قىرعىزستاننىڭ پرەمەر-ءمينيسترى جانە پرەزيدەنت مىندەتىن اتقارۋشى سادىر جاپاروۆ وتستاۆكاعا كەتەدى. بۇل تۋرالى قىرعىز اقپاراتى جازىپ جاتىر.

ول الدا كەلە جاتقان پرەزيدەنت سايلاۋىنا ۇمىتكەر رەتىندە قاتىسىدى ەكەن. بۇل تۋرالى كۇنى كەشە عانا ءوزى مالىمدەمە جاساپ، ايتقان.

«مەن دە وزگەلەرمەن تەڭ، سايلاۋعا تۇسەمىن. ەگەر حالىق تاڭداسا پرەزيدەنت بولارمىن، ايتپەسە جوق...»، - دەگەن.

سادىر جاپاروۆ وزىنە بەرىلگەن «پرەزيدەنت مىندەتىن اتقارۋشى» دەگەن لاۋازىمىن بيىل جەلتوقسان ايىنىڭ باسىندا وتكىزىپ بەرۋدى جوسپارلاپ وتىر ەكەن.

وسىعان دەيىن قىرعىزستاننىڭ وسك مەرزىمىنەن بۇرىن ءوتۋى ءتيىس پرەزيدەنت سايلاۋىن 2021 جىلدىڭ 10 قاڭتارىنا بەلگىلەگەن ەدى. ال پارلامەنت (جوگوركۋ كەنەش) دەپۋتاتتارىنىڭ سايلاۋى ناقتى قاشان وتەتىنى ازىرگە بەلگىسىز. بۇعان دەيىن پرەمەر-مينيستر سادىر جاپاروۆ پارلامەنت سايلاۋىنىڭ 2021 جىلدىڭ ناۋرىزىندا وتەتىنىن ايتقان. كەيىن ول 2021 جىلدىڭ العاشقى جارتى جىلىندا سايلاۋ وتپەيتىنىن مالىمدەگەن.

Abai.kz