بوساعادان اتتاعان 2012 جىل سپورتتىق دودالارعا تولى بولىپ تۇر.  الدىمەن ۋكراينا مەن پولشا  قارتامىس عالامنىڭ فۋتبول دوداسىن قابىلداسا، اراعا ءبىر اي ۋاقىت سالىپ لوندوندا وليمپيادا ويىندارىنىڭ الاۋى تۇتانادى. ارينە، فۋتبولدان ەۋروپا چەمپيوناتىندا قازاقستانعا جانكۇيەر بولا المايمىز. تەلەديداردان كورىپ، سىرتىنان شەبەرلىگىنە قول سوعىپ جۇرگەن قۇرامالاردان كىمگە جانكۇيەر اتاناتىنىن قازاق كورەرمەنى ءوزى شەشەدى. ال، تۇماندى البيونداعى وليمپيادا ويىندارىنان ءبىزدىڭ سپورتشىلاردىڭ  الاتىن ۇلەسى زور. تاۋەلسىز مەملەكەت رەتىندە 3 مارتە جازعى وليمپيادا ويىندارىنا قاتىسقان قازاقستان سپورتشىلارى  بريتان ارالدارىنان قورجىن تولى جۇلدەمەن كەلسە دەپ تىلەيدى قازاق جانكۇيەرى. ساناۋلى ايلاردان سوڭ شىمىلدىعى تۇرىلەتىن وليمپيادا ويىندارىنا قانشا جولداما يەلەندىك؟! باسشىلىق قانشا مەدال الۋدى جوسپارلاپ وتىر؟ كىمدەردەن جۇلدە كۇتەمىز؟! وسى ساۋالدارعا جاۋاپ ىزدەپ كورەلىك.
اۋىر اتلەتيكا

بوساعادان اتتاعان 2012 جىل سپورتتىق دودالارعا تولى بولىپ تۇر.  الدىمەن ۋكراينا مەن پولشا  قارتامىس عالامنىڭ فۋتبول دوداسىن قابىلداسا، اراعا ءبىر اي ۋاقىت سالىپ لوندوندا وليمپيادا ويىندارىنىڭ الاۋى تۇتانادى. ارينە، فۋتبولدان ەۋروپا چەمپيوناتىندا قازاقستانعا جانكۇيەر بولا المايمىز. تەلەديداردان كورىپ، سىرتىنان شەبەرلىگىنە قول سوعىپ جۇرگەن قۇرامالاردان كىمگە جانكۇيەر اتاناتىنىن قازاق كورەرمەنى ءوزى شەشەدى. ال، تۇماندى البيونداعى وليمپيادا ويىندارىنان ءبىزدىڭ سپورتشىلاردىڭ  الاتىن ۇلەسى زور. تاۋەلسىز مەملەكەت رەتىندە 3 مارتە جازعى وليمپيادا ويىندارىنا قاتىسقان قازاقستان سپورتشىلارى  بريتان ارالدارىنان قورجىن تولى جۇلدەمەن كەلسە دەپ تىلەيدى قازاق جانكۇيەرى. ساناۋلى ايلاردان سوڭ شىمىلدىعى تۇرىلەتىن وليمپيادا ويىندارىنا قانشا جولداما يەلەندىك؟! باسشىلىق قانشا مەدال الۋدى جوسپارلاپ وتىر؟ كىمدەردەن جۇلدە كۇتەمىز؟! وسى ساۋالدارعا جاۋاپ ىزدەپ كورەلىك.
اۋىر اتلەتيكا
بۇگىنگە دەيىن قازاقستان سپورتشىلارى 50-گە جۋىق جولدامانى جەڭىپ الدى. 2011 جىلى اۋىر اتلەتيكا، بوكس، كۇرەس سىندى قازاقتىڭ وڭ جامباسىنا كەلەتىن سپورت تۇرلەرىنەن ەل سپورتشىلارى جۇلدەگە قول جەتكىزگەنىن بىلەمىز. بۇرىن بوكسشىلاردان اس تا توك جۇلدە كۇتەتىن قازاق جانكۇيەرى ەندى زىلتەمىردىڭ قوس دوڭگەلەگىنە ۇمىتپەن قارايدى. الەكسەي ني باپتايتىن اۋىر اتلەتتەر لوندونعا 8 ادامدىق قۇراممەن بارادى.تورتەۋى - ەرلەر، تورتەۋى - ايەلدەر. قورجىنداعى جولدامالار جونىنەن قازاقستان قىتاي جانە رەسەيمەن بىرگە كوش باستاپ تۇر. بىراق، پاريجدەگى الەم چەمپيوناتىندا الماس وتەشوۆ پەن ۆلاديمير سەدوۆتىڭ تومەن ناتيجە كورسەتۋى ەرلەر قۇراماسىن  ءبىراز ۇپايدان ايىردى. لوندوندا سىر ساڭلاعى يليا يلين مەن سۆەتلانا پودوبەدوۆا باستاعان قىزدار قۇراماسىنا ارتىلار جۇك اۋىر.
