىردەن «اق جولعا» داۋىس بەرۋگە شەشىم قابىلداپ جاتقانىنا تالاي كۋا بولدىم. ۇلى يمپەراتور ناپولەون بوناپارتتىڭ «ءۇش مىڭ ساربازدان ءبىر گازەت قاۋىپتى» دەگەنى بوسقا ايتىلماعان ەكەن دەيسىڭ... ال قازىبەك نەبىر قالتالىلاردىڭ، وداقتار مەن پارتيالاردىڭ باسىلىمدارى جابىلىپ قالىپ جاتقاندا ۇلت ءۇشىن وسى «جاس قازاق ءۇنى» گازەتىن اياققا تۇرعىزىپ، ەلگە بەلگىلى تاۋەلسىز باسىلىم ەتتى. ەندى قازىبەكتىڭ ۇلت مۇددەسى جولىنداعى  قارقىنى قۇداي قالاسا، پارلامەنت ماجىلىسىندە جالعاسسا، نۇر ۇستىنە نۇر بولار ەدى... بۇل كوپتىڭ تىلەگى. قۇداي كوپتىڭ تىلەگىن بەرەدى دەگەنگە ءبىز سەنەمىز.

قازىبەك يسانى سۋرەتشى، اقىن، جازۋشى، جۋرناليست دەپ قانا ەمەس، الاش ارداقتىلارىنىڭ جولىن جالعاستىرۋشى ۇلتشىل جان دەپ ءبىلۋ لازىم. سوندىقتان مەن وسى ازامات ءۇشىن الداعى سايلاۋدا «اق جول» پارتياسىنا داۋىس بەرەمىن. جالعىز مەن ەمەس، قازىبەك ءۇشىن «اق جولعا» داۋىس بەرەتىن قازاقتار كوپ. سەبەبى، مۇنداي ۇلتشىل ازامات دەپۋتات بولسا، ۇلت مۇددەسى پارلامەنت تورىنەن ايتىلادى دەگەن ءسوز. قازىبەكتى سايلاۋ بارىسىندا ەل وتە جاقسى قابىلداپ، ارىزىن ايتۋشىلاردىڭ كوبەيىپ تۇرعانى دا كوپ نارسەنى اڭعارتادى. 2004 جىلى سايلاۋدا 80 پايىزدان اسا داۋىس جيناسا دا، بەلگىلى سەبەپتەرمەن «سايلانباي» قالعانى بەلگىلى. سوندا قازىبەك 43,6 پايىزبەن تەك «اقجولدىقتار» ىشىندە عانا ەمەس، بۇكىل ماجىلىسكە كانديداتتار بويىنشا  ەڭ ءبىرىنشى ورىن العان ەدى... سوندا، ماقتارال اۋدانىنىڭ ءبىر اۋلىندا ەلگە بەلگىلى اقساقالدىڭ «مەن ءوزىم بۇگىن كورىپ، ءسوزىن تىڭداپ وتىرعان قازىبەكتى ەگەر ەرتەڭ سايلاۋدا قۇلاتسا، مەن ءبىر اپتا جىلايمىن» دەگەنى بار ەدى. وكىنىشكە وراي ول كىسىنىڭ كۇدىگى راسقا اينالدى... سونداي اقساقالدار باستاعان قاراپايىم حالىق الىگە دەيىن استانادان ءبىر جاقسى حابار كۇتۋمەن ءجۇر...

ەگەر بيلىك ۇلت مۇددەسىنىڭ ەل ساياساتىندا كەمشىن تارتىپ كەلە جاتقانىن مويىنداپ، ونى ارتتىراتىن كەز باياعىدا جەتكەنىن بىلسە، وندا ەڭ بولماعاندا وسى ءبىر ۇلتشىل ازامات، دارىندى اقىن، قايسار قايراتكەر - قازىبەك يسانى ماجىلىسكە جىبەرۋى كەرەك.  سالىق دەكلاراتسياسى دەيدى، باسقا دەيدى، ماجىلىسكە كانديداتتار تىزىمنەن ءتۇسىپ قالىپ جاتىر... «اق جولدان» دا 63 ۇمىتكەردەن 55 قانا قالدى. ال بۇكىل ۇلت پاتريوتتارى ءار وسىنداي وقيعا سايىن «قازىبەكتى قۇداي ساقتاسا ەكەن» دەپ قالتىراي قاداعالاپ وتىر...

ۇلتتىق تۇجىرىمداما جاساعان جالعىز پارتيا، «العا ورلەتەتىن - وزگەرىستەر» اتالعان سايلاۋ تۇعىرناماسىندا «مەملەكەت ۇلتتىق مۇددەگە قىزمەت ەتۋى ءتيىس» دەپ مالىمدەگەن پارتيا - «اق جولدى» ۇلت پاتريوتتارى مەن مەملەكەت مۇددەسىن قورعاۋشى بارلىق ازاماتتار قولداۋى ءتيىس دەپ سەنەمىن.

گەرويحان قىستاۋباەۆ، ۇلت پاتريوتى، ماتەماتيك.

قىدىرالى داۋلەتباەۆ، «ەل بولاشاعى» قوزعالىسى الماتى قالالىق فيليالى اتقارۋشى ديرەكتورى.

ءومىرباي سابىروۆ، «ۇلت تاعدىرى» تاراز قالالىق فيليالى توراعاسى.

سەرىك اباي، ساعيدوللا مەرگەنباەۆ، الماتى وبلىسى ەڭبەكشىقااازاق اۋدانى ۇلت پاتريوتتارى جەتەكشىلەرى.

اۋەلحان شونجان، وقو ارىس، وتىرار، ماقتارال، شاردارا اۋداندارى ۇلت پاتريوتتارى جەتەكشىسى.

ومىرزاق اقجىگىت، ۇلت پاتريوتى، جۋرناليست جانە ت.ب.