مەشىت كۇمبەزىن كۇيىك شالدى...

استانادا ەگەمەن ەل بولعالى بيلىكتىڭ ءوزى باس بولىپ ۇيىمداستىرىپ، 2010 جىلدىڭ قازانىنان باستاپ سالۋدى قولعا العان جاراتقاننىڭ ءۇيى ەگەمەندىكتىڭ  20 جىلدىعىندا بىتپەي قالدى. ءبىتىرۋىن بىتىرەر ەدى، بىراق اپىل-عۇپىل سالىنعان، سىز بەن ىلعالدان ارىلماعان قۇرىلىستى قابىلداۋعا پرەزيدەنتتىڭ ءوزى دە بارماستان، «جازدا تاپسىرىلسىن» دەپتى.

بۇل «حازىرەت سۇلتان» باس مەشىتى استاناعا كورىك بەرە باستاعانىن جاسىرعان كۇنا بولار. بىراق نەگە ەكەنى بەلگىسىز بۇعان جۇمسالىپ جاتقان قارجىنى بيلىك جاعى ازاماتتاردىڭ ەسەبىنەن دەپ يبا ساقتاپ وتىر. شىنىندا دا ونى كىمنىڭ قارجىسىنا سالىپ جاتقانىن بىلمەدىك. ول جاعىن اللا بىلەر، بىزگە ءبىلىپ كەرەگى دە جوق. الايدا، ارام اقشا بولماسا جارار.

ازىرگە بىلەتىنىمىز، بۇل قۇرىلىس يمان جولىنا سالىنعان قىرۋار قارجىعا تۇرعىزىلىپ جاتقاندىعى. الاڭى - 11 گەكتار، عيماراتتىڭ جالپى  الاڭى - 17700 شارشى مەتر.  باس كۇمبەزدىڭ بيىكتىگى - 51 مەتر، ديامەترى - 28,1 مەتر. ءتورت قۇبىلاعا تۇرعىزىلعان ءتورت مۇنارانىڭ بيىكتىگى - 77 مەتر. قىسقاسى، ورتاڭعى ازياداعى ەڭ الىپ مەشىت ازىرگە وسى.  بىراق...

مەشىت كۇمبەزىن كۇيىك شالدى...

استانادا ەگەمەن ەل بولعالى بيلىكتىڭ ءوزى باس بولىپ ۇيىمداستىرىپ، 2010 جىلدىڭ قازانىنان باستاپ سالۋدى قولعا العان جاراتقاننىڭ ءۇيى ەگەمەندىكتىڭ  20 جىلدىعىندا بىتپەي قالدى. ءبىتىرۋىن بىتىرەر ەدى، بىراق اپىل-عۇپىل سالىنعان، سىز بەن ىلعالدان ارىلماعان قۇرىلىستى قابىلداۋعا پرەزيدەنتتىڭ ءوزى دە بارماستان، «جازدا تاپسىرىلسىن» دەپتى.

بۇل «حازىرەت سۇلتان» باس مەشىتى استاناعا كورىك بەرە باستاعانىن جاسىرعان كۇنا بولار. بىراق نەگە ەكەنى بەلگىسىز بۇعان جۇمسالىپ جاتقان قارجىنى بيلىك جاعى ازاماتتاردىڭ ەسەبىنەن دەپ يبا ساقتاپ وتىر. شىنىندا دا ونى كىمنىڭ قارجىسىنا سالىپ جاتقانىن بىلمەدىك. ول جاعىن اللا بىلەر، بىزگە ءبىلىپ كەرەگى دە جوق. الايدا، ارام اقشا بولماسا جارار.

ازىرگە بىلەتىنىمىز، بۇل قۇرىلىس يمان جولىنا سالىنعان قىرۋار قارجىعا تۇرعىزىلىپ جاتقاندىعى. الاڭى - 11 گەكتار، عيماراتتىڭ جالپى  الاڭى - 17700 شارشى مەتر.  باس كۇمبەزدىڭ بيىكتىگى - 51 مەتر، ديامەترى - 28,1 مەتر. ءتورت قۇبىلاعا تۇرعىزىلعان ءتورت مۇنارانىڭ بيىكتىگى - 77 مەتر. قىسقاسى، ورتاڭعى ازياداعى ەڭ الىپ مەشىت ازىرگە وسى.  بىراق...

سايلاۋ ناۋقانى كۇنگى تۇستەن كەيىن استانانىڭ نەگىزگى ورتكە قارسى كۇشى وسى مەشىتكە قاراي اعىلدى. ساعات 15-تەن وتە سالىنىپ بىتپەگەن ورتالىق  مەشىتتىڭ باس كۇمبەزىن ءورت شالعانى تۋرالى اقپار جاھاندى كەزىپ كەتتى. ورتكە توتەنشە مينيستر بوجكونىڭ ءوزى كەلىپ، سوڭعى تەحنولوگيامەن جاراقتانعان بار مۇمكىندىگىن سالدى، 30-دان اسا تەحنيكا قارامى 180-دەي ادامىمەن ىسكە كىرىستى. ءورت بارىنشا جوعارى 3-دارەجەلى رەتىندە مارتەبەلەنىپ، ەلوردالىقتار بارىن سالىپ ءتىلسىز جاۋمەن الىستى. ابىروي بولعاندا كىسى شىعىنى مەن زارداپ شەككەندەر بولعان جوق. مامانداردىڭ ايتۋىنشا، كۇمبەزگە ايقىشتاي سالىنعان اعاش، دانەكەرلەۋ كەزىندە قىزىپ ءورت شىققان كورىنەدى. ايتۋلى كۇندى ءورت شالعانداي زاپى بولعان بيلىك تايلى-تۇياعى قالماي شاپتى، ايتەۋىر.

بىراق ءىشىمىزدى قىلپ ەتكىزگەن جامان ىرىمنان قۇتىلا المادىق. ىرىمدى جاراتقاننىڭ بەلگىسى دەپ ۇققان بابالارىمىز ونىڭ الدىن الۋعا ۇمتىلاتىن. كۇمبەزدى كۇيىك شالدى...  مىناۋ كوپ ءورتتىڭ ءبىرى بولسا دا، ەلدىڭ يماندىق ورداسى بولماقشى باس مەشىتتىڭ باسىن كۇيىك شالعانى الدەنەنى مەڭزەپ تۇر ما، بىلمەدىك... بالەنىڭ بەتى ارمەن!

دەسەك تە، الدامشى سايلاۋ مەن ساياساتتان ادام تۇگىل ارۋاق تا شارشاعانداي ما، قالاي؟ تالاي ۋادەگە مالدانىپ، تالاي وتىرىككە قومدانعان كەۋدەنى كۇيىك شالعالى قاشان... ماي ىشكەندەي. كىم بىلەدى، اللا تاراپىنان «الدارلارعا» بەرىلگەن سوڭعى ەسكەرتۋ بولماسىن. قورقاۋلاردىڭ بالەسى ەلگە تيمەي، وزدەرىمەن بىرگە كەتسىن!

«اباي-اقپارات»