مەڭدىحان ءتاپسىرۇلى، اۋىر اتلەتيكا فەدەراتسياسىنىڭ باس حاتشىسى:
- جاڭا جىلدىق مەرەكە اياقتالعان سوڭ، ۇلتتىق قۇراماداعى قىز-جىگىتتەر جاتتىعۋ جۇمىستارىنا قايتادان كىرىسىپ كەتتى. عالامتوردا ۆلاديمير سەدوۆ، سەرگەي يستومين جانە سەرگەي كۋزنەتسوۆتاردىڭ ۇلتتىق قۇرامادان بولەك جاتتىعامىز دەگەن پىكىرلەرى جارىق كورگەن. بىراق، باسشىلىق وعان رۇقسات بەرگەن جوق. يليا  استانادا دايىندىق جۇمىستارىن جۇرگىزۋدە. الايدا، ونىڭ دا باسشىلىقتىڭ، ۇلتتىق قۇراما باپكەرلەرىنىڭ تىكەلەي نازارىندا ەكەنىن ۇمىتپاڭىزدار. ازىرگە الماتىدا جاتتىعۋدامىز. شەتەلگە شىعىپ دايىندالۋدىڭ دا جولى تۇسەدى. لوندون وليمپياداسىنان بۇيىرسا 4-5 مەدال ولجالاۋدى ماقسات ەتىپ وتىرمىز. ونىڭ ەكەۋى التىن بولسا، جوسپاردىڭ ورىندالعانى. نەگىزى، «ارىق ايتىپ، سەمىز شىققان» دۇرىس قوي. كىم بىلەدى، سايىس كەزىندە ەكىنشى قىرى اشىلىپ، ويلاماعان جەردەن جۇلدە سىيلايتىن شىعار ۇلاندارىمىز؟!
بوكس
باكۋدە وتكەن بوكستان الەم چەمپيوناتى لوندون وليمپياداسىنا جولداما تاراتقان العاشقى سىن ەمەس. بۇكىلالەمدىك بوكس سەرياسىندا (WSB) جەڭىمپاز اتانعان قانات ءابۋتالىپوۆ 56 كەلى سالماق دارەجەسىندە ەل نامىسىن قورعايدى. ال، باۋدەگى باسەكەدە ءبىزدىڭ كۇرزى جۇدىرىقتى جىگىتتەر 5 جولداماعا يەلىك ەتتى. ولار - عاني جايلاۋوۆ (60 كەلى), سەرىك ساپيەۆ (69 كەلى), دانابەك سۋجانوۆ (75 كەلى), ادىلبەك نيازىمبەتوۆ (81 كەلى) جانە يۆان دىچكو (91 كەلىدەن جوعارى). بۇل بوكسشىلار الاڭسىز دايىندىق ۇستىندە، ال ۇلتتىق قۇراماداعى جولداماعا قولى جەتپەگەن ءتورت سالماقتىڭ وكىلدەرى استاناداعى سىنعا قولعابىن سايلاپ وتىر. ءساۋىر ايىندا سارى قۇرلىقتىڭ بىلعارى قولعاپ شەبەرلەرىنە ارنالعان ليتسەنزيالىق تۋرنير وتەدى. سول سايىستا 49,52,64 جانە 91 كەلى سالماقتاعى جىگىتتەرىمىز لوندون  جولداماسىن  ۋىسقا ءتۇسىرىپ كورمەشكى.
مىرزاعالي ايتجانوۆ، بوكستان ۇلتتىق قۇرامانىڭ باس باپكەرى:
- جاڭا جىل، وليمپيادا جىلى باستالىسىمەن  الماتىداعى «اقبۇلاق» ساۋىقتىرۋ كەشەنىندە دايىندالىپ جاتىرمىز. جىگىتتەردىڭ مىندەتى - جالپى دەنە دايىندىعىنان سۇرىنبەي ءوتۋ. تاۋدا قار قالىڭ. جىگىتتەر قالىڭ قاردى كەشىپ، تاۋ شىڭىنا شىعىپ بارادى. وليمپيادا شىڭىن باعىندىرۋ ودان بەتەر قيىن. سول سەبەپتى، دايىندىق جۇمىستارىن ۇدەتىپ جاتىرمىز. «اقبۇلاقتا»  جاعداي جاسالعان، باسسەين، جاتتىعۋ زالدارىنا ءزارۋ ەمەسپىز. ودان بولەك فۋتبول، ۆولەيبول، باسكەتبول سىندى سپورتتىق ويىنداردى دا قالت جىبەرمەيمىز. بوكستى تەك قانا توبەلەس دەپ ۇقققاندار قاتەلەسەدى. بوكسشى چەمپيون اتانۋى ءۇشىن بارلىق جاعىنان ءمىنسىز بولسا كەرەك. اقپان ايىندا الماتىدا فرانتسيا، ينديا، رەسەي جانە قازاقستان قۇرامالارىنىڭ اراسىندا جولداستىق كەزدەسۋ وتەدى. ناۋرىزدا وليمپيادا مەكەنى انگلياعا بارىپ، وقۋ-جاتتىعۋ جيىنىن وتكىزەمىز. جولداما جەڭىپ العان سپورتشىلار گەرمانياداعى حالىقارالىق سىنعا، ال جولدامان ءۇمىتتى جىگىتتەرىمىز استاناداعى ىرىكتەۋ سىنىندا ايقاساتىن بولادى.
تاەكۆوندو
تاەكۆوندودان بەيجىڭ وليمپياداسىنىڭ قولا جۇلدەگەرى ارمان شىلمانوۆتىڭ ىرىكتەۋ سىنىنان ءارى اسپاي، لوندون دوداسىنان سىرت قالۋى كوپتەگەن جانكۇيەردى جابىرقاتتى. قانشا دەگەنمەن، بەيجىڭ جۇلدەگەرى بيىكتەن كورىنەدى دەپ ۇمىتتەنگەنىمىز راس. لوندون وليمپياداسىنا ءۇش تاەكۆوندوشىمىز جولداما جەڭىپ الدى. ولار گۇلنافيس ايتمۇحامبەتوۆا، فەرۋزا ەرگەشوۆا جانە نۇرسۇلتان ماماەۆ.
ماقسۇت نارباەۆ، تاەكۆوندودان مەملەكەتتىك جاتتىقتىرۋشى:
- ەندى جارتى جىلدان سوڭ لوندون وليمپياداسىنىڭ الاۋى تۇتانادى. ءبىزدىڭ قۇرامادا 3 جولداما بار. قازىرگى تاڭدا دايىندىقتى باستاپ كەتتىك. الماتىدامىز. اقپان ايىندا كورەيادا ءبىر اي وقۋ-جاتتىعۋ جيىندارىن وتكىزەمىز.  كورەياعا بارىپ كەلۋگە كەتەتىن شىعىندى سپورت كوميتەتى موينىنا الىپ وتىر. ناۋرىزدا «گەرمانيا وۋپەن»  دەپ اتالاتىن حالىقارالىق سايىس بار. سول سىندا ءوزىمىزدى ءبىر سىلكىپ الماقشىمىز. ەكى قىزىمىز دا، نۇرسۇلتان دا جامان ەمەس. ماماەۆتىڭ سينگاپۋرداعى جاستار وليمپياداسىندا جۇلدە سالعانىن بىلەسىزدەر. ەندى سول ءۇردىس لوندوندا جالعاسسا دەپ تىلەيمىز.
بەيجىڭ وليمپياداسىنا قازاقستان اتىنان سپورتتىڭ 22 تۇرىنەن 132 سپورتشى قاتىستى. ال، لوندونداعى سىنعا 100 جولداما يەلەنىپ، 3 التىندى جەڭىپ  الساق جارايدى دەيدى سپورت جانە تۋريزم ءمينيسترى تالعات ەرمەگياەۆ. بۇل جوسپاردىڭ قانشا پايىز ورىندالاتىنىن لوندوندا بايقايمىز. ال، «ماسا.كز» ينتەرنەت گازەتى مەن Abai.kz اقپاراتتىق پورتالى لوندونعا جولداما العان سپورتشىلارمەن تانىستىرىپ، جولداما ساناۋدى ودان ءارى جالعاستىرادى.
«اباي-اقپارات»