Қырғызстанның премьер-министрі және президент міндетін атқарушы Садыр Жапаров отставкаға кетеді. Бұл туралы Қырғыз ақпараты жазып жатыр.

Ол алда келе жатқан президент сайлауына үміткер ретінде қатысыды екен. Бұл туралы күні кеше ғана өзі мәлімдеме жасап, айтқан.

«Мен де өзгелермен тең, сайлауға түсемін. Егер халық таңдаса президент болармын, әйтпесе жоқ...», - деген.

Садыр Жапаров өзіне берілген «президент міндетін атқарушы» деген лауазымын биыл желтоқсан айының басында өткізіп беруді жоспарлап отыр екен.

Осыған дейін Қырғызстанның ОСК мерзімінен бұрын өтуі тиіс президент сайлауын 2021 жылдың 10 қаңтарына белгілеген еді. Ал Парламент (Жогорку Кенеш) депутаттарының сайлауы нақты қашан өтетіні әзірге белгісіз. Бұған дейін премьер-министр Садыр Жапаров Парламент сайлауының 2021 жылдың наурызында өтетінін айтқан. Кейін ол 2021 жылдың алғашқы жарты жылында сайлау өтпейтінін мәлімдеген.

Abai.kz