قازاقستان حالقى اسسامبلەياسى سايلايتىن ءماجىلىس دەپۋتاتتارىنىڭ كەزەكتەن تىس سايلاۋى (تومەنگى پالاتا)  دۇيسەنبىدە استانادا بەيبىتشىلىك جانە كەلىسىم سارايىندا باستالدى دەپ حابارلايدى اگەنتتىك ءتىلشىسى.

قازاقستان حالقى اسسامبلەياسى سايلايتىن ءماجىلىس دەپۋتاتتارىنىڭ كەزەكتەن تىس سايلاۋى (تومەنگى پالاتا)  دۇيسەنبىدە استانادا بەيبىتشىلىك جانە كەلىسىم سارايىندا باستالدى دەپ حابارلايدى اگەنتتىك ءتىلشىسى.

دۇيسەنبىدە استانادا رەسپۋبليكا پرەزيدەنتى نۇرسۇلتان نازارباەۆتىڭ شاقىرۋىمەن قازاقستان حالقى اسسامبلەياسىنىڭ سەسسياسى  ءوتىپ جاتىر، وعان ەلوردانىڭ اۋماقتىق سايلاۋ كوميسسياسىنىڭ توراعاسى جانە مۇشەلەرى قاتىسۋدا.

زاڭناماعا سايكەس اسسامبلەيا كەڭەسى دەپۋتاتتىققا بارلىعى 9 ۇمىتكەر ۇسىنعان: «تۇراقتى قازاقستان» قورىنىڭ جەتەكشىسى  جۇماتاي اليەۆ، ۇيعىرلاردىڭ رەسپۋبليكالىق مادەني ورتالىعى باسقارماسىنىڭ مۇشەسى مۇرات احماديەۆ، «ۆوزروجدەنيە» قازاقستان نەمىستەرى قوعامدىق بىرلەستىكتەرى قاۋىمداستىعى كەڭەسىنىڭ مۇشەسى ەگور كاپپەل، قازاقستان كارىستەرى قاۋىمداستىعىنىڭ توراعاسى رومان كيم، «ۆايناح» شەشەن جانە ينگۋش حالىقتارىنىڭ مادەنيەتىن دامىتۋ قاۋىمداستىعىنىڭ تەڭ توراعاسى احمەت مۋرادوۆ، جامبىل وبلىسى قازاقستان حالقى اسسامبلەياسى توراعاسىنىڭ ورىنباسارى، ورىس، سلاۆيان جانە كازاك ۇيىمدارى قاۋىمداستىعى كەڭەسىنىڭ مۇشەسى نادەجدا نەستەروۆا، استانا قالاسىنداعى «تان» تاتار-باشقۇرت ەتنومادەني بىرلەستىگىنىڭ جەتەكشىسى زۋحرا ساياپوۆا، قحا توراعاسىنىڭ ورىنباسارى، «قازاقستان ۋكرايندەرى راداسى» وداعىنىڭ توراعاسى يۋري تيموششەنكو جانە  «دۋستليك»  رەسپۋبليكالىق وزبەك ەتنومادەني بىرلەستىگىنىڭ قۇرمەتتى توراعاسى روزاكۋل حالمۋرادوۆ.

ەلىمىزدىڭ ورتالىق سايلاۋ كوميسسياسى بارلىق ۇمىتكەرلەردى وتكەن جىلعى 30 جەلتوقسانعا دەيىن تىركەگەن.

وسك مالىمەتى بويىنشا، ۇمىتكەرلەردىڭ ورتا جاسى 59. بارلىعى جوعارى ءبىلىمدى. التاۋى عىلىم، مادەنيەت جانە ءبىلىم قىزمەتكەرلەرى بولىپ تابىلادى. تاعى ۇشەۋى-قازاقستان پارلامەنتى ءماجىلىسىنىڭ  ءتورتىنشى شاقىرىلىمداعى دەپۋتاتتارى.

استانا، 16 قاڭ - قازاقستان جاڭالىقتارى اا.

newskaz.kz