2020 جىلدىڭ قاڭتار ايىنان باستاپ تۇرعىن ءۇي-كوممۋنالدىق شارۋاشىلىعى ماسەلەلەرى جونىندەگى زاڭناماعا ەنگىزىلگەن تۇزەتۋلەر قولدانىسقا ەنەدى. بۇدان بىلاي پاتەر يەلەرى كووپەراتيۆتەرى ورنىنا جاڭا ۇيىم جۇمىس ىستەيتىن بولادى. اتالعان وزگەرىس «ءبىر ءۇي - ءبىر بىرلەستىك - ءبىر ەسەپشوت» ۇستانىمىنا نەگىزدەلگەن. 

وزگەرىس ەنگىزىلگەن زاڭناماعا سايكەس، تۇرعىن ءۇي - كومۋنالدىق شارۋاشىلىعىن باسقارۋدىڭ جاڭا تەتىكتەرى قاراستىرىلعان. ياعني، ءاربىر كوپپاتەرلى ءۇيدىڭ تۇرعىندارى ارنايى جينالىستا قاراپايىم سەرىكتەستىك نەمەسە بىرلەستىك قۇرۋ جونىندە شەشىم قابىلدايدى. ولاردىڭ بىرلەستىگى زاڭدى تۇلعا رەتىندە كومەرتسيالىق ەمەس ۇيىم بولادى. ال، ونداي ۇيىم تۇرعىنداردىڭ ءوز ىشىنەن قۇرىلماق. قر يدم قۇرىلىس جانە تۇرعىن ءۇي كومۋنالدىق شارۋاشىلىق ىستەرى كوميتەتىنىڭ توراعاسى مارحابات جايىمبەتوۆتىڭ ايتۋىنشا، مەنشىك يەلەرىن بىرىكتىرۋدەگى جاڭا نىساننىڭ نەگىزگى ايىرماشىلىعى - مۇنداعى بارلىق جۇمىس «ءبىر ءۇي - ءبىر مەنشىك يەلەرى بىرلەستىگى - ءبىر شوت» ۇستانىمىنا نەگىزدەلگەن. وندا ءاربىر تۇرعىن ءۇي كەشەنىنە جيناق شوتتارى جانە اعىمداعى شوتتارى جەكە اشىلاتىن مەنشىك يەلەرىنىڭ ءبىر بىرلەستىگى قۇرىلاتىن بولادى. مۇنداي وزگەرىس مەنشىك يەلەرىنە باسپانانى كۇتىپ ۇساۋعا كەتەتىن اقشانىڭ جۇمسالۋىن باقىلاۋعا مۇمكىندىك بەرەدى. بىرلەستىك توراعاسى 1 جىل مەرزىمگە تەكسەرۋ كوميسسياسىن جانە ءۇي كەڭەسىن باسپانا تۇرعىندارى اراسىنان مەنشىك يەلەرى جەكە سايلايدى.

باسپانانى كۇتىپ ۇستاۋ بويىنشا قىزمەت كورسەتۋ ءۇشىن سەرۆيستىك قىزمەت سۋبەكتىلەرى، ياعني بەيىندى كاسىپ ماماندارى جۇمىلدىرىلاتىن بولادى. اتالعان ماماندار شتاتىن كۇتىپ-ۇستاۋ نەگىزىندەگى اقشانى بارىنشا ۇنەمدەپ جۇمساۋعا نەگىز بولماق.

سونىمەن قاتار، تەحنيكالىق قۇرالدار مەن جابدىقتاردى جانە اقشالاي قاراجات پەن قۇجاتتاردى بەرۋ ءتارتىبى پاتەر يەلەرى كوپەراتيۆتەرىنە مۇلىكتىڭ مەنشىك يەلەرىنىڭ تاراپىنداعى بىرلەستىگىنە ءوتۋى بارىسىندا زاڭناما نەگىزىندە تولىق رەگلامەنتتەلمەگەنىنى ايتىپ ءوتۋ كەرەك. ءجيى كەزدەسەتىن ءبىر جاعداي پيك تابىسىنان اجىراپ قالماس ءۇشىن كپتۇ-گە ارنالعان قۇجاتتاردى بەرۋدى ءتۇرلى سىلتاۋلارمەن كەيىنگە ىسىرا بەرەدى. بۇل ماسەلەنى شەشۋ ءۇشىن يندۋستريا جانە ينفراقۇرىلىمدىق دامۋ مينيسترلىگى قۇجاتتاردى بەرۋ مەرزىمىن تاعايىندايدى. تاعايىنداۋعا سايكەس، پيك حابارلاما العاننان كەيىن ءۇش تاۋلىك ىشىندە قۇجاتتامانى بەرۋدى جۇزەگە اسىرۋعا ءتيىس ءارى مىندەتتى. ودان بولەك مەنشىك يەلەرىنىڭ قۇجاتتى بەرۋ تۋرالى شەشىمىن ورىنداماعانى ءۇشىن اكىمشىلىك جاۋاپكەرشىلىك جۇكتەلۋ ماسەلەسى دە قاراستىرىلىپ جاتقان كورىنەدى.

قازىرگى تاڭدا تۇرعىن ەمەس ءۇي-جايلاردىڭ، ياعني، پاتەرلەردىڭ مەنشىك يەلەرى كەلەر 2021 جىلدىڭ 7 قاڭتارىنا دەيىنگى مەرزىمدە تۇرعىن ءۇي كومۋنالدىق شارۋاشىلىعى ماسەلەلەرى بويىنشا زاڭ كۇشىنە ەنگەن ساتتەن باستاپ ءبىر جىل ىشىندە ءۇيدى باسقارۋ نىسانىن جاي سەرىكتەستىك نەمەسە مۇلىك يەلەرىنىڭ بىرلەستىگىن تاڭداۋ ءۇشىن جينالىس وتكىزۋى كەرەك. وسى رەتتە جۇمىس جاساپ جاتقان پيك 2022 جىلدىڭ 1 شىلدەسىنە دەيىن جۇمىس ىستەۋگە قۇقىسى بار.

ال، تۇرعىن ءۇي كومۋنالدىق شارۋاشىلىعى بويىنشا دايىندالعان رەفورمالار تۇرعىنداردىڭ تەحنيكالىق قىزمەت كورسەتۋى مەن جوندەۋگە قاراجات جۇمساۋ كەزىندەگى ەسەپ بەرۋ تۋرالى جانە مەنشىكتى باسقارۋدى رەتتەۋگە ارنالعان. بۇعان دەيىن مەملەكەت باسشىسى قاسىم-جومارت توقاەۆ مۇلىكتىڭ مەنشىك يەلەرىنىڭ بىرلەستىگى نەگىزىندە ءوزىن-ءوزى باسقارۋ مەن ءوزىن-ءوزى ۇيىمداستىرۋ ينستيتۋتىنىڭ بازالىق ەلەمەنتى وسى نەگىدە ەكەنىن ايتىپ وتكەن بولاتىن. قازىرگى تاڭدا وسى نەگىزدە وڭىرلىك جانە ورتالىق دەڭگەيلەردە جوبالاۋ وفيستەرىن قۇرۋ بويىنشا ىرگەلى ىستەر اتقارىلىپ جاتقانىن ايتىپ وتۋگە ءتيىسپىز. بۇل دەگەنىمىز - جەرگىلىكتى جەرلەردە ءىس جۇزىندە ىسكە اسىرۋدى جەدەلدەتۋگە، وڭىرلەردە كورسەتىلىپ، بەلگىلەنگەن رەفورمالاردى العا جىلجىتۋعا، ءۇيدى كۇتىپ ۇستاۋ مەن باسقارۋ سالاسىنداعى داۋ-دامايلى ماسەلەلەردى ازايتۋعا مۇمكىندىك بەرەدى.

اتالعان شارا اكىمدىكتەرگە قاراپايىم حالىقپەن ءتيىمدى كومۋنيكاتسيا جۇيەسىن جاساۋعا جول اشپاق. مۇندا بارلىق شەشىمدەر مەنشىك يەلەرى تاراپىنان قابىلداناتىنىن تۇسىنۋگە ءتيىسپىز. ال، مەنشىك يەلەرى قاۋىپسىز، قولايلى جاعداي جاساۋ ماقساتىندا ەڭ ءبىرىنشى ورتاق مۇلىكتىڭ ساقتالۋى ءۇشىن جاۋاپتى ەكەندەرىن ءبىلۋى ءتيىس.

ودان بولەك، مەنشىك يەلەرىنىڭ بىرلەستىگىن مەملەكەتتىك تىركەۋ E-gov پورتالىندا نەمەسە مەملەكەتتىك كورپوراتسيادا بەس جۇمىس كۇنى ىشىندە جۇرگىزىلەدى.ول ءۇشىن مەنشىك يەلەرى بىرلەستىكتىڭ جارعىسى وعان قوسا ءوتىنىش پەن تۇبىرتەكتى جانە جينالىس حاتتاماسىن بىرگە ۇسىنۋى ءتيىس.

قازىرگى تاڭدا كوپ پاتەرلى تۇرعىن ءۇيدى باسقارۋشىلار، مۇلىكتىڭ مەنشىك يەلەرى بىرلەستىگى توراعالارى، قاراپايىم سەرىكتەستىكتىڭ سەنىمدى وكىلدەرى سونىمەن قاتار باسقارۋشى كومپانيانىڭ قىزمەتكەرلەرى لەۆ گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ بازاسىندا ارنايى كۋرستان ءوتىپ، ءۇيدى باسقارۋ بويىنشا داعدى مەن ءبىلىم الا الادى. ول ءۇشىن قر يدم ارنايى باعدارلاما بەكىتكەن.ول بويىنشا، كۋرستان وتۋشىلەر 55 ساعاتتان استام ۋاقىت بويى وقۋدان ءوتۋى ءتيىس.باسقارۋ سەرتيفيكاتىن تالاپ ەتەتىن باسققارۋشى كومپانيانىڭ قىزمەتكەرلەرى سونىمەن قاتار، تۇرعىن ءۇي مەنەدجەرلەرى وقۋدان وتكەننەن كەيىن ارنايى تىركەلگەن ۇيىمدا سىناق تاپسىرۋى ءتيىس. ال، ولارعا سەرتيفيكاتتى اتامەكەن ۇلتتىق كاسىپكەرلەر پالاتاسىندا تىركەلگەن ۇيىمدار بەرەتىن بولادى.

Abai.kz