"پارلامەنت سايلاۋى كەلەسى جىلدىڭ ءبىرىنشى جارتىسىنا دەيىن بولمايدى. 20 جەلتوقساندا پارلامەنت سايلاۋى وتەدى دەپ جاتىر، بۇل شىندىققا جاناسپايدى. جالعان مالىمەت تاراتقاندارعا سەنبەڭدەر. 2021 جىلدىڭ 10 قاڭتارىندا پرەزيدەنت سايلاۋى وتەدى. ودان كەيىن رەفورمالار جۇرەدى. سوسىن بارىپ پارلامەنت سايلاۋى وتەدى", - دەگەن جاپاروۆ.

ينستاگرامداعى اتالعان اككاۋنت ۆەريفيكاتسيالانعانىن راستايتىن رەسمي بەلگى جوق بولعاندىقتان، ازاتتىق ۇكىمەت باسشىسىنىڭ ءباسپاسوز قىزمەتىنە حابارلاستى. ءباسپاسوز قىزمەتىنىڭ جەتەكشىسى باكتىبەك رىساليەۆ اككاۋنت سادىر جاپاروۆتىكى ەكەنىن، مالىمدەمەنى ءوزى تاراتقانىن راستادى.

ورتالىق سايلاۋ كوميسسياسى (وسك) زاڭعا سايكەس قايتا پارلامەنت سايلاۋى 20 جەلتوقساندا ءوتۋى ءتيىس دەگەن شەشىم شىعارعان. 24 قازاندا بىشكەكتىڭ ءبىرىنشى ماي اۋداندىق سوتى وسك شەشىمىن زاڭسىز دەپ تاپتى.

22 قازاندا پارلامەنتتە كونستيتۋتسياعا وزگەرىستەر ەنگىزىلىپ، پارلامەنتتىك قايتا سايلاۋدى توقتاتا تۇرۋ تۋرالى زاڭ جوباسىن قابىلداپ، وعان پرەزيدەنت مىندەتىن اتقارۋشى سادىر جاپاروۆ قول قويعان.

وعان سايكەس، پارلامەنت سايلاۋى 2021 جىلدىڭ 1 ماۋسىمىنان كەشىكتىرىلمەي، كونستيتۋتسيالىق رەفورمادان كەيىن ءوتۋى ءتيىس